الفصل ٢١
سمية بصراخ: مش سامر …. شريف هو الخاين….. هو اللى عمل دا كله
سمية بصراخ مقاطعة إياه: أنا أيوة مصدومة …… بس مش من سامر …. لأ منك إنت …. إزاى قدرت تعمل فى أخوك كدة ….. أنا اللى غلطانة ….. أنا اللى عملت فيكوا كده ….. ياريتنى خدت بالى منكوا …. كان زمانك مش كدة ….. كانت سمر بنتى زمانها عايشة …. يا ريتنى ما شجعتك على اللى بتعمله …. آاااه ياربى
سعيد بصدمة: شريف الكلام ده صح ولا لأ
ماجد: إنت بتقول إيه يا سعيد الكلام غلط طبعا ….. إنت هتصدقها ولا إيه …. كلنا عارفين إن سامر هو السبب فى كل حاجة
أسد ببرود: وليه مش شريف السبب فى كل حاجة؟
ماجد بصدمة: نعم!!!
أسد بغضب: سمية مش غلطانة ….. شريف السبب فى كل حاجة فعلا ….. بس بصراحة إنت لعبتها صح يا شريف ….. تدى الخدامة فلوس عشان تعرفك المكان اللى هحتفل بيه مع ملاكى ….. وما شاء الله على دماغك ….. قولت بدل ما أخليها تهرب بعد المهمة ما تخلص ….. لأ أستفيد منها أحسن ….. وقولت يا ترى مين أكتر عدو ليا عشان تلبسه المصيبة
أكيد أنا …. صح ….. بس مش هينفع لإن أسد بيعشق ملاكه ومستحيل يأذيها ….. طب يا ترى مين تانى أكتر عدو ليك ….. سامر ….. سامر هو العدو التانى ليك مش كدة برضو ولا انا غلطان