رواية حب بعد الزواج الفصل الرابع عشر 14 بقلم جمانة السعيدي
رواية حب بعد الزواج الجزء الرابع عشر
رواية حب بعد الزواج البارت الرابع عشر
رواية حب بعد الزواج الحلقة الرابعة عشر
خلف الصبح كعدت الساعه بثمانيه لكيت اهلي متريكبن
قررت اروح اكعدها ونتريك اني وياها سوا
غسلت وجهي
خلف….يمه اني رايح اطمن على ام رشا
امي…ام رشاااا لو رشا
خلف ياربي معقوله اني هيج فاضح نفسي اليوم حتى امي ناصبه عليه
رحت دكيت الباب فتحه حمودي
خلف…هلو حمود شلونك
حمود …زين
خلف…وين امك
خلف…هي ورشا هنا تعال
دخلت لكيت ام رشا طالعه تغسل ورشا رايحه بسابع نومه
كعدت يم رشا
خلف…رشا رشا اكعدي
رشا…وهي مغمضه هاااا بعد وكت
كالت هيج ورجعت نامت
ايدها طالعه مغطيه بيه وجهه
باصبعي وكمت امشي على ايدها على كيف
راسا كمزت عباله شي يمشي على ايدها
رشامسحت ايدها وصاحت يمه
فتحت عينه وشافتني
رشا…هاي انت ولله خفت
خلف…اكعدي اريد ريوك جوعان ا ريد مثل البيض مال امس
رشا…بيش الساعه هسه
خلف…بثمانيه وربع
رشا…اي هسه كعدت على حيله ابتسمت صباح الخير
خلف…صباح الخير يله حتى تقرين وين النشاط وين الهمه
رشا…اي كعدت
راسا دخلت ام رشا
ام رشا…صباح الخير
خلف…هله عمه شلون صرتي اليوم
ام رشا…الحمد لله احسن جمانه السعيدي البارحه يله كدرت انام اني صار هواي اشكي من راسي بس ماادري عندي ضغط
الحمد لله يله ماما رشا بسرعه ريوك
رشا…اي هسه ماما
طلعت رشا شويه ورجعت جايبه الريوك
خلف…خاله تعاي اتريكي ويانه
ام.رشا الف عافيه لا اني بعد مااكل شي بي دهن لو ملح
كعدنا ناكل اني ورشا
خلف…بعد لا تلبسين هاي الدشداشه
رشا…شبيه
خلف…لازكه على جسمج وكل التفاصيل مبينه
رشا…هاي دشداشة نهى البارحه اخذته منه
خلف…بس حلوه عليج
رشا…ابقه اليوم هنا يم امي
خلف…لا ترحين وياي امج وضعه زين والحمد لله
رشا…بس اليوم
خلف…لا البيت مو حلو تعودت عليج وامج مو بعيده اذا تحتاجج بشي بس ادز حمودي لو تصيح من الحايط
رشا…سكتت لان اعرفه اذا كال لا يعني لا كلمته وحده
خلف كملنا ريوك وبقيت منتضره حتى تجي وياي
مجاي اكدر ارجع للبيت وهي ماكو
خلف…يله رشا
رشا…اي اجيت خل اجيب كبه ماما مسويه كبه تخبل
خلف…يله بسرعه
رجعنا للبيت
امي…هااا ماعفته يم امه رحت كعدت لمن جبته واجيت
خلف…مو عدها امتحانات وتريد تقرا
امي…تقرا لو انت بقيت تحوس عليه
اول ما وصلت رشا للبيت دخلت للغرفه فتحت الشباك وغيرت الجرجف
ونضفته وطلعت غسلت ملابسنا بعدين بدت تقرا
خلف…اي اقر ي اني راح اساعد امي بلبيت
بدت امتحانات رشا كل يوم اخذه تمتحن واروح للسوك اخذلي فره وارجع عليه اجيبه
بقن بس اتلث امتحانات واني خلصت اجازتي
خلف…يأبه من رخصتك اريد تاخذ رشا الصبح وياك للامتحان وواحد من الولد يرجعه للبيت
ابوي…اي بس هاي سهله
حضرت جنطتي وكلش ضجت مااريد التحق اريد ابقى هنا هواي واحد وعشرين يوم يله انزل
ردت اطلع طلعت وراي رشا حضنته وبسته براسه وكتله
ديري بالج على نفسج واقري زين
رشا…انشاء الله
طلع وياي ابوي وامي
هذا الحجي الضهر تقريبا الساعه بلوحده
طلعت من شارعنا وشفت شي كلش ازعجني
شفت سالم دخل الشارعنا
ضجت ورجعت الافكار القديمه براسي
شعندا جاي بشارعنا
معقوله جاي علمود رشا ايجوز يريد يشوفه
