رواية نارك جنة الفصل الرابع 4
وخشت توضت وصلت العشاء …وقمعزت تدعي لاخوها وهي تبكي ..طولت وهي تدعيله ..وبعدها صبت طبقت الصلاية ..وحطتها على الصالون في الصالة ..وجت قربت من روشن الصالة عشان اتنزل الستارة …وهي اتشوف عيسى ولد خالها اينط من سور الحوش وخش يسلل بالشويا يبي ايخش جوا 
جنات من غير اي تفكير مشت تجري لباب الحوش وتأكدت منه مقفول ..وتمت تجري في الحوش ..وتتأكد من الرواشن والبيبان امصكرات ..وقلبها يبي يطلع من مكانه من الخوف ..لما كملت خشت على دار اجديدتها ..لاقتها راقدة ..طلعت بالشويا ومشت تصنت عند باب الحوش ..وتسمع في عيسى ايحاول يفتح باب الحوش
جنات زمطت ريقها وتحاول تتماسك : مم من
عيسى لما سمع صوتها وقف وقعد يصنت
جنات عاودت : من برا ..شن تبي
عيسى لاصق في الباب ويحكي بصوت واطي : افتحي …افتحي جنات أنا عيسى
جنات : شن تبي جاي توا
عيسى : أفتحي بس ..توا انقولك شن نبي
جنات : جلال مش قاعد …واجديدة راقدة ..شن تبي
عيسى : عارف …أنا نبيك أنتي ..نبي انقولك شي مهم
جنات : مادامك عارف جلال مش قاعد شن تبي جاي عقاب الليل للحوش فيه صبايا بس
عيسى ايدف في الباب : أفتحي جنات ماتخلينيش انخش بالقوة
جنات وخرت خايفة : لانك واحد حقير و واطي …يلي ماتتحشم على وجهك ..بدال ماتخاف عليا ..وتحميني..قاعد طامع فيا يامريض
عيسى ضحك : ..مش أنا المريض هاذاك عريس الغفلة . اللي طلقك ..أفتحي وأنا انعوضك علي حرمك منه المريض ..مش قلتي طلع مش راجل ..أنا راجل ونعجبك
جنات وجهها أحمر معصبة ومنحرجة من كلامه ..وفي نفس الوقت متقززة منه قربت من الباب : اتفوه عليك وعلى الرجولية اللي كيف هكي ..أنت اللي مريض وعقلك الخامر صورلك أني أنا ممكن نفتحلك الباب او انوافق علي اتفكر فيه ..أنت واحد اا..
لكن جنات انفجعت لما عيسى خبط الباب بقوة برجله : افتحي الخراب راني انكسر أمه وانخش عليك ..أفتحي
جنات وخرت مفجوعة وطلعت فونها من جيبها : اا والله أنقول لخالي ..وحق ربي انكلم خالي كان ما تمشي توا ٠
عيسى ايخبط : أفتحي قتلك …أفتحي
جنات : ماتبيش تمشي …تحسابني انخاف منك …توا اتشوف …خليك قاعد مكانك . وأنا توا نتصل بخالي ايجي ايوريك يا تافه
عيسى وقف وايفكر جنات صاح ممكن اتكلم خالها اللي هو ..يا أما بوه او عمه
جنات رنت على خالها بس مش أب عيسى خالها لاخر …طول مارد بعدها رد : الو
جنات : ها ياخالي …تعالى بسرعة
خالها : كنك بسم الله …حنك فيها حاجة
جنات : اجديدة اكويسة وراقدة .. لكن في واحد برا ايخبط على الباب ..وأنا خايفة
خالها : من هو ..عرفتيه
جنات اتفكر ..بعدها : لا مش عارفة …ماشفتش لكن مازال ايخبط
خالها : خليك جوا ..ماتفتحيش لاحد …توا انجيك توا ..رد بالك تفتحي الباب
جنات : تمام يا خالي .. تعالى بسرعة بس
صكرت جنات …وكانت اتفكر ليش ماقالت على عيسى لاخالها …بس هيا عارفة . أن لو قالت على عيسى حتصير مشكلة ..وخلاص ومافيش حد حيدير حل ..بالعكس ممكن الامر ينقلب عليها …لان خوالها يسمعوا في كلام صباياهم من زمان .. وأكيد مستحيل ايصدقوها ..وعلاقة جنات بخوالها فيها اشوي توتر ..لانها عنيدة ورأسها مصكر ..ومستحيل تسكت …هكي تعلمت ادافع على نفسها من وهي صغيرة .. لان مافيش حد ايدافع عنها
عيسى ساكت ..وكان يسمع في جنات تحكي مع عمه …
جنات : سمعتني ؟؟ كلمت خالي عبدالله ..وأنت خليك كأنك راجل توا
عيسى تعصب ..وضرب الباب برجله : عدي ن**
أنتي وخالك …وتوا انوريك يا جنات ..دايرة روحك شريفة ..وفضايحك قاعدت على النت …ساهل ياجنات لايام بينا
جنات : شريفة غصبا عنك ياحقير يللي ماتتحشم على وجهك ..هذا عمك اللي اتسب فيه يامريض
جنات واقفة ومعصبة ..لكن معاش في صوت برا …وبعدها سمعت باب الحوش اللي برا انفتح وخبط …عرفت عيسى عدا …وتنهدت براحة
خشت جنات جوا شربت امية …وطلعت تلاقت مع سليمة طالعة من دارها
سليمة : مازلتي نايضة ..كنك اتخبطي فيش اديري
جنات : نبي انخش نرقد توا …غير كنت انوثق في الحوش قبل
سليمة : باهي الله يربحك …خشي ارقدي
جنات خشت لدارها عشان سليمة تطمن …خشت سليمة الحمام ..حاشكن …وردت رقدت …وجنات في دارها ..رن عليها خالها عبدالله
جنات : الو
عبدالله : افتحي الباب أنا برا
جنات : هيا ..جيتك
طلعت جنات بالشوايا فتحت الباب ومازالت خايفة ..وطلعت على خالها : خير ياخالي
عبدالله سلم عليها : خير شن اخباركن
جنات : بخير تمام
عبدالله : مافيش حد ..برمت على الشارع كله مافيش حد ..أنتي متاكدة
جنات : اها متأكدة ..كان ايخبط على الباب ..وبعدها عدا
عبدالله : غريبة …بالك قطوس ولا حاجة اخرى
جنات عارفة خالها مايبيش كثرت دوة ويبي يريحها وخلاص : اها بالك مش عارفة
عبدالله : وين أمي ..راقدة ؟
جنات : توا غير خشت رقدت
عبدالله : حتى أنتي خشي ارقدي ..ورد بالك تحكيلها حنك مريضة تخوفيها وخلاص …الشارع أمن ومافيش شي غير أنتي اتخايلي
جنات : إن شالله ..خش ياخالي
عبدالله ايحك في شعره : لا لليل ونبي نمشي نرقد ..أخشي وصكري الباب
جنات : حاضر ..تصبح على خير
خشت جنات وصكرت الباب وخشت مرقدها . لكن ماقدرتش ترقد الافكار ايشلوها ويجيبوها…قصة جلال والحبس ..وخوفها من عيسى وتهديداته …وغفت اشوي في الصبح
**************************
ثاني يوم جنات ناضت غسلت وصلت ..ومشت لاقت سليمة امطيبة شاهي قمعزت فطرت هي وياها ..وبدأت اتلم في الحوش ..وسليمة طيبت غداء
بعد الغداء سليمة كلمت خال جنات عشان تبيه ايدير حل في مشكلة جلال …وجاء وحكت امعاه وقعد ايهزب ..لان جلال مشاكله واجد من هو صغير ..وقاللها من وين نبي انجيبوا فلوس عشان يطلع …خليه ايتختخ في الحبوس عشان ايتربى
أم ناصر : ياريتكم ربيتوه اكويس وهو صغير وعرفتوا اتعاملوا امعاه ..لان مافيش حد ايتربى وهو كبير
عدا اليوم وسليمة عندها أمل خوال جلال او اعمامه ايديروا حل لكن مافيش فائدة ..ولما توصلوا مع صاحب الدين حتى ايخلصوه بالتقسيط كان امصكر رأسه يبي لافلوس دفعة وحدة
