رواية وداد الادهم الفصل السابع 7 بقلم سمسمه
روايه وداد الادهم
*البارت السابع*
عدا يوم علي الكل
وفي صباح يوم جديد
في اوضه ليل
تليفونها بيرن
ليل: الو اي ي سهر
سهر: مش كنتي عاوزاني اقضي معاكي يوم.
ليل :اه
سهر:اشطا انا جايالك النهاردة اي رايك
ليل: قومي طبعا تعالي يلا مستنياكي ي مزه
وقفلت ليل ونزلت جري علي مامتها.
ليل :ماما ي قمر
وداد: قولي عاوزه اي.
ليل:سهر صاحبتي هتيجي تقضي معايا اليوم
وداد: فكرة كويسه والله ولا اي رأيك ي ادهم
ادهم:اه كويس
تمام اي رايكم لما نقعد انهارده كلنا في البيت وانت ي ياسين كلم كريم
ياسين وأمل كانوا بيبصوا لبعض
ياسين :تمام ي بابا هطلع أكلمه في اوضتي
ياسين طلع وأسر طلع وراه
ياسين: عاوز اي أسر .
اسر: انا اسف
ياسين :علي اي انت كلامك صح وانا قدك وتوامك وأعمل اللي انت عاوزه واشرب وشم وكل اللي نفسك فيه
أسر:ياسين متزعلش مني دنت التونز بتاعي
ياسين:خلاص ي اسر مش زعلان
أسر حضن اخوه وبعيون مدمعه:انا اسف انا قولت كدا وقت غضب والحمد لله انك جئت في وقتك وانا بعدت عن الشله دي
ياسين:خلاص ولا يهمك
…………
تحت
خديجه :طب يلا نقوم نجهز ونلبس بقا
وداد: وانا هكمل الغدا ي حبايب امكم
أدهم :وانا هتكلم انا وزين في المكتب.
تعالي ي زين
……….
في مكان ماا
شخص ما:معلم البت عرفت أنها عايشه مع راجل كبير ومراته وعياله واسمه ادهم الدمنهوري راجل هيبه اوي ي معلم
هاشم :ولاده مين
شخص:خديجه وليل وأخين توام وواحد كمان
هاشم :قولتلي تمام .
…………….
عند كريم
كريم: اي يابني اجي النهاردة ليه
ياسين :نتسلي شويه حتي ي عم انت
كريم: اممم اشطا ي حب اجي مجيش ليه .
ياسين:اشطا قوم يلا تعالي مستنيك
وقفل كريم وقام يلبس
……..
في مكتب ادهم
ادهم طلع من مكتبه ورق وطلع بطاقه واداها لي زين
زين اخد منه البطاقه وابتسم جدا وفرح وقام حضن ابوه بفرحه كبيرة جدا
وكانت البطاقة بي اسم باباه
وده شئ خلاه مبسوط جدا
زين:عملت كدا ازاي
ادهم:انا عملت كدا بس عشان اشوف الفرحه دي في عيونك
زين:طب وخديجه
ادهم :مالها خديجه
زين:خايف عليها اوي حسسها مسئوله مني ولازم احميها مش عاوز هشام ده يوصلها لو اطول اخبيها من كل الناس اعملها
ادهم: بتحبها
زين :حب حب اي لا دي تعتبر اختي وحضرتك عارف
ادهم ابتسم :طب قوم غير هدومك عشان الضيوف اللي جايين
زين قام او بمعني اصح هرب واخد البطاقه وعانها في محفظته وطلع اوضته غير
……
عند البنات
خديجه كانت لابسه دريس واسع جميل جدا عليها بس كان قصير يعتبر ميني دريس
وآمل لبست بلوزة هاديه جدا جدا وبنطلون وكان مديها شكل جميل جدا ورقيقه جدا
وليل تيشرت وبنطلون وعملت شعرها ديل حصان
……….
