رواية ليلي حلم العمر الفصل العشرين 20 بقلم فاطمة الالفي
الفصل العشرون
“ليلى حلم العمر ”
بقلم / فاطمه الالفي ..
+
بعدما فرح مراد برؤيه والدته بخير جلس ينظر لكلاهما بمشاكسه ثم همس والابتسامه تعلو ثغره :
– واضح ان معمولي كمين عشان انزل من رفح
رمقت رضوى زوجها بنظرات قلقه ، تنهد معتصم بقوه ثم ربت علي كتف مراد قائلا : قوم معايا نقعد في المكتب نتكلم شويا
نهض مراد من مجلسه بقلق ثم هتف : ده الموضوع بجد بقى ، خير يا بابا
دلف معتصم لداخل مكتبه ثم لحق به مراد واغلق الباب خلفه تحت نظرات رضوى الضائعه ، تخشي عواقب الماضي ولعنته التي مازالت تطاردها حتى الان …
جلس معتصم بهدوء واشار لمراد ان يجلس بجواره ثم حدثه بصدق مشاعره التي يكنها اليه فهو فلذه كبده حقا ، قطعه من روحه ، ثمره شبابه التي ترعرعت تحت ظله وارتوت من يده ..
– مش محتاج مقدمه عشان اتكلم عن وجودك في حياتي ، بس لازم تعرف انك اهم واعظم هديه ربنا رزقني بيها ، انت ابني يا مراد ، صحيح اسمك مختلف بس انا ابوك الحقيقي ومهما حصل هفضل ابوك لاخر نفس في عمري
التقط مراد بكف والده بين راحته ثم طبع قبله حانيه اعلاه وهو يقول : ربنا يخليك ليه يا اعظم اب في الدنيا وانا فخور انك والدي يا سياده “اللواء معتصم رضوان “