يومين اخرى وجنات وسليمة بنفس الحال ..يرجوا في فرج من ربي ..وسليمة حالتها الصحية تعبت اشويا ..والسكر ارتفع عندها ..وجنات كملتها تبكي وخلاص
بعد ثلاث ايام بعد الغداء دق الباب ومشت جنات تفتح لاقتها سيارة غريبة فيها واحد وامعه وحدة ..بعد شافت جنات نزلت وجت سلمت عليها
المراة : اهلين
جنات اتبحت في المراة ومستغربة اول مرة اتشوفها : اهلين بيك شن اخبارك
المراة مبتسمة : بخير الحمدالله ..أنتي جنات
جنات : نعم أنا ..تفضلي
المراة : زيد فضلك
خشت جنات والمراة جوا قمعزن وجنات تبي تعرف هذه من وشن قصتها
المراة قمعزت وفكت وشاحها اشوي : الجو الحامي اليوم
جنات : اها خلاص صيف من يوم وغادي
المراة : ممكن كباية امية من فضلك
جنات صبت : أكيد حاضر
مشت جابت امية وقدمتها للمراة للي صبت كابية وتشرب . وجنات قاعدة اتبحت فيها وفي لابستها …كانت أنيقة وكان واضح حالتها المادية فلوس
المراة نزلت الكباية في السفرة : الحمدالله
جنات : صحة
المراة : غريبة قالولي عائشة مع اجديدتك ..وينها
جنات : اها صاح ..بس اجديدة ديما ترقد بعد الغداء ..اشوي وتنوض
المراة : نوم العوافي خليها متريحة …أنا اصلا جاية ونبي نحكي أمعاك أنتي
جنات : تفضلي نسمع فيك
المراة : أنا أسمي صالحة ….أنتي طبعا ماتعرفينيش وحتى أنا مانعرفكش …بس خويا يعرف خوك وهو اللي دزني لك
جنات : خوكي من
صالحة : خويا فخر الدين …بس كلهم يعرفوه فخري …وهو اللي صاير بينه وبين خوك جلال مشكلة
جنات ملامح وجهها تغيرن : قصدك خوك هو اللي حبس جلال
صالحة : عارفة أنك زعلانة على خوك …بس معليش سامحيني خوك هو اللي غلطان ..والا لا
جنات صبت : لا خوك هو الغلطان ليش يعطي فيه افلوس وهو عارف أن جلال ماعندش منين ايخلصه
صالحة مسكت يد جنات : أهدي وقمعزي ..خلينا انتفاهموا
جنات تنهدت وقمعزت : باهي أنتي عليش جاية هنا ..نحنا ماعندناش افلوس من وين نبوا ااا
صالحة قاطعتها : أنا مش جاية نبي افلوس …ومش عارفة شن صاير بين خوك وفخري …بس أنا دزني فخري عشان نعرض عليك عرض ممكن ينقذ خوك
جنات : عرض شنو …كان الزواج مانيش اموافقة
صالحة زمت فمها : غير اسمعيني وبعدها فكري في كلامي
جنات : من غير ما نسمع ..أنتوا تبوا تشروني بفلوسكم وأنا مانيش للبيع ..خوكي مريض ماعليش سامحيني في الكلمة ..بس أنا مش ذنبي و معاش نبي نتزوج
صالحة ابتسمت وجنات استغربت : مريض ؟؟ ههه ..المهم هو مش خويا ولد عمي
جنات : كيف مش أنتي وفخري والا مش عارفة شن أسمه خوت
صالحة : اها أنا وفخري خوت …بس سفيان ولد عمنا
جنات : سفيان ؟!!!
صالحة : اها سفيان ولد عمي اللي قلتي عليه مريض
جنات : اسفة مش قصدي …بس فخري هو الي قال لجلال عنده إع…..وسكتت انحرجت
صالحة : قولي عادي ..عنده إعاقة …صاح سفيان عنده إعاقة بس مش نفس ما أنتي متخيله
جنات : باهي ممكن نعرف شنو نوع الإعاقة لو مافيهاش احراج
صالحة : تعرفي هذا السؤال الوحيد اللي مانقدرش انجاوبك عليه …ممنوع انقول
جنات : ممنوع ؟!!…أنتي جاية تعرضي عليا الزواج من شخص مانعرفش عنه شي الا أنه معاق سامحيني في الكلمة ..وماتبيش اتقولي حتى نوع الأعاقة ؟!!
صالحة : شوفي أنا نبي نقولك كل شي ونفهمك ..وأنتي بعدها فكري ..واتردي عليا
جنات هزت رأسها ..كانت رافضة الفكرة من أساسها ..لكن عشان خوها تبي تعرف ممكن تقدر اتساعده
صالحة : شوفي سفيان ولد عمي ..وهو فخري كيف الخوت ..وعشان هك فخري يبي ايزوج سفيان عشان ايتريح عليه
سفيان مواليد 87 ..عنده شغل وحالته المادية الحمدالله مش محتاج شي ..يسكن في بنغازي .وو
جنات نطت : بنغازي
صالحة ابتسمت : اها بنغازي ليش شن تحسابي
جنات : لالا مافي شي ..غير كنت نحسابكم من درنة
صالحة : لا نحن من بنغازي ..بس شن المشكلة كلها ثلاث ساعات واتكوني في درنة
جنات : أنتي زوجتيني وخلاص
صالحة ضحكت : لا بس حبيت انطمنك
جنات ضحكت ضحكة صفراء
صالحة : المهم ..سفيان عنده كم شرط كان وافقتي عليه ..وأنا توا نعطيك رقم تليفوني ..فكري وكان تبي اتساعدي خوك كلميني
جنات في عقلها يشرط اخرى
صالحة صبت : نبي نمشي وأنتي فكري ..ولو عندك اي سؤال أنا انجاوبك عليه في اي وقت تبي
جنات صبت امعاها : باهي قمعزي انضيفك قهوة على الاقل
صالحة اتسقم في وشاحها : مرة ثانية ..نشربوا في فرحك إن شالله
جنات ابتسمت بلا نية : إن شالله
صالحة اطلعت وكان فخري يرجى فيها في السيارة ..ركبت ومشوا ..وجنات خشت وهي الافكار والاسئلة قريب ايجنوها ..من هذا سفيان وشن قصته ..وشن هيا نوع الإعاقة اللي عنده ..وليش مايبيشها تعرفها
وليش من بنغازي ..ياريت حتى من درنة عشان تقدر على الاقل تسأل عليه وتعرف اي شي …وشن يبي يشرط عليها كان وافقت …وبعدها ضحكت ..مستحيل انوافق ..ايسد وافقت على توفيق وطلع مريض وقهرني
طيبت قهوة ومشت نوضت جدتها وطبعا ماحكتش شي ..لان وضع سليمة من يوم خش جلال للحبس وهو مدهور ..
**********************
مرن يومين وجنات غارقة في التفكير وحدها حتى مودة ماقدرتش تدويلها خافت اتأثر عليها واتخليها اتوافق
جنات اتصلي في المغرب وتسمع في فونها ايرن …كملت الصلاة ومشت شافته لاقاته جلال
جنات ردت اتصلت بيه
جلال : الو
جنات : الو ..شخبارك جلال شن امورك ..من وين اتكلم
جلال ضحك : بالشويا كنك انتي ..انكلم فيك من باريس
جنات ضحكت والدموع في اعيونها : بلا سماطة ..نحكي جد
جلال : انكلم من الحبس ومن وين يعني ..شن اخباركم
جنات : نحن بخير ..أنت شن اخبارك ..وكيف حصلت اتكلم
جلال : تمام تمام ..الحمدالله …حصلت واحد جابلي تليفوني ..شن اخبار حني
جنات تمشي وطالعة لاجنان : باهي اللي سمعت صوتك بخير ..اجديدة قاعدة اتسقي في الورد برا ..ماشية شورها أكيد امرايفة عليك
جلال تنهد : ردي بالك منها جنات ..افطني لسكرها
جنات : دايرة بالي منها …لكن اجديدة منشغلة عليك ..وضعها مش عاجبني
جلال
جنات طلعت لاجنان ومشت عطت سليمة الفون : اجديدة امسكي يبيك واحد
سليمة : من ؟!!