عند وداد كانت في المطبخ ودادة فاطمه
وادهم جه عليهم وشاور لدادة فاطمه تخرج
وجه حضن وداد من ضهرها
وداد شهقت: يالهوي خضتني ي ادهم
ادهم :ي روح ادهم وعقله وحياته كلها
ادهم فضل يطبع قبلات رقيقه علي رقبتها وشعرها ولفها ليها وباس خدها بحنان وقرب من شفايفها
أسر كان نازل من اوضته بعد مالبس الطقم اللي أمل اختارته ليه وكان رايح يشوف الغدا
آسر :أحم نحن هنا ي بابا
وداد بعدت ادهم وادهم بصله بغيظ:مين سمحلك تدخل هنا ي زفت
آسر :ههههه وانا مالي ي بابا وبغمزه انا ايش عرفني اني هلاقي الحاجات دي
ادهم بيدور علي حاجه يحدفه بيها
آسر:خلاص ياعم انا خارج
ياسين :مزعل ابوك ليه
آسر: انا اتكلمت
ادهم:اسكت ي زفت وبعد كدا وانا في مكان مع أمك متتدخلش فاهم
أسر :حاضر ي برنس .
ادهم:انا طالع اوضتي احسن
ووداد طلعت وراه
عجبك كدا احرجتني قدام ولادك
ادهم:امم هو انا كنت بقولك اي في المظبخ وهادم اللذات دخل
وداد:مش فاكرة فكرني
وقاطعهم جرس الباب
وداد:ادهم ابعد البنت جت
…….
تحت أسر فتح ولقا بنت قدامه لابسه تيشرت وبنطلون وكوتش وكاب كانها راحة نادي وفضل يبصلها من تحت لفوق
سهر :اي يااعم انت هتفضل مبحلق فيا كتير ولا دي اصلا بيت امل ولا مين مش كفايه الأمن بتوعكم دول حققوا معايا
آسر: اي في اي باكبورت اتفتح ومش راضي يقفل
سهر:انت مين اصلا ولا تقرب لأمل اي
آسر :اخوها
سهر؛طب عديني
وأسر فعلا دخلها وضحك علي طريقة كلامها وليل نزلت من فوق جري عليها وحضنتها .
خديجه :تعالي ي قمر اتفضلي امل :هااي
وكلهم دخلوا مع سهر
وقعدوا في الريسبشن
ليل:اخبارك ي بنتي اخيرا جيتي بتحايل عليكي شوفي بقالي قد اي
سهر:واديني جيت اهو ي ستي
…..
وداد :ادهم ابعد كفايه كدا البنت زمانها تحت
ادهم بعد عنها بصعوبه وباسها من راسها ووداد لبست عبايه استقبال جميله جدا لونها ازرق وعليها حجاب
وادهم كمان لبس .
ونزل مع مراته ايده في ايديها ونزلوا
وداد:ازيك ي سهر عامله اي ي حبيبتي
سهر قامت وسلمت عليها :إزي حضرتك ي طنط
ادهم :ازيك ي سهر
سهر:إزي حضرتك ي اونكل
ونزل عليهم زين
زين :مساء الخير
خديجه :زين اخونا الكبير ي سهر .زين سهر صاحبة ليل اكيد فاكرين بعض
سهر :اه تشرفنا
ادهم استاذن عشان تليفون
…..
ونزل ياسين من اوضته
مساء الخير ازيك ي انسه سهى
سهر:أهلا مساء النور خلصت بحلقه فيا ولا لسه وأي الاحترام ده مش كنت من شويه باكبورت
كلهم ضحكوا بصوت عالي جدا
قاطعهم جرس الباب
وزين راح فتح وكان كريم
سهر:هي اي اللي بيضحك
آسر وهو نازل:اقولك انا حضرتك انا اللي قولت عليكي باكبورت وانا اللي فتحتلك.
