رواية اختفاء أمي الفصل السادس 6 بقلم جمانة السعيدي
رواية اختفاء أمي الجزء السادس
رواية اختفاء أمي البارت السادس
رواية اختفاء أمي الحلقة السادسة
ماسه…بديت اتعلق بي واحبه
وتعودت على وجوده بحياتي كان شعور حلووو وخصوصا اني اول مره احس بلحب
كل يوم نلتقي ونبقى الاخر الدوام سوا
كعدنا واحد بصف الثاني وكمنا نتشارك كلشي سواا
كلشي يعني كلشي
الضحكه والسالفه والاكل
بحيث الكل كان يعرف احنا نحب بعض
كنت اشوفه انسان كامل والكمال الرب العالمين
لان اول تجربه بحياتي تعلقت بي بشكل مو طبيعي
حتى اهلي حسو بيه متغيره
بس اني مابينت الهم اي شي
بعد اربع أشهر من هاي العلاقه فاجئني
كرار….اني اريد اتقدملج
ماسه…تحجي صدك
كرار…طبعا صدك وين اكو جذب بهيج موضوع
ماسه…نخلص كليه وبعدين الخطوبه
كرار…والكليه شعليه ننخطب ونعقد ونشوف الوقت المناسب ونزوج
ماسه…كنت خايفه لا يسئل عني والناس الي ماتخاف من الله
تحجي عليه وعلى سمعت امي
وخفت احجيله عن امي واني مااعرف شنو صار وياها
مااعرف هي وين بلضبط
جمانه السعيدي
ماسه…عوف هذا الموضوع بعدين
كرار…ليش بعدبن
ماسه..خل يخلص الدوام احسن
كوه قنعته ناجل موضوع الخطبه لمن يخلص الدوام
كنت خايفه خايفه يعرف الموضوع من الناس ويعوفني
وخايفه اسكت ويعرف من الناس كلام اشكال واللوان
وماعندي احد مقرب مني اخذ رائيه بهذا الموضوع
اني مااثق لا بحنان ولا بنضال
خلصت هاي السنه وبقينا على تواصل بلتليفون وكلما يفتح موضوع الخطبه ااجله
واطلعله عذر شكل ساعه اكوول ابوي مسافر
ساعه عمي عندا انذار لمن يجي
ساعه عدنا ترميم بلبيت
لمن بدا يشك بحبي من كد مااجلت موضوع الخطبه هواي
بلسنه الثانيه من بدينا انداوم ورا تقريبا اسبوع من دوامنا
كرار…انتي ليش جاي تاجلين موضوع الخطبه احجي صدك
ترا صار سنه اركض وراج
ماسه…ماكو اي سبب بس اريد يجي الوقت المناسب
كرار…ويمتى برائيج الوقت المناسب
ماسه…لمن يكون الوقت مناسب
كرار…انتي تعرفين اني احبج وجاي تدللين عليه
ماسه…اني هم احبك
كرار…خلاص نحدد موعد واجي اخطبج
ماسه….حسيت نفسي اتحاصرت من كرار وبعد ماعندي اي عذر لان كل الأعذار خلصت خلاص
كرار…باعي نهاية هذا الاسبوع اجيب اهلي واجي اتقدملج
وممنوع تغيرين الموعد
اصلا امي وخواتي متحمسات يتعرفن عليج
جمانه السعيدي
ماسه…وافقت على هذا الموعد
بيني وبين نفسي اكول اذا هذا الولد هو الإنسان المناسب اليه اكيد راح يصدكني وماله شغل بكلام الناس
واذا مايحبني راح ببتعد عني ويصدك كلام الناس واني مايصدكتي
من رجعت للبيت قررت افتح هذا الموضوع وياا بابا
خصوصا هم بلبدايه راح يجون بس يتعرفون علينا
ماسه…بابا اريد احجي وياك بموضوع مهم
بابا…خير شكوووو
ماسه…اكو ولد من الجامعه يدرس وياي حاب بتعرف عليك
بابا…اي
ماسه…يريد يتقدملي
بابا…وانت تعرفينه زين
هذا الحجي نضال جاي تسنط علينا لان كتله الفضول تعرف احنا عن شنو نحجي
ماسه…الي اعرفه خوش ولد مودب وصار فتره يلح على موضوع الخطبه ولوما صادق مايلح هيج ويريد يتقدملي
بابا…اكو بينكم شي
ماسه…ماكو بس مجرد كلام
بابا…تمام يجي واني اخذ كل المعلومات الي تخصه
واسئل علي
ماسه…براحتك بابا
بعد ماطلع بابا اجاني علاوي
علاوي…الحيه نضال جانت خاله اذنه على الباب
ماسه…موجديده عليه طول عمرها فضوليه وحشريه
خليه تسمع ماعندي شي اضمه راح يجوني خطابه
علاوي….لا بله تحجين صدك لو تشاقين
ماسه…طبعا احجي صدك
علاوي…وتعوفيني
ماسه….طبعا مااعوفك انت ابني مو اخوي ومستحيل اعوفك ابد