جنات : ردي بس
سليمة : الو
جلال : خير ياحني ..كيف حالك
سليمة على طول تمت تبكي : خير يا باتي ..شن اخبارك ..كيف حال صحتك ..أنت اكويس
جلال غمض اعيونه وانقهر لما سمعها تبكي : أنا بخير واكويس ماتخافيش عليا ..والله أموري مئة المئة ..تريحي
جنات تبكي
سليمة : باهي الحمدالله ..تأكل وتشرب ..مافيش حاجة ناقصتك ..يضربوا فيك
جلال خنقاته العبرة : والله اكويس ..مش ناقصني شي الا شوفتكم والقعدة امعاكم
سليمة : الله يهديك ياوليدي …ليش درت في روحك هكي ..فيش قصرت امعاك نا
جلال يبكي : وحق ربي نادم ..والله العظيم غصبا عني ..مانيش عارف كيف صار هكي …لكن راكي تزعلي مني ..نبيك ترضي عليا ..سامحيني ياحني
سليمة بعد جلال قعد يبكي معاش عرفت تحكي امعاه ..عطت الفون لجنات وقمعزت تبكي بصوت
جنات : ها ياجلال
جلال يمسح في وجه : جنات عينك منها الله يربحك ..وكان اتصير فيها حاجة من تحت رأسي ..وربي نقتل روحي ..كل حاجة الا حني
جنات : ماعليك فيها …لكن أنت مافيش حل ..ماجاك حد من خوالي والا اعمامي
جلال ضحك بهزوا : خوالي واعمامي ههه..بعد اول يوم ماعاد شفت حد ولا سأل عليا حد
جنات فهمت قصده
جنات : إن شالله تفرج ..المهم رد بالك من روحك ..وفكك من المشاكل في الحبس مش ناقصنا
جلال : إن شالله ..وزي ماقتلك ..الله الله وحني .ماتخليهاش تزعل
جنات اتبحت في سليمة كيف تبكي تنهدت : إن شالله
صكرت المكالمة وطبست ارفعت جدتها وساعدتها عشان اتصبي ..وخشن جوا
على الفجر جنات قاعدة اتقلب مش جايها نوم واتفكر …وتسمع الفجر يأذن ..صبت وخشت توضت واطلعت صلت ..وبعدها ردت تبي ترقد …لكن استغربت من سليمة كيف مانضتش اتصلي وهي مستحيل يهلبها وقت …ردت وافتحت الباب لاقتها راقدة …قبل طلعت وقالت خليها راقدة ومتريحة ..وبعدها خافت جدتها تزعل منها عشان مانضتش للصلاة
خشت ولعت الضي وجت اتنوض فيها …لكن سليمة مافيش اي ردة فعل ..وجنات بدأت اتخاف واتهز فيها عشان توعى من غير فائدة …زادت خافت وطبست اتشوف نفسها …مازلت حية …لكن ماتبيش توعى …جنات مشت تجري رنت على خالها ..وجاء وامعاه مراته خذوها للمستشفى
جنات تبكي وانهارت برا من غرفة العناية المركزة ..كانت تدعي أن ربي ايطول في عمر جدتها ..لان فعلا معاش عندها حد بعدها
بعد فترة طلع الدكتور ..وطمنهم على وضعها ..لكن السكر مازال ما ستقر عندها …وقاعدة تحت المراقبة
مرن يومين …واطلعت سليمة من المستشفى بعد استقر وضعها …لكن جنات قاعدة خايفة عليها …لان مادام جلال محبوس ..و وضع اجديدتها في النازل
**********************
#تسريع_للاحداث
مع كل الظروف اللي فيها جنات ..حبس جلال ..جدتها المريضة ..ومضايقات عيسى لها ..كل بعد فترة ..وشعورها بالخوف وعدم الامان طول الوقت …خلن جنات اتفكر جديات في عرض صالحة وفخري
جنات بعد طول تفكير ..قالت شن يبي ايصير فيا اكثر من اللي صار ..وكان خذيت واحد عنده إعاقة ..على الاقل نكسب فيه أجر ..خير من هالوضع اللي أنا فيه
وكلمت جنات صالحة ..وماكنتش عارفة أن المكالمة هذه تبي تقلب حياتها واتغيرها مرة وحدة
صالحة اول ماشافت رقم جنات ابتسمت : الو
جنات مترددة : ااا الو
صالحة : كنت متأكدة أنك حتكلميني
جنات : ليش يعني
صالحة : ماتفهميش غلط ..بس اصلا مافيش حل الا هذا ..وأنتي أكيد مستحيل اتخلي خوك محبوس والحل في يدك
جنات اتقلد فيها بدون صوت
ننننن
صالحة : ايوا الو
جنات : امعاك نعم
صالحة : أكيد فكرتي ..شن رائك ..اموافقة والا لا
جنات : لا كلمت عشان رايفت عليك نبي نسمع صوتك
صالحة ضحكت على كلام جنات : هههه حتى أنا ريفت عليك
جنات بصوت واطي : عليك كذب
صالحة : نعم شن قلتي
جنات : ايوا أنا اموافقة …امتى الفرح
صالحة ضحكت بصوت :
يعطيك الخير ..اللي يسمعك يحسابك فرحانة ومستعجلة على الفرح
جنات : ههه مستعجلة على طلعت خويا من الحبس بس
صالحة : باهي ماتبيش تسمعي شروط سفيان
جنات : اي سفيان
صالحة : ههه سفيان عريسك
جنات بصوت واطي : عريس العازة
جنات : ها شن يبي الباشا
صالحة : شوفي اول شرط قلته لك يومتها …سفيان مايبيكش تعرفي نوع إعاقته الا بعد اتشوفيه
جنات : باهي ..يعني مش حنشوفه الا يوم الفرح قصدك
صالحة : ايوااا تمام هكي …ثاني شي …سفيان مايبيش ايدير اي شي في درنة يعني لا فرح ولا شي ..فاتحة وعشاء عائلي في حوش جدتك ..وثاني يوم انجي نأخذك لبنغازي ابروحك
جنات : قصدك حتى في بنغازي مافيش فرح
صالحة : لا أكيد فيه …بس سفيان مايبيش سريب زفة وقصة هلك ايجوا لعند بنغازي ..يعني اديري عشاء واعزمي من تبي ..وثاني يوم انجي أنا ناخذك وخلاص
جنات تعصبت من شروطه : والله بالنسبة ليا حتى كان يلغي الفرح بكل أحسن
صالحة : وسعي بالك وإن شالله مافيش مشكلة…المهم عشان مايطولش خوك في الحبس …الفرح حيكون بعد اسبوعين
جنات انصدمت : اسبوعين
صالحة : إن شالله
جنات : باهي امتى يطلع جلال
صالحة : يطلع بعد تنقرأ الفاتحة ..تمام
جنات : تمام
صالحة : تبي اي شي كلميني ..وأنا إن شالله خلال يومين توا انجي مع فخري عشان نطلبوك من هلك
جنات : ااا نبي نسألك ..خوك والا هو ولد عمك عارف أني مطلقة
صالحة : أكيد ..مافيش حد ياخذ وحدة مايعرفش عنها اي شي
جنات : اممم باهي خلاص كملن شروط سي السيد
صالحة : إن شالله ..عموما اي جديد توا انكلمك
جنات : اوكي باي
صالحة : باي
صكرت صالحة الفون ..وبحتت في سفيان امقمعز على كرسي وفي يده عصاه الطويلة ايخبط بيها على الارض وجنبه امصبي فخري
سفيان : شن صار
صالحة : تمام ..اموافقة
سفيان عض على فمه ويهز في رأسه وعلى فمه ضحكة غريبة : معناها شوفي شغلك ..مانبيش اي غلطة