سهر :اعااااا عفريت
خديجه المره دي ضحكتها رنت جامد وده ضايق زين جدا أن كريم شافها كدا .
وداد بضحك :ي حبيتي دول توأم
سهر:توأم
كريم:انتوا مشكله العالم كله ي جماعه معرفش ليه ي طنط وداد جبتيهم توأم
وداد :ازيك ي كريم انت جيت مخدتش بالي من العيال ده
كريم:إزي حضرتك ي طنط ولا يهمك
وداد؛دادة فاطمه تعالي يلا نجهز السفرة
سهر:اسفه ي …
ياسين:ياسين اسمي ياسين وهو أسر
سهر:اسفه ي أستاذ ياسين
ياسين :لا عادي دي بتحصل دايما
اسر:بس تصدقي طلعتي مزه هو اه شبه واحد صاحبي بس عليكي خدود و…
وقاطعه ادهم بضربه خفيفه علي رأسه من ورا
ادهم :وأي كمل يلا ي محترم
آسر :وأخلاق أخلاق .اخلاقها عاليه جدا ي بابا
والكل فطس من الضحك حتي سهر
وداد جهزت السفرة
:ادهم:يلا قوموا اتفضلوا مش محتاجين عزومه البيت بيتكم
وكلهم اتجمعوا علي السفرة.
وادهم كان في الوش ووداد علي طرفه وزين علي طرفه التاني وخديجه جمبه وليل وسهر جنب خديجه وأمل قعدت جمب وداد وياسين حب يضايقها فقعد جمبها وأسر جمبه ودادة فاطمه
وداد بدأت توزع وكانت عامله محشي ورق عنب وبدنجان ولحمه ومكرونه بالبشاميل وبط وفراخ وبانيه وكل خيرات ربنا
امل مش عارفه تاكل وياسين كل شويه يحط ايده علي رجليها من تخت الطرابيزه وهي تبصله جامد وكل ده ملاحظه ادهم جدا هو وزين .وزين كان نفسوا يعمل زي ياسين بس للأسف دي في نظر الناس اخته
كريم:شكرا ي طنط بجد الأكل مش قاظر اوصفه مش جماله تسلم ايدك
سهر:فعلا تسلم ايدك الأمل ماشاء الله جميل
وداد:بالف هنا
امل مش عارفه تتحرك منه وقامت
وداد :كلتي ي امل
امل:أحم الحمد لله
وقامت امل وطلعت اوضتها تهدي
بس ياسين طلع وراها.
ودخل الاوضه علطوول.
امل :انت ازاي تعمل كدا معايا وتلمس ايدي مش من حقك
ياسين قرب منها :متكلمتيش ليه
امل:اتكلم قدام الضيفه
ياسين قرب اكتر :لو كنتي عاوزه كنتي اتكلمتي لاكن انتي مستمتعه بده
امل زقته بعيد وجريت علي الباب
امل:ي اووووونكل ادهم .
ياسين جري وراها ومسكها ولف أيده حوالين وسطها وحط ايده علي بوقها وبص في عيونها كتير اوي
وشال ايده براحه من علي بوقها واخد ايديها وباسها برقه ياسين :اسفين لي ايد الست امل
امل:اخرج لو سمحت ي ياسين
خرج ياسين وأمل حاولت تهدي ونزلت
تحت
..
شالوا الأكل وقاعدين في الريسبشن وانضم ليهم ياسين وامل
كريم:انا مش جاي اقعد انا عاوز العب او نتسلي في حاجه
آسر :اي رايكم نقوم نلعب بره في الجنينه
ليل:نلعب اي.
آسر :أي حاجه مثلا استغمايه او كورة
ياسين وكريم :اشطا كورة
سهر:وانا معنديش في الكورة ياما ارحميني.
آسر :انا اصلا شكيت انك ولد .