بس احنا قررنا هسه بس خطبه والزواج بعد التخرج
تكون انت خلصت سادس اعدادي
وصرت شاب جامعي وتكدر تتحمل المسوليه
واني بعمري مراح اعوفك لازم اشوفك ناجح ومتخرج
ومتزوج واشوف جهالك
انت وصية امي الله يرحمه اذا كانت ميته
وانشاء الله ترجع بلسلامه اذا كانت عايشه
علاوي…صار ثمن سنوات غايبه مااعتقد راح ترجع بعد
ماسه…احنا مانعرف ضروفه شنوووو
اني عن نفسي راح ابقه انتضرها الاخر يوم بعمري
علاوي…انشاء الله ترجع النا بلسلامه
ماسه…ثاني يوم نضال انتضرت بابا يطلع لان تخاف تحجي كدامه
نضال….هااا بت الهام كايمه تحبين
ماسه…مالي خلك من الصبح شتريدين
نضال…شريد قابل منج عود ليش ماتحجيلي عن موضوع خطبتج
ماسه…وليش احجيلج بصفت شنووو ابوي مسؤل عني
وهو الي لازم يعرف وبس
نضال…هااا هيج صار الحجي بسيطه اني اعلمج
ماسه…ماتهدديني انتي كلشي ماتكدرين تسووين
ابدل ماتهددين باركيلي اسئليني شنو محتاجه
بس انت حيه والحيه حتلو تغير جلده تبقى حيه
نضال….اني حيه انتي الي مستهتره ورايحه للكليه كل يوم محمره ومكحله ولابسه لبس الله يستر منه حتى تغرين الشباب وليش استغرب انتي امج الي باكت تعب الرجال ونهزمت وياا حبيبه لو لا
ماسه…انتي شتريدين بلضبط جبتي عمرج كله تعيرني باامي وامي اشرف منج
ولو تموتين ماتوصلين اضفره فهمتي لو لا
نضال…انجبي انتي وامج الك…ح…ب…ه لو بيه خير مااخذت الفلوس ونهزمت
ماسه…كام دمي يفور من كلامه طلعت بدون ربوك
شكد عدها قابليه تسوي مشاكل
ولا تتعب ولا تمل من العرك والطلايب
ماسه…وصلت للدوام واني مبين عليه الانزعاج
جمانه السعيدي
كرار…شبيج اليوم ليش ضايجه
ماسه…ماكو شي
كرار…بداعتي احجي شكووو
ماسه…زوجت ابوي انسانه لا تطاق من الصبح كاعده ومتحضره للمشاكل
كرار…على شنو المشاكل
ماسه…البارحه فاتحت ابوي موضوعنا وزعلت ليش ماحجيت وياها بلاول
كرار….خلاص مابقه شي بس اجهز نفسي نتزوج وتخلصين منه
ماسه…ابتسمت من كلامه حسيته جاي يطمني
كرار…يوم الخميس العصر احنا يمكم وإنشاء الله نتفق
ومراح اسمح الاي احد يزعلج بعد
ماسه…يوم الخميس اني مارحت للدوام لان نضال كامت تخبث عليه من يوم تعاركنا اني وياها
وماقبلت تنضف البيت وترتبه طبعا متفقه هي وحنان
تخرب الخطبه واني مااعرف
المهم نضفت البيت وفرشت فراش جديد بلصاله وكوشات
عدنا ضاميهن للمناسبات طلعتهن
وشعلت بخور واني سبحت وشورت شعري ومكياج خفيغف وعطر
ودزيت علاوي جاب كيكه جاهزه وعصير من فلوس مصرفي
انطيت خبر البابا هم تحضر حتى نضال وحنان كشخن وتحضرن
الساعه بلاربعه اجا كرار هو وأمه واخته وخالته
حتى يتعرفون علينا
جمانه السعيدي
كعدنا كلنا سوا لان اني وكرار واحد شايف الثاني
باعتبار نعرف العائلتين على بعض
طبعا اهله مثقفين وامه واخته وحتى خالته لبسهن حلو وشيك وحتى حجيهن حلوو ومرتب
كرار…احنا جايين نتعرف على عائلتكم الكريمه وإنشاء الله يصير قبول بين الطرفين
بابا…اهلا وسهلا بيكم زارتنا البركه انشاء الله خير
ام كرار…اني حبيت ماسه وعذرت كرار لان كل النهار مصدعنا وهو يحجي عنه
خالته…انتم مبينين اوادم وخوش ناس
بابا…الله يخليكم انتم الاحسن
كرار…اني مستعد اسمع طلباتكم انشاء الله هسه خطبه
وعقد وبس اجهز نفسي نتزوج
بابا…انشاء الله
ماسه…نضال وحنان كانن منتضرات هاي اللحظه اللحظه
الي نتفق بيه على كلشي حتى يبدن خطتهن
وخاصه نضال كانت تغلي من الغيره وهي تشوف كرار واهله
شلون فرحانين بيه
نضال…. بلعافيه عليكم عيوني بس كون ماسه ماتفشلنا وياكم وترجع تعيد مصيبة امه
الي اخذت