صالحة : تم ..كل شي تمام ..بس ماتبيش اتفهمني شن قصتها
سفيان فنص فيها : صاااالحة
صالحة خافت منه : خلاص براحتك
ومشت تبي تطلع من مكتب سفيان ..وبعدها ردت وبحتت فيه : عموما اللسانها طويلة ..تبيله قصة
سفيان ابتسم على جنب : توا يقصر ..ماعليك فيه
********************
بعد كم يوم جت صالحة وفخري وامعاه ولية كبيرة في العمر عرفتها لجنات على اساس مرت عمها …وجنات مستغربة ..وين أمه وين بوه ليش مافيش حد من هله
وصالحة نفس الاجابة ..سفيان مايبيش اي سؤال عن هله
خلاص طلبوها ..وخوال جنات واعمامها ماصدقوا جاء طلبها واحد ..كأن جنات ثقل وانزح من عليهم …وخاصة ان جنات اموافقة
طبعا مودة وسليمة استغربن كيف جنات اتفكر تزوج وخوها ماليش فترة طويلة محبوس ..وحتى من غير علمه ..بس في الحقيقة جنات كلمت جلال وقالتله ..وهو برغم أن الحبس كان واعر عليه …بس مايبيش جنات تتزوج عشان تنقذه
يومين اخرى وجت صالحة جايبة لجنات ذهب طاقم شبكة حلو ..وخاتم ..ودبلة ..وفلوس عشان تشري اللي تبيه …وادير عشاء لعربها وناسها
طبعا المبلغ كان كبير اشوي وجنات فهمت أن حالته المادية فلوس
خلاص جنات خلال فترة الاسبوعين كانت اتوتي في روحها بس من غير نية …الخوف كان مسيطر عليها ..خايفة تنصدم نفس ماصار مع توفيق
جاء يوم الفاتحة وجنات مافيش اي شي يدل أنها عروس الا نقشة الحنة البسيطة اللي في ايديها ..واللي غصبتها عليها مودة ..وجنات وافقت عشان ماحد يشك فيها
الفاتحة انقريت بعد العصر …وعلى المغرب جلال طلع من الحبس …والحوش كان مليان بالضيوف اقارب جنات وجيرانها …سلموا عليه …ومانحكيلكنش على فرحة سليمة لما شافته
طبعا العشاء كله عدا قرمه على جنات وجلال ..اول شي كيف طلع جلال من الحبس وليش صاحب الدين تنازل على حقه …وثاني شي كيف جنات قدرت تتزوج مرتين خلال سنة ..وخذيلك من الكلام ..كيف مطلقة والعرب من بنغازي وين شافوها ..وكيف وكيف ..ومئة سؤال
****************************
ثاني يوم جنات ناضت بدري طبعا ماعندهاش نية في شي ..ودمعتها على خدها ..وتت روحها ..وخشت وعت جلال وقعدت اتهدرز امعاه ..اتوصي فيه على جدتها وعلى روحه قبل تمشي ..وجلال ناض ومشوا قعدوا مع سليمة افطروا مع بعضهم ..وجت مودة كسدت مع جنات
الساعة 10 جت صالحة مع فخري ..خذوا شنطة جنات ..وهي تسلم على سليمة وجلال وتضبط فيهم وتبكي
سلمت على مودة ..ولابست عباتها واطلعت ركبت معاهم في السيارة ..ومن اول ما ركبت وهي تحس بلية من الخوف
طول الطريق والجو هادي في السيارة ..مرة مرة صالحة تسأل فيها وجنات اترد على قيس السؤال بس..كانت متحشمة من فخري
جنات كانت مرات تسرق في النظر اتشوف في فخري .كان شكله ايهبل ..وفي بالها زعما سفيان يشبهله ..وبعدها اتقول مستحيل ..مايبقاش حظي ونعرفه اكويس
بعد تقريبا اكثر من ثلاث ساعات في الطريق وفخري كان يجري بالسيارة ..وصلوا بنغازي
وفخري على طول نزلهن على مكان ..لمانزلت جنات لاقاتها كوافير …كل شي كان جاهز ..الفيلو ..الكندرا ..حتى الاكسسوار اللي تبي تلبسه جاهز ..وعلى السريع بدأت فيها الكوافير …وكانت تسريحة بسيطة ومكياج خفيف وحلو ..لابست جنات ومشت شافت روحها على المراية ..واستغربت كيف طالعة احلى من المرة الاولى برغم فرحها الاول هي وتت كل شي ..واختارت مكياجها وفيلوها وكل شي …بس توا كل شي على السريع واطلعت اتهبل
صالحة غيرت ومكيجت مع جنات وبعد المغرب جاء فخري خذاهن من المزين ومشوا للصالة طول
صالة كبيرة وفخمة ..جت واول ماخشت موسيقى هادية جو خيال بس هي تعرش وخايفة ..مافيش اي وجه تعرفه الا صالحة …معازيم واجد بكل …رقت جنات للمسرح …ونفس العادات تصوير ..وفرقة تربخ ..ورقص والدنيا شايلة ..وجنات في عالم ثاني …بعد قمعزت جنات ..جت وحدة اتهبل مع صالحة ورقت سلمت عليها وكانت تضحك فرحانة
جنات ابتسمت
ملاك : الف مبروك
جنات : الله يبارك فيك
ملاك : أنا أخت الشيباني
جنات بحتت فيها ومش فاهمة شي
صالحة مسكت ملاك ونزلتها من على المسرح ..وبتسمت لجنات ونزلت
جنات فوق خوفها زادت خافت اخرى ..شن قصدها ملاك ومن الشيباني
مانتهاش الفرح الا وجنات منتهية من الخوف والتوتر ….وبعدين قالوا العروس تبي تطلع ..وجت صالحة لابستها الكاب ..واطلعت امعاها لعند السيارة ..ركبت جنات ..وارفعت وجهها في السواق لاقاته فخري …واركبت امعاها صالحة ومشوا
مشوا مسافة ..وبعدها طلعوا من المدينة وخشوا في طريق مزراع ..وكان في سور كبير …وبوابة خشت امعاها السيارة ..مزرعة كبيرة …كم فيلا جنب بعضها ..وفيلا كبيرة في الوسط وعليها سور ابروحها
نزلت جنات وخشت مع صالحة للفيلا ..كانوا في ضيوف ..وبعد شوي جن سيارات اخرى ..وكان فيهن عدد من المعازيم في الصالة ومن ضمنهم ملاك
جنات قمعزت على كرسي في وسط الصالة ..قعدوا قريب ساعة اخرى ..وبعدها جت صالحة وملاك .ورقوها لدور الثاني …كان مقسم كم جناح …خشوا في جناح ..وكان
يهبل ..قمعزت جنات على السرير ..وهي ترجف ..وخطر عليها يوم فرحها
صالحة : تريحي هذه دارك ..ودبشك وكل شي هنا
جنات هزت رسها بخوف
ملاك اتبحت فيها ومبتسمة : اتهبل يا صلوحي
جنات انحرجت وصالحة ضحكت : ماشالله
صالحة : ملاك نبي ننزل انشوف الضيوف ..ساعديها واطلعي على طول قبل ايجي سفيان
ملاك : تمام
طلعت صالحة ..وملاك خذت الكاب علقته ..وخشت شنطة جنات للدار ..وجت تحكي امعاها
ملاك : بعيدة درنة من هنا
جنات اتبحت في اعيون ملاك كيف ايهبلوا : يعني ..في مسافة
ملاك قمعزت بطريقة طفولية على السرير : عمري مامشيت لدرنة …وأنتي كم مرة جيتي هنا
جنات ابتسمت : هذه اول مرة
ملاك : تعرفي خاطرااا.