زين:طب يلا حد عنده اعتراض
كلهم :لا
زين:بابا هتلعب
ادهم:لا ي حبيبي العبوا انتوا
زين :طب يلا علي الجنينه
…
في الجنينه
آسر :البنات فريق والرجاله فريق
يلا نبدا الكورة لي البنات
وبدوا فعلا يلعبوا كورة
خديجه :هييييي جووووون اشطا عليا انا لعيبه جامدة
وكل ماحد يكسب يهيصو كدا
وبعد مرور فترة
خديجه بتعب:كفايه ي جماعه تعبت
كريم:مالك
خديجه:هبطت تعالوا نغير ونبقا نكمل
زين:ماشي نلعب اي
ياسين:نلعب لعبة الصراحه
خديجه :اه ماشي يلا
آسر :خدوا ازازة أهي
وكلهم وأسر لف الازازة
وجت علي ليل وزين.
آسر: اسألي زين ي ليل
ليل:اممم بما انك أكبر واحد فينا مش ناوي تتجوز بمعني اصح نفسك تتجوز وتكون أسرة كدا زي بابا
زين:اكيد نفسي طبعا بس لسه ملقتش البنت المناسبه او يمكن لاقيتها بس مينفعش
ليل :امم هي مين طيب
زين اخد الازازة ولفها وجت علي آسر وسهر
آسر : ليه بحس اني قاعد مع واحد صاحبي ليه مفكيش انوثه
سهر:هه ظريف اوي أحب أعرفك البنت اما تعوز تكون حلوة بتكون قمر
لفوا الازازة وجت علي خديجه وزين
زين:اي الحب بالنسبالك
خديجه :الحب قبل ما يكون غرام احترام وقبل مايكون كلام افعال .الحب جميل بس لما نختار صح .بس حاليا مش بفكر عاوزه أخلص الأول
…
لفو الازازة وجت علي ياسين وكريم
ياسين:اي حكايه سرحانك كل شويه ده بتحب
كريم:اممم تقريبا
ولفوا الازازة وجت علي ياسين وأمل
ياسين:اي اكتر موقف عدي عليكي صعب في حياتك
وكان قاصد يضايقها
امل :انتوا عارفينه يوم ماجوز ماما كان عاوز يجوزني ويوم ماحاول وهو سكران يتحرش بيا..عن اذنكم
وقامت امل ودموعها سابقاها وطلعت اوضتها
…….
عند وداد وادهم
وداد نايمه في حضن ادهم
ادهم :ادتله البطاقه
وداد:ربنا يخليك ليا ي ادهم
ادهم:ويخليكي ليا
وداد:ليه اليوم اياه خليت خديجه تتطلع لي زين مش حد غيرها
ادهم:عشان هي الوحيدة اللي تعرف تأثر عليه
وداد:اشمعنا هي
ادهم :حااسس انه بيحبها .
وداد شهقت:بيحبها
ادهم:في اي مالك
وداد:دي اخته
ادهم:اخته ازاي ي وداد وداد انتي خايفه علي خديجه من زين ي وداد اللي انتي مربياه
وداد : مش كدا ي ادهم بس برضو كدا خديجه هتعرف أننا مش ابوها او امها
ادهم:ربنا يسهل
………
خديجه:اي اللي انت عملته ده ي ياسين احرجت البنت
زين:فعلا ي ياسين
ياسين قام بزهق وطلع ليها
…..
عند امل بتعيط وياسين دخل عليها
آمل مسحت دموعها علطول .
ياسين :طلعتي ليه
امل بهدوء عكس مابداخلها :عادي هنام
ياسين :انا اسف
امل انفجرت فيه سعاتها:اسف اسف اي مبتزهقش من يوم ماجيت هنا وانت عمال تهين فيا وتلمس فيا عمال علي بطال
انت شايفني رخيصه لدرجاتي
عملت فيك اي عشان كل ده رد ياسين:انا اسف بجد مقصدتش
امل:ياسين أطلع بره مش عاوزه أشوفك
قاطعهم صوت صريخ خديجه
………