رواية قبيحة لكن ذكية الفصل الثاني 2 بقلم جمانة السعيدي
رواية قبيحة لكن ذكية الجزء الثاني
رواية قبيحة لكن ذكية البارت الثاني
رواية قبيحة لكن ذكية الحلقة الثانية
انتقلت للمتوسط وهنا حسيت نفسي كبرت
والبنات الي وياي غير
اللبس غير والحجي غير
بس اني مثل مااني هي صدريه وقميص ويوميه اداوم بيهن
صحيح شكلي حلو ومرتب بس نفس الشي
عندي هوس اباوع على البنات الحلوات واتمعن بملامحهن
شسوي باحساس النقص العايش بداخلي
جمانه السعيدي
امي السبب
من امي تروح اجيبلنا ملابس
هذا يلوك الرنا اكثر
هذا حلو على رنا
اما اني اي شي يعني اي قطعه وهي ماشيه
حتى ماتسئلني شتحبين او شتريدين
كانت المتوسطه مرحله جديده بلنسبه اليه
بس ماعندي صديقات بس امل
اني وياها مانتفارك ابد
ماادور صداقات اخاف اي اخاف من البنات
اكثر البنات ادور كشخه بلصداقه
ادرس وبس
والحمد لله من البدايه أعلى الدرجات
اكو بنيه ويانا اداوم
بيضه وعيونه زرك وشعرها طويل واشكر تحجي بلمثاقبل
المدرسات كلش يحبنه
رغم مستواها الدراسي مو هلكد تقريبا كسلانه
بس المدرسات يحبنه لان حلوه
واني شاطره بس يباوعلي بشمئزاز عبالك مسويه جريمه
بيوم كان عدنا امتحان مااعرف هي راحت شحجت ويه المدرسه
شفت المدرسه هزت راسه موافقه
طبعا المدرسه مونفس الماده
يعني الامتحان بماده هي ماتجينا بيه
هي بس واكفه علينا بلامتحان
جمانه السعيدي
راسا المدرسه كومتني من مكاني وكعدتني بصفه
كالت ساعدي صديقتج
اني استغربت بس هي مو صديقتي
ولا حتى تباوع عليه
كعدت وسكتت وبديت احل الاسئله
المدرسه اجت يمنا وكامت تاخذ مني الحل وتنطي اله
واكو أشياء تعرفهن المدرسه هي تردهن اله
اني سلمت ورقتي قبله وهي بقت تكتب وتمسح
بعدين اني طلعت درجه كامله وهي نجحت وبس
لان مالحكت تحل كل المسائل
كلش بطيئه بلكتابه
كل البنات مايحبني
بس يحاولن يستغلون كوني شاطره
ولكل يريد اساعده
حتى اكو بنات من غير شعبه يجن حتى اشرحلهن الماده
بس على كد المصلحه ودير وجه وكانما ماتعرفني
بس اني كنت احب اساعد الناس
ومااحقد على احد ابد
جمانه السعيدي
مرات اكول اني مو حلوه قابل يجاملني هنا يحجن الحقيقه
كلامهن كان يحز بنفسي حيل
وارجع اكول خلقة رب العالمين قابل اني شبيدي
مرت الايام وكنت من المتفوقين بلمدرسه
وكل فتره يطلعوني برفعة العلم
كنت كلما اطلع اشوف المدرسات يتهامسن ويضحكن
بس من اطلع اني
خلصت المتوسطه وطلعت بااعلى الدرجات
اما اختي رنا كانت تنجح بلدفعات
اذا اني ادرسه تنجح
واذا ماادرسه ترسب
امي كانت محملتني مسوليته كامله
تكول رنا مسئوله منج انتي لازم تقريه وتخليه تنجح
انتقلت للاعدايه وهنا المرحله غير
احس نفسي كبرت مو مثل قبل
جمانه السعيدي
كانت اكو اعداديه وحده
وكل البنات من كل المناطق تجي اداوم بيه
يعني كمت اشوف بنات اكثر وكل أنواع البنات واشكالهن
اللبس غير والشعر والحركات
اول يوم حيل ضجت من الدوام
احس البنات هنا مايشبهني حيل
ومن اشوف نضراتهن احس بلنقص
يدورن علاقات وولد والمكياج يجببنه وياهن ويتمكيجن
عالم غير عالم ومايشبهني ابد
قررت مااحتك بيهن ابد
وابتعد عنهم طبعا مو كل البنات اكو بنات زينات
بس الموزين يعم على الزبن
مره طلعت درجه كامله بالرياضيات صف رابع
اجتني بنيه كلش حلوه اسمه غصون
كالت تعاي هي انتي
اسيل عليه
…اي اكيد عليج
…تفضلي
…انتي شلون اطلعين درجه كامله بالرياضيات اكيد غشيتي
الرياضيات صعب ومحد يطلع درجه كامله ابد
اسيل لا طبعا ماغشيت اني اصلا شاطره
…غصون انتي شنو شاطره شايفه شكلج شلونه
اسيل وشكلي شنو علاقته بلموضوع
غصون مبينه غبيه وهذا مو مستواج ابد
جمانه السعيدي
اسيل شنو مو مستواي اني شاطره واقرا وافتهم
مركزه بدروسي مو اقرا وعقلي طاير مني
غصون شنو قصدج اني اقرا وعقلي طاير مني
اسيل مو اقصدج اقصد كل البنات الي تقرأ بدون تركيز
غصون خل نشوف اكيد راح تنكشفين بيوم من الايام
اسيل عفته ومشيت ياربي ليش البنات مستكثره عليه النجاح اني بيش ماذيتهن
يعني هم مو حلوه وهم كسلانه
يعني هذا الذكاء موهبه من رب العالمين
شكد جنت أواجه تنمر عليه مو طببعي
مرات اعدي ومرات اضوج
ومرات اضحك
مابيدي حيله ابد
نجحت للخامس واني نفس الشي بس المدرسات كامن ينتبهن المستواي
ويعاملني معامله زينه
وصلت المرحله المدرسه تكعد وتستعين بيه اشرح الدرس مكانه
الطالبات يكولن نفتهم عليج بلشرح اكثرمن المدرسه
طبعا المدرسه تتعاجز تشرح
تكعد على صفحه وتخليني اني اشرح مكانه
اني هذا الشعور يخليني اسعد وحده بلدنيااا
يعوض النقص الي عايشته
احس نفسي شخصيه مهمه
وصلت صف سادس وهاي المرحله كانت مهمه بلنسبه اليه كلش
اريد اطلع معدل واكون شي مهم وأثبت نفسي
حتى الناس تعرف الجمال مو كلشي بهاي الدنياااا
شديت حيلي ومخلصه كل وقتي اقرا
بس امي ماتقدر تعبي
كل شويه عوفي كتبج وتعاي درسي خوانج
لو تعاي ساعديني بلبيت
اكله بس السنه مرحله مهمه
ابد ماتقدر هذا الشي
كمت اكعد من الصبح وهمه نايمين واقرا حتى لحد يزعجني
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قبيحة لكن ذكية)