ماكملتش كلامها سمعت صوت عصا تخبط على الارض صبت تجري : حي عليا حي عليا ..تشيباني جاء ..تشيباني جاء
واطلعت تجري من الدار …وجنات بطنها وجعتها …كيف شيباني شن قصدها …حي عليا زعما زوجوني المرة هذه من شايب كبير في العمر
جنات صبت ورجليها وايديها يرجفوا ..واتفكر …لا لا مستحيل ..كيف شايب واسمه سفيان …يعني ايقولوا ياجدي سافو ..وبعدها اتهز رأسها من الافكار الغبية والتافهة اللي قاعدة اتفكر فيها ومش وقتها
جنات : لا لو كان هك راه خوالي قالوا شايب كبير …هم اللي قروا الفاتحة …حي عليا حي عليا ..واتخيل في توفيق ايخش عليها
وفجاة صوت العصا قرب من الباب …والباب انفتح …وخش شاب أبيض طويل وعريض ..لابس بدلة رصاصية غامقة …وفي يده عصا طويلة …اللحية تقتل بس أكثر شي لافت نظر جنات اعيونه ..لونهم رصاصي نظرتهم اتخوف …حاجة خيال وغريبة
سفيان خش وخبط الباب وراءه …قعد يقرب من جنات وفي كل خطوة يخبط في عصاه على الارض …وهي مش عارفة ليش خافت منه …ممكن خافت من نظرته الحادة …
جنات اتوخر وهو يقرب منها ..لعند لاصقت في الساس…وهو قرب منها واجد ومد يده على …
*******نهاية الحلقة #4
جنات من غير اي تفكير مشت تجري لباب الحوش وتأكدت منه مقفول ..وتمت تجري في الحوش ..وتتأكد من الرواشن والبيبان امصكرات ..وقلبها يبي يطلع من مكانه من الخوف ..لما كملت خشت على دار اجديدتها ..لاقتها راقدة ..طلعت بالشويا ومشت تصنت عند باب الحوش ..وتسمع في عيسى ايحاول يفتح باب الحوش
جنات زمطت ريقها وتحاول تتماسك : مم من
عيسى لما سمع صوتها وقف وقعد يصنت
جنات عاودت : من برا ..شن تبي
عيسى لاصق في الباب ويحكي بصوت واطي : افتحي …افتحي جنات أنا عيسى
جنات : شن تبي جاي توا
عيسى : أفتحي بس ..توا انقولك شن نبي
جنات : جلال مش قاعد …واجديدة راقدة ..شن تبي
عيسى : عارف …أنا نبيك أنتي ..نبي انقولك شي مهم
جنات : مادامك عارف جلال مش قاعد شن تبي جاي عقاب الليل للحوش فيه صبايا بس
عيسى ايدف في الباب : أفتحي جنات ماتخلينيش انخش بالقوة
جنات وخرت خايفة : لانك واحد حقير و واطي …يلي ماتتحشم على وجهك ..بدال ماتخاف عليا ..وتحميني..قاعد طامع فيا يامريض
عيسى ضحك : ..مش أنا المريض هاذاك عريس الغفلة . اللي طلقك ..أفتحي وأنا انعوضك علي حرمك منه المريض ..مش قلتي طلع مش راجل ..أنا راجل ونعجبك
جنات وجهها أحمر معصبة ومنحرجة من كلامه ..وفي نفس الوقت متقززة منه قربت من الباب : اتفوه عليك وعلى الرجولية اللي كيف هكي ..أنت اللي مريض وعقلك الخامر صورلك أني أنا ممكن نفتحلك الباب او انوافق علي اتفكر فيه ..أنت واحد اا..
لكن جنات انفجعت لما عيسى خبط الباب بقوة برجله : افتحي الخراب راني انكسر أمه وانخش عليك ..أفتحي
جنات وخرت مفجوعة وطلعت فونها من جيبها : اا والله أنقول لخالي ..وحق ربي انكلم خالي كان ما تمشي توا ٠
عيسى ايخبط : أفتحي قتلك …أفتحي
جنات : ماتبيش تمشي …تحسابني انخاف منك …توا اتشوف …خليك قاعد مكانك . وأنا توا نتصل بخالي ايجي ايوريك يا تافه
عيسى وقف وايفكر جنات صاح ممكن اتكلم خالها اللي هو ..يا أما بوه او عمه
جنات رنت على خالها بس مش أب عيسى خالها لاخر …طول مارد بعدها رد : الو
جنات : ها ياخالي …تعالى بسرعة
خالها : كنك بسم الله …حنك فيها حاجة
جنات : اجديدة اكويسة وراقدة .. لكن في واحد برا ايخبط على الباب ..وأنا خايفة
خالها : من هو ..عرفتيه
جنات اتفكر ..بعدها : لا مش عارفة …ماشفتش لكن مازال ايخبط
خالها : خليك جوا ..ماتفتحيش لاحد …توا انجيك توا ..رد بالك تفتحي الباب
جنات : تمام يا خالي .. تعالى بسرعة بس
صكرت جنات …وكانت اتفكر ليش ماقالت على عيسى لاخالها …بس هيا عارفة . أن لو قالت على عيسى حتصير مشكلة ..وخلاص ومافيش حد حيدير حل ..بالعكس ممكن الامر ينقلب عليها …لان خوالها يسمعوا في كلام صباياهم من زمان .. وأكيد مستحيل ايصدقوها ..وعلاقة جنات بخوالها فيها اشوي توتر ..لانها عنيدة ورأسها مصكر ..ومستحيل تسكت …هكي تعلمت ادافع على نفسها من وهي صغيرة .. لان مافيش حد ايدافع عنها
عيسى ساكت ..وكان يسمع في جنات تحكي مع عمه …
جنات : سمعتني ؟؟ كلمت خالي عبدالله ..وأنت خليك كأنك راجل توا
عيسى تعصب ..وضرب الباب برجله : عدي ن**
أنتي وخالك …وتوا انوريك يا جنات ..دايرة روحك شريفة ..وفضايحك قاعدت على النت …ساهل ياجنات لايام بينا جنات : شريفة غصبا عنك ياحقير يللي ماتتحشم على وجهك ..هذا عمك اللي اتسب فيه يامريض
جنات واقفة ومعصبة ..لكن معاش في صوت برا …وبعدها سمعت باب الحوش اللي برا انفتح وخبط …عرفت عيسى عدا …وتنهدت براحة
خشت جنات جوا شربت امية …وطلعت تلاقت مع سليمة طالعة من دارها
سليمة : مازلتي نايضة ..كنك اتخبطي فيش اديري
جنات : نبي انخش نرقد توا …غير كنت انوثق في الحوش قبل
سليمة : باهي الله يربحك …خشي ارقدي
جنات خشت لدارها عشان سليمة تطمن …خشت سليمة الحمام ..حاشكن …وردت رقدت …وجنات في دارها ..رن عليها خالها عبدالله
جنات : الو
عبدالله : افتحي الباب أنا برا
جنات : هيا ..جيتك
طلعت جنات بالشوايا فتحت الباب ومازالت خايفة ..وطلعت على خالها : خير ياخالي
عبدالله سلم عليها : خير شن اخباركن
جنات : بخير تمام
عبدالله : مافيش حد ..برمت على الشارع كله مافيش حد ..أنتي متاكدة
جنات : اها متأكدة ..كان ايخبط على الباب ..وبعدها عدا
عبدالله : غريبة …بالك قطوس ولا حاجة اخرى
جنات عارفة خالها مايبيش كثرت دوة ويبي يريحها وخلاص : اها بالك مش عارفة
عبدالله : وين أمي ..راقدة ؟
جنات : توا غير خشت رقدت
عبدالله : حتى أنتي خشي ارقدي ..ورد بالك تحكيلها حنك مريضة تخوفيها وخلاص …الشارع أمن ومافيش شي غير أنتي اتخايلي
جنات : إن شالله ..خش ياخالي
عبدالله ايحك في شعره : لا لليل ونبي نمشي نرقد ..أخشي وصكري الباب
جنات : حاضر ..تصبح على خير
خشت جنات وصكرت الباب وخشت مرقدها . لكن ماقدرتش ترقد الافكار ايشلوها ويجيبوها…قصة جلال والحبس ..وخوفها من عيسى وتهديداته …وغفت اشوي في الصبح
**************************
ثاني يوم جنات ناضت غسلت وصلت ..ومشت لاقت سليمة امطيبة شاهي قمعزت فطرت هي وياها ..وبدأت اتلم في الحوش ..وسليمة طيبت غداء
بعد الغداء سليمة كلمت خال جنات عشان تبيه ايدير حل في مشكلة جلال …وجاء وحكت امعاه وقعد ايهزب ..لان جلال مشاكله واجد من هو صغير ..وقاللها من وين نبي انجيبوا فلوس عشان يطلع …خليه ايتختخ في الحبوس عشان ايتربى