ايجوز اكو اتفاق بينهم يمكن يدري اني اليوم التحق
شمدري اني اليوم التحق للجيش
ايجوز هي عدها تواصل وياااا
كل الافكار الشيطانية اجت ابالي وابد ماحسيت نفسي مرتاح ردت ارجع اشوفه وين راح
بعدين تعوذت من الشيطان
لان صرت بعيد عم بيتنا حيل
رحت بس كلبي مامطمن ابد جمانه السعيدي رغم هي كبال عيني كل الوقت بس مامطمن
رشا هاي الفتره قربت من خلف وشفت نفسيته شنو
وشلون مهتم بيه وبااهلي
عكس بلبدايه جان عصبي وبس يتعارك وياي
الصراحه اني جنت اموت منه ومااطيقه ابد
بس هاي الفتره حسيت نفسي احبه يمكن هلمره من يرجع
راح انطي نفسي فرصه نقرب من بعض
بعد هو زوجي بلحلال ليش اني وياا مبتعدين واحد عن الثاني
خلصت الامتحانات صحيح ماكان ادائي احسن شي
بس اني متأكده راح انجح
مرت الايام بطيئه بدون خلف وموحلوه ولا بيه طعم
كل الذكريات إزاحمت ابالي
شلون يحشش عليه شلون يسولف وياي وشلون يهتم بيه
وأهم شي ماغصبني على الحياة الزوجيه ابد
والاهم انطاني مساحه حتى اعرفه زين واحبه واتعلق بي
خلف الايام كانت تمر طويله وممله وماكو فكره ابالي طول النهار الى فكره وحده سالم شعنده جاي بشارعنا
يارترى رجعت علاقته برشا ايجوز لان هي تحبه من زمان
وهي كالت اكرهك بليلة زواجنا ومااريدك
احسب يوم يوم يمته انزل واتأكد من هاي الشغله بنفسي
ماجنت اعرف الشيطان جاي يدفعني على خراب بيتي
بيوم الي نزلت وصلت بليل الساعه ١٢ تقريبا
بهذا الوكت المتأخر قبل لا اوصل الشارعنا شفت سالم
بهذا الوقت المتاخر طلع من شارعنا
يعني هاي مستحيل تكون صدفه هيج وقت متاخر
وين جان وشيسوي بشارعنا
الشياطين كله صارت كدام عيني مستحيل هاي الشغله خاليه اكو سر بلموضوع
اذكرت من جان يجي بليل علمود رشا
وصلت للبيت لكيت اهلي نايمبن
ورشا ماكو بغرفتنا
اتخبلت شلون رشا ماكو بلغرفه وين راحت
كعدت امي
امي…هله يمه اجيت احضرلك عشى
خلف…لا مااريد وين رشا
امي…اليوم امه تخربطت وكالت الابوك تريد تبات بيت اهله
وابوك قبل
خلف…هااا امه تخربطت اني مو كايل ممنوع تبات بيت اهله شمرت الجنطه ورحت ادك بابهم
امي طلعت وكفت بابنا يمه شتربد منه يمكن نايمين
رجعت ادك الباب بعصبيه
اكثر من عشر دقايق ادك سمعت امه كالت منو
خلف…اني عمه اني خلف
ام رشا…اي يمه
فتحت الباب هله بخلف حمد لله على السلامه
خلف…الله يسلمج وين رشا
ام رشا…ستوها نامت اليوم ماله خلك
خلف…الشيطان يكلي جانت تحجي وياا وتوها نامت
ليش تعبانه شبيه خاف هو وياها بينهم علاقه مو شرعيه
واني مو بحساباته
ام رشا…تفضل هسه اكعدها
خلف هي دخلت واني بقيت واكف برا على اعصابي بركان يغلي داخلي اني وين ورشا وين
اني ليش ورطت نفسي وياها هي مومن ثوبنا وهذا سالم شيطان ايجوز رجع حتى ينتقم مني لان كتلته
طلعت رشا تفرك بعيونه وتتثاوب هله خلف
خلف…بسرعه جيبي عباتج وتعاي
رشا…شبيك عصبي رد السلام بلاول
خلف…كتلج بسرعه يله تعاي جيبي عباتج وتعاي
رشا…هاي شبيك شصاير
خلف…صحت بعصبيه ليش تراددين يله
رشا استغربت شبي من راح مو هيج ليس عصبي شصاير
رحت جبت عباتي واجيت وياا
بس زعلت منه ابدال مايكول مشتاقلج ماكدرت ادخل للبيت وانتي ماكووو
تعاي وياي جاي يصيح عليه
طلعت هو يمشي كدامي واني ورا بس دخلنا للغرفه
خلف…اني مو كايل ممنوع