أم ناصر : ياريتكم ربيتوه اكويس وهو صغير وعرفتوا اتعاملوا امعاه ..لان مافيش حد ايتربى وهو كبير
عدا اليوم وسليمة عندها أمل خوال جلال او اعمامه ايديروا حل لكن مافيش فائدة ..ولما توصلوا مع صاحب الدين حتى ايخلصوه بالتقسيط كان امصكر رأسه يبي لافلوس دفعة وحدة
يومين اخرى وجنات وسليمة بنفس الحال ..يرجوا في فرج من ربي ..وسليمة حالتها الصحية تعبت اشويا ..والسكر ارتفع عندها ..وجنات كملتها تبكي وخلاص
بعد ثلاث ايام بعد الغداء دق الباب ومشت جنات تفتح لاقتها سيارة غريبة فيها واحد وامعه وحدة ..بعد شافت جنات نزلت وجت سلمت عليها
المراة : اهلين
جنات اتبحت في المراة ومستغربة اول مرة اتشوفها : اهلين بيك شن اخبارك
المراة مبتسمة : بخير الحمدالله ..أنتي جنات
جنات : نعم أنا ..تفضلي
المراة : زيد فضلك
خشت جنات والمراة جوا قمعزن وجنات تبي تعرف هذه من وشن قصتها
المراة قمعزت وفكت وشاحها اشوي : الجو الحامي اليوم
جنات : اها خلاص صيف من يوم وغادي
المراة : ممكن كباية امية من فضلك
جنات صبت : أكيد حاضر
مشت جابت امية وقدمتها للمراة للي صبت كابية وتشرب . وجنات قاعدة اتبحت فيها وفي لابستها …كانت أنيقة وكان واضح حالتها المادية فلوس
المراة نزلت الكباية في السفرة : الحمدالله
جنات : صحة
المراة : غريبة قالولي عائشة مع اجديدتك ..وينها
جنات : اها صاح ..بس اجديدة ديما ترقد بعد الغداء ..اشوي وتنوض
المراة : نوم العوافي خليها متريحة …أنا اصلا جاية ونبي نحكي أمعاك أنتي
جنات : تفضلي نسمع فيك
المراة : أنا أسمي صالحة ….أنتي طبعا ماتعرفينيش وحتى أنا مانعرفكش …بس خويا يعرف خوك وهو اللي دزني لك
جنات : خوكي من
صالحة : خويا فخر الدين …بس كلهم يعرفوه فخري …وهو اللي صاير بينه وبين خوك جلال مشكلة
جنات ملامح وجهها تغيرن : قصدك خوك هو اللي حبس جلال
صالحة : عارفة أنك زعلانة على خوك …بس معليش سامحيني خوك هو اللي غلطان ..والا لا
جنات صبت : لا خوك هو الغلطان ليش يعطي فيه افلوس وهو عارف أن جلال ماعندش منين ايخلصه
صالحة مسكت يد جنات : أهدي وقمعزي ..خلينا انتفاهموا
جنات تنهدت وقمعزت : باهي أنتي عليش جاية هنا ..نحنا ماعندناش افلوس من وين نبوا ااا
صالحة قاطعتها : أنا مش جاية نبي افلوس …ومش عارفة شن صاير بين خوك وفخري …بس أنا دزني فخري عشان نعرض عليك عرض ممكن ينقذ خوك
جنات : عرض شنو …كان الزواج مانيش اموافقة
صالحة زمت فمها : غير اسمعيني وبعدها فكري في كلامي
جنات : من غير ما نسمع ..أنتوا تبوا تشروني بفلوسكم وأنا مانيش للبيع ..خوكي مريض ماعليش سامحيني في الكلمة ..بس أنا مش ذنبي و معاش نبي نتزوج
صالحة ابتسمت وجنات استغربت : مريض ؟؟ ههه ..المهم هو مش خويا ولد عمي
جنات : كيف مش أنتي وفخري والا مش عارفة شن أسمه خوت
صالحة : اها أنا وفخري خوت …بس سفيان ولد عمنا
جنات : سفيان ؟!!!
صالحة : اها سفيان ولد عمي اللي قلتي عليه مريض
جنات : اسفة مش قصدي …بس فخري هو الي قال لجلال عنده إع…..وسكتت انحرجت
صالحة : قولي عادي ..عنده إعاقة …صاح سفيان عنده إعاقة بس مش نفس ما أنتي متخيله
جنات : باهي ممكن نعرف شنو نوع الإعاقة لو مافيهاش احراج
صالحة : تعرفي هذا السؤال الوحيد اللي مانقدرش انجاوبك عليه …ممنوع انقول
جنات : ممنوع ؟!!…أنتي جاية تعرضي عليا الزواج من شخص مانعرفش عنه شي الا أنه معاق سامحيني في الكلمة ..وماتبيش اتقولي حتى نوع الأعاقة ؟!!
صالحة : شوفي أنا نبي نقولك كل شي ونفهمك ..وأنتي بعدها فكري ..واتردي عليا
جنات هزت رأسها ..كانت رافضة الفكرة من أساسها ..لكن عشان خوها تبي تعرف ممكن تقدر اتساعده
صالحة : شوفي سفيان ولد عمي ..وهو فخري كيف الخوت ..وعشان هك فخري يبي ايزوج سفيان عشان ايتريح عليه
سفيان مواليد 87 ..عنده شغل وحالته المادية الحمدالله مش محتاج شي ..يسكن في بنغازي .وو
جنات نطت : بنغازي
صالحة ابتسمت : اها بنغازي ليش شن تحسابي
جنات : لالا مافي شي ..غير كنت نحسابكم من درنة
صالحة : لا نحن من بنغازي ..بس شن المشكلة كلها ثلاث ساعات واتكوني في درنة
جنات : أنتي زوجتيني وخلاص
صالحة ضحكت : لا بس حبيت انطمنك
جنات ضحكت ضحكة صفراء
صالحة : المهم ..سفيان عنده كم شرط كان وافقتي عليه ..وأنا توا نعطيك رقم تليفوني ..فكري وكان تبي اتساعدي خوك كلميني
جنات في عقلها يشرط اخرى
صالحة صبت : نبي نمشي وأنتي فكري ..ولو عندك اي سؤال أنا انجاوبك عليه في اي وقت تبي
جنات صبت امعاها : باهي قمعزي انضيفك قهوة على الاقل
صالحة اتسقم في وشاحها : مرة ثانية ..نشربوا في فرحك إن شالله
جنات ابتسمت بلا نية : إن شالله
صالحة اطلعت وكان فخري يرجى فيها في السيارة ..ركبت ومشوا ..وجنات خشت وهي الافكار والاسئلة قريب ايجنوها ..من هذا سفيان وشن قصته ..وشن هيا نوع الإعاقة اللي عنده ..وليش مايبيشها تعرفها
وليش من بنغازي ..ياريت حتى من درنة عشان تقدر على الاقل تسأل عليه وتعرف اي شي …وشن يبي يشرط عليها كان وافقت …وبعدها ضحكت ..مستحيل انوافق ..ايسد وافقت على توفيق وطلع مريض وقهرني
طيبت قهوة ومشت نوضت جدتها وطبعا ماحكتش شي ..لان وضع سليمة من يوم خش جلال للحبس وهو مدهور ..
**********************
مرن يومين وجنات غارقة في التفكير وحدها حتى مودة ماقدرتش تدويلها خافت اتأثر عليها واتخليها اتوافق
جنات اتصلي في المغرب وتسمع في فونها ايرن …كملت الصلاة ومشت شافته لاقاته جلال
جنات ردت اتصلت بيه
جلال : الو
جنات : الو ..شخبارك جلال شن امورك ..من وين اتكلم
جلال ضحك : بالشويا كنك انتي ..انكلم فيك من باريس
جنات ضحكت والدموع في اعيونها : بلا سماطة ..نحكي جد
جلال : انكلم من الحبس ومن وين يعني ..شن اخباركم
جنات : نحن بخير ..أنت شن اخبارك ..وكيف حصلت اتكلم
جلال : تمام تمام ..الحمدالله …حصلت واحد جابلي تليفوني ..شن اخبار حني
جنات تمشي وطالعة لاجنان : باهي اللي سمعت صوتك بخير ..اجديدة قاعدة اتسقي في الورد برا ..ماشية شورها أكيد امرايفة عليك
جلال تنهد : ردي بالك منها جنات ..افطني لسكرها
جنات : دايرة بالي منها …لكن اجديدة منشغلة عليك ..وضعها مش عاجبني
جلال
جنات طلعت لاجنان ومشت عطت سليمة الفون : اجديدة امسكي يبيك واحد
سليمة : من ؟!!
جنات : ردي بس
سليمة : الو
جلال : خير ياحني ..كيف حالك
سليمة على طول تمت تبكي : خير يا باتي ..شن اخبارك ..كيف حال صحتك ..أنت اكويس
جلال غمض اعيونه وانقهر لما سمعها تبكي : أنا بخير واكويس ماتخافيش عليا ..والله أموري مئة المئة ..تريحي
جنات تبكي
سليمة : باهي الحمدالله ..تأكل وتشرب ..مافيش حاجة ناقصتك ..يضربوا فيك
جلال خنقاته العبرة : والله اكويس ..مش ناقصني شي الا شوفتكم والقعدة امعاكم
سليمة : الله يهديك ياوليدي …ليش درت في روحك هكي ..فيش قصرت امعاك نا
جلال يبكي : وحق ربي نادم ..والله العظيم غصبا عني ..مانيش عارف كيف صار هكي …لكن راكي تزعلي مني ..نبيك ترضي عليا ..سامحيني ياحني
سليمة بعد جلال قعد يبكي معاش عرفت تحكي امعاه ..عطت الفون لجنات وقمعزت تبكي بصوت
جنات : ها ياجلال
جلال يمسح في وجه : جنات عينك منها الله يربحك ..وكان اتصير فيها حاجة من تحت رأسي ..وربي نقتل روحي ..كل حاجة الا حني
جنات : ماعليك فيها …لكن أنت مافيش حل ..ماجاك حد من خوالي والا اعمامي
جلال ضحك بهزوا : خوالي واعمامي ههه..بعد اول يوم ماعاد شفت حد ولا سأل عليا حد
جنات فهمت قصده
جنات : إن شالله تفرج ..المهم رد بالك من روحك ..وفكك من المشاكل في الحبس مش ناقصنا
جلال : إن شالله ..وزي ماقتلك ..الله الله وحني .ماتخليهاش تزعل
جنات اتبحت في سليمة كيف تبكي تنهدت : إن شالله
صكرت المكالمة وطبست ارفعت جدتها وساعدتها عشان اتصبي ..وخشن جوا
على الفجر جنات قاعدة اتقلب مش جايها نوم واتفكر …وتسمع الفجر يأذن ..صبت وخشت توضت واطلعت صلت ..وبعدها ردت تبي ترقد …لكن استغربت من سليمة كيف مانضتش اتصلي وهي مستحيل يهلبها وقت …ردت وافتحت الباب لاقتها راقدة …قبل طلعت وقالت خليها راقدة ومتريحة ..وبعدها خافت جدتها تزعل منها عشان مانضتش للصلاة
خشت ولعت الضي وجت اتنوض فيها …لكن سليمة مافيش اي ردة فعل ..وجنات بدأت اتخاف واتهز فيها عشان توعى من غير فائدة …زادت خافت وطبست اتشوف نفسها …مازلت حية …لكن ماتبيش توعى …جنات مشت تجري رنت على خالها ..وجاء وامعاه مراته خذوها للمستشفى
جنات تبكي وانهارت برا من غرفة العناية المركزة ..كانت تدعي أن ربي ايطول في عمر جدتها ..لان فعلا معاش عندها حد بعدها
بعد فترة طلع الدكتور ..وطمنهم على وضعها ..لكن السكر مازال ما ستقر عندها …وقاعدة تحت المراقبة
مرن يومين …واطلعت سليمة من المستشفى بعد استقر وضعها …لكن جنات قاعدة خايفة عليها …لان مادام جلال محبوس ..و وضع اجديدتها في النازل
**********************
#تسريع_للاحداث
مع كل الظروف اللي فيها جنات ..حبس جلال ..جدتها المريضة ..ومضايقات عيسى لها ..كل بعد فترة ..وشعورها بالخوف وعدم الامان طول الوقت …خلن جنات اتفكر جديات في عرض صالحة وفخري
جنات بعد طول تفكير ..قالت شن يبي ايصير فيا اكثر من اللي صار ..وكان خذيت واحد عنده إعاقة ..على الاقل نكسب فيه أجر ..خير من هالوضع اللي أنا فيه
وكلمت جنات صالحة ..وماكنتش عارفة أن المكالمة هذه تبي تقلب حياتها واتغيرها مرة وحدة
صالحة اول ماشافت رقم جنات ابتسمت : الو
جنات مترددة : ااا الو
صالحة : كنت متأكدة أنك حتكلميني
جنات : ليش يعني
صالحة : ماتفهميش غلط ..بس اصلا مافيش حل الا هذا ..وأنتي أكيد مستحيل اتخلي خوك محبوس والحل في يدك
جنات اتقلد فيها بدون صوت
نننننصالحة : ايوا الو
جنات : امعاك نعم
صالحة : أكيد فكرتي ..شن رائك ..اموافقة والا لا
جنات : لا كلمت عشان رايفت عليك نبي نسمع صوتك
صالحة ضحكت على كلام جنات : هههه حتى أنا ريفت عليك
جنات بصوت واطي : عليك كذب
صالحة : نعم شن قلتي
جنات : ايوا أنا اموافقة …امتى الفرح
صالحة ضحكت بصوت :
يعطيك الخير ..اللي يسمعك يحسابك فرحانة ومستعجلة على الفرحجنات : ههه
مستعجلة على طلعت خويا من الحبس بسصالحة : باهي ماتبيش تسمعي شروط سفيان
جنات : اي سفيان
صالحة : ههه سفيان عريسك
جنات بصوت واطي : عريس العازة
جنات : ها شن يبي الباشا
صالحة : شوفي اول شرط قلته لك يومتها …سفيان مايبيكش تعرفي نوع إعاقته الا بعد اتشوفيه
جنات : باهي ..يعني مش حنشوفه الا يوم الفرح قصدك
صالحة : ايوااا تمام هكي …ثاني شي …سفيان مايبيش ايدير اي شي في درنة يعني لا فرح ولا شي ..فاتحة وعشاء عائلي في حوش جدتك ..وثاني يوم انجي نأخذك لبنغازي ابروحك
جنات : قصدك حتى في بنغازي مافيش فرح
صالحة : لا أكيد فيه …بس سفيان مايبيش سريب زفة وقصة هلك ايجوا لعند بنغازي ..يعني اديري عشاء واعزمي من تبي ..وثاني يوم انجي أنا ناخذك وخلاص
جنات تعصبت من شروطه : والله بالنسبة ليا حتى كان يلغي الفرح بكل أحسن
صالحة : وسعي بالك وإن شالله مافيش مشكلة…المهم عشان مايطولش خوك في الحبس …الفرح حيكون بعد اسبوعين
جنات انصدمت : اسبوعين
صالحة : إن شالله
جنات : باهي امتى يطلع جلال
صالحة : يطلع بعد تنقرأ الفاتحة ..تمام
جنات : تمام
صالحة : تبي اي شي كلميني ..وأنا إن شالله خلال يومين توا انجي مع فخري عشان نطلبوك من هلك
جنات : ااا نبي نسألك ..خوك والا هو ولد عمك عارف أني مطلقة
صالحة : أكيد ..مافيش حد ياخذ وحدة مايعرفش عنها اي شي
جنات : اممم
باهي خلاص كملن شروط سي السيد صالحة :
إن شالله ..عموما اي جديد توا انكلمكجنات : اوكي باي
صالحة : باي
صكرت صالحة الفون ..وبحتت في سفيان امقمعز على كرسي وفي يده عصاه الطويلة ايخبط بيها على الارض وجنبه امصبي فخري
سفيان : شن صار
صالحة : تمام ..اموافقة
سفيان عض على فمه ويهز في رأسه وعلى فمه ضحكة غريبة : معناها شوفي شغلك ..مانبيش اي غلطة
صالحة : تم ..كل شي تمام ..بس ماتبيش اتفهمني شن قصتها
سفيان فنص فيها : صاااالحة
صالحة خافت منه : خلاص براحتك
ومشت تبي تطلع من مكتب سفيان ..وبعدها ردت وبحتت فيه : عموما اللسانها طويلة ..تبيله قصة
سفيان ابتسم على جنب : توا يقصر ..ماعليك فيه
********************
بعد كم يوم جت صالحة وفخري وامعاه ولية كبيرة في العمر عرفتها لجنات على اساس مرت عمها …وجنات مستغربة ..وين أمه وين بوه ليش مافيش حد من هله
وصالحة نفس الاجابة ..سفيان مايبيش اي سؤال عن هله
خلاص طلبوها ..وخوال جنات واعمامها ماصدقوا جاء طلبها واحد ..كأن جنات ثقل وانزح من عليهم …وخاصة ان جنات اموافقة
طبعا مودة وسليمة استغربن كيف جنات اتفكر تزوج وخوها ماليش فترة طويلة محبوس ..وحتى من غير علمه ..بس في الحقيقة جنات كلمت جلال وقالتله ..وهو برغم أن الحبس كان واعر عليه …بس مايبيش جنات تتزوج عشان تنقذه
يومين اخرى وجت صالحة جايبة لجنات ذهب طاقم شبكة حلو ..وخاتم ..ودبلة ..وفلوس عشان تشري اللي تبيه …وادير عشاء لعربها وناسها
طبعا المبلغ كان كبير اشوي وجنات فهمت أن حالته المادية فلوس
خلاص جنات خلال فترة الاسبوعين كانت اتوتي في روحها بس من غير نية …الخوف كان مسيطر عليها ..خايفة تنصدم نفس ماصار مع توفيق
جاء يوم الفاتحة وجنات مافيش اي شي يدل أنها عروس الا نقشة الحنة البسيطة اللي في ايديها ..واللي غصبتها عليها مودة ..وجنات وافقت عشان ماحد يشك فيها
الفاتحة انقريت بعد العصر …وعلى المغرب جلال طلع من الحبس …والحوش كان مليان بالضيوف اقارب جنات وجيرانها …سلموا عليه …ومانحكيلكنش على فرحة سليمة لما شافته
طبعا العشاء كله عدا قرمه على جنات وجلال ..اول شي كيف طلع جلال من الحبس وليش صاحب الدين تنازل على حقه …وثاني شي كيف جنات قدرت تتزوج مرتين خلال سنة ..وخذيلك من الكلام ..كيف مطلقة والعرب من بنغازي وين شافوها ..وكيف وكيف ..ومئة سؤال
****************************
ثاني يوم جنات ناضت بدري طبعا ماعندهاش نية في شي ..ودمعتها على خدها ..وتت روحها ..وخشت وعت جلال وقعدت اتهدرز امعاه ..اتوصي فيه على جدتها وعلى روحه قبل تمشي ..وجلال ناض ومشوا قعدوا مع سليمة افطروا مع بعضهم ..وجت مودة كسدت مع جنات
الساعة 10 جت صالحة مع فخري ..خذوا شنطة جنات ..وهي تسلم على سليمة وجلال وتضبط فيهم وتبكي
سلمت على مودة ..ولابست عباتها واطلعت ركبت معاهم في السيارة ..ومن اول ما ركبت وهي تحس بلية من الخوف
طول الطريق والجو هادي في السيارة ..مرة مرة صالحة تسأل فيها وجنات اترد على قيس السؤال بس..كانت متحشمة من فخري
جنات كانت مرات تسرق في النظر اتشوف في فخري .كان شكله ايهبل ..وفي بالها زعما سفيان يشبهله ..وبعدها اتقول مستحيل ..مايبقاش حظي ونعرفه اكويس
بعد تقريبا اكثر من ثلاث ساعات في الطريق وفخري كان يجري بالسيارة ..وصلوا بنغازي
وفخري على طول نزلهن على مكان ..لمانزلت جنات لاقاتها كوافير …كل شي كان جاهز ..الفيلو ..الكندرا ..حتى الاكسسوار اللي تبي تلبسه جاهز ..وعلى السريع بدأت فيها الكوافير …وكانت تسريحة بسيطة ومكياج خفيف وحلو ..لابست جنات ومشت شافت روحها على المراية ..واستغربت كيف طالعة احلى من المرة الاولى برغم فرحها الاول هي وتت كل شي ..واختارت مكياجها وفيلوها وكل شي …بس توا كل شي على السريع واطلعت اتهبل
صالحة غيرت ومكيجت مع جنات وبعد المغرب جاء فخري خذاهن من المزين ومشوا للصالة طول
صالة كبيرة وفخمة ..جت واول ماخشت موسيقى هادية جو خيال بس هي تعرش وخايفة ..مافيش اي وجه تعرفه الا صالحة …معازيم واجد بكل …رقت جنات للمسرح …ونفس العادات تصوير ..وفرقة تربخ ..ورقص والدنيا شايلة ..وجنات في عالم ثاني …بعد قمعزت جنات ..جت وحدة اتهبل مع صالحة ورقت سلمت عليها وكانت تضحك فرحانة
جنات ابتسمت
ملاك : الف مبروك
جنات : الله يبارك فيك
ملاك : أنا أخت الشيباني
جنات بحتت فيها ومش فاهمة شي
صالحة مسكت ملاك ونزلتها من على المسرح ..وبتسمت لجنات ونزلت
جنات فوق خوفها زادت خافت اخرى ..شن قصدها ملاك ومن الشيباني
مانتهاش الفرح الا وجنات منتهية من الخوف والتوتر ….وبعدين قالوا العروس تبي تطلع ..وجت صالحة لابستها الكاب ..واطلعت امعاها لعند السيارة ..ركبت جنات ..وارفعت وجهها في السواق لاقاته فخري …واركبت امعاها صالحة ومشوا
مشوا مسافة ..وبعدها طلعوا من المدينة وخشوا في طريق مزراع ..وكان في سور كبير …وبوابة خشت امعاها السيارة ..مزرعة كبيرة …كم فيلا جنب بعضها ..وفيلا كبيرة في الوسط وعليها سور ابروحها
نزلت جنات وخشت مع صالحة للفيلا ..كانوا في ضيوف ..وبعد شوي جن سيارات اخرى ..وكان فيهن عدد من المعازيم في الصالة ومن ضمنهم ملاك
جنات قمعزت على كرسي في وسط الصالة ..قعدوا قريب ساعة اخرى ..وبعدها جت صالحة وملاك .ورقوها لدور الثاني …كان مقسم كم جناح …خشوا في جناح ..وكان
يهبل ..قمعزت جنات على السرير ..وهي ترجف ..وخطر عليها يوم فرحها
صالحة : تريحي هذه دارك ..ودبشك وكل شي هنا
جنات هزت رسها بخوف
ملاك اتبحت فيها ومبتسمة : اتهبل يا صلوحي
جنات انحرجت وصالحة ضحكت : ماشالله
صالحة : ملاك نبي ننزل انشوف الضيوف ..ساعديها واطلعي على طول قبل ايجي سفيان
ملاك : تمام
طلعت صالحة ..وملاك خذت الكاب علقته ..وخشت شنطة جنات للدار ..وجت تحكي امعاها
ملاك : بعيدة درنة من هنا
جنات اتبحت في اعيون ملاك كيف ايهبلوا : يعني ..في مسافة
ملاك قمعزت بطريقة طفولية على السرير : عمري مامشيت لدرنة …وأنتي كم مرة جيتي هنا
جنات ابتسمت : هذه اول مرة
ملاك : تعرفي خاطرااا.
ماكملتش كلامها سمعت صوت عصا تخبط على الارض صبت تجري : حي عليا حي عليا ..تشيباني جاء ..تشيباني جاء
واطلعت تجري من الدار …وجنات بطنها وجعتها …كيف شيباني شن قصدها …حي عليا زعما زوجوني المرة هذه من شايب كبير في العمر
جنات صبت ورجليها وايديها يرجفوا ..واتفكر …لا لا مستحيل ..كيف شايب واسمه سفيان …يعني ايقولوا ياجدي سافو ..وبعدها اتهز رأسها من الافكار الغبية والتافهة اللي قاعدة اتفكر فيها ومش وقتها
جنات : لا لو كان هك راه خوالي قالوا شايب كبير …هم اللي قروا الفاتحة …حي عليا حي عليا ..واتخيل في توفيق ايخش عليها
وفجاة صوت العصا قرب من الباب …والباب انفتح …وخش شاب أبيض طويل وعريض ..لابس بدلة رصاصية غامقة …وفي يده عصا طويلة …اللحية تقتل
بس أكثر شي لافت نظر جنات اعيونه ..لونهم رصاصي نظرتهم اتخوف …حاجة خيال وغريبة سفيان خش وخبط الباب وراءه …قعد يقرب من جنات وفي كل خطوة يخبط في عصاه على الارض …وهي مش عارفة ليش خافت منه …ممكن خافت من نظرته الحادة …
جنات اتوخر وهو يقرب منها ..لعند لاصقت في الساس…وهو قرب منها واجد ومد يده على …
*******نهاية الحلقة #4
فصول الرواية: 1 2