رواية عود ثقاب الفصل الخامس 5 بقلم ندا سليمان
وقفنا الحلقه إللى فاتت عند أما
صحيت هاله وبصت لـ (علي) وهو نايم جنبها وإبتسمت ، قربت منه وطبعت قبله علي خده ، سندت راسها فـ حضنه وسمعته بيتمتم بكلمات وغمغمه مش مفهومه !!
وضحتلها كلمه بين كلماته : سـ سـ سامحيني ، سـ سامحيني يا دا
إتعدلت هاله وبصتله وهو نايم بتحاول تلقط الإسم إللى بينطقه !!!!
بدأ ينده : دا دالييييييييا داليااااااا
بصتله هاله بصدمه ومش عارفه مين #داليا وليه بيقول سامحيني ؟؟!!!!!!!!
فضلت بصاله وحاسه إن عقلها هيشت ، بدأت تربط تصرفات (علي) بالإسم إللى بيطلب منه يسامحه فـ منامه !!!
نفسها تفهم فيه إيه ، حاسه إنها تايهه وكل مدي بيكبر جواها إحساس إن (علي) مخبّي عنها سر!!!!
فكرت تصحيه وتسأله دلوقتي مدت إيديها ولسه هتصحيه رجعت فـ كلامها ، فضلت تتأمله وتفتكراللحظات الحلوه إللى عاشتها إمبارح ونزلت دموعها لما لقت نفسها ما بتلحقش تفرح
مش ده إللى توقعته لحياتها الزوجيه !
كل ما تبدأ تعيش زى أى زوجه طبيعيه وأول ما قلبها يبدأ يفرح يفاجئها (علي ) بحاجه تعكر صفو فرحتها وتشغل تفكيرها
مسحت دموعها ومددت جنبه ومازال إسم داليا ده شاغل بالها لحد ما راحت فـ النوم ~
~
~
صحي (علي) حاسس بصداع شديد ومش قادر يفتح عيونه ، بدأ يفتحها ببطئ ، لمح هاله نايمه جنبه و زي ما يكون لسعه عقرب إنتفض من مكانه ووقف جنب السرير تأمل هاله وكإنه كان فاقد الذاكره وأهه رجعتله وبدأ يفتكر إللى حصل إمبارح
حاسس إنه عايش فـ كابوس ، جري ع الحمام فتح الحنفيه وحط راسه تحتها ،
قعد فـ الأرض، لقي جردل مايه جنبه دلقه علي نفسه بيحاول يفوق من الكابوس إللى عايش فيه
فضل قاعد فـ أرضية الحمام ضامم رجليه وساند راسه عليها ، حاسس بإيد داليا وهي بتمسح علي شعره وتطبطب عليه
فضل يبكي بحرقه ويخبط دماغه فـ الحيطة : ليييييييه يا علي لييييه
هو أنا هفضل عايش بالشكل ده لحد إمته ، حب داليا أصبح لعنة لقلبي مش هقدر أخلص منها طول حياتي أنا تعبت تعبت آآآآآآآآه
بدأ يخبط بقوة أكتر ومش حاسس بألم وفجأه إيد إتحطت ورا راسه وحمتها من الحيط ،، بص ولقي هاله قاعده جنبه فـ الأرض
هاله : كفايه يا علي أرجوك قوووم
قومته من ع الأرض ، كان دايخ ، سندته إتناولت البشكير و لبستهوله ، وخرّجته بره الحمام ، وهي بتقعده علي كرسي الأنتريه : ليه بتعمل فـ نفسك كل ده ليييه ؟ ليه مُصر توجع قلبي عليك بالشكل ده يا حبيبي
علي : حبيبي ؟! أنا ما استحقش الكلمه دى وما أستحقش حبك يا هاله ، ماينفعش تحبي إنسان زيي ما ينفعش ، ماينفعش تحطي ثقتك فـ واحد زيي أنا ، أنا ما استحقش حتي أعيش
هاله وهي بتبكي وتقبّل إيديه : ماتقولش كده إنت أغلي عندي من نفسي وماقدرش أعيش من غيرك لحظه
صرخ علي : لأ لأااااا كفايه ماتربطيش حياتك بيا ، ماتفكريش حتي مجرد تفكير إنك تحبيني أنا حياتي كلها هتفضل وجع لآخر يوم فـ عمري ، أنا عايش بلا قلب وروح أنا ميت وماكنش ينفع إللى حصل ، ماكنش ينفع أساساً تتجوزي واحد زيي
هاله : إنت ندمان يا علي ؟!!!!!!! علي إنت إتجوزتني ليه ؟!
بص فـ الأرض ومش لاقي كلام يقوله
هاله : رد عليا لو سمحت كفايه سكوت بقي كفااايه حرام عليك
بصلها (علي) ولسه الدموع سايله من عيونه : عوزاني أقولك إيه ؟؟؟! هه ! أقولك إني كنت أناني وجبان وضعيف ! أقولك إني خنت ثقة أقرب إنسانه ليا فى الوجود وظلمتها ، إنسانه كانت أقرب ليا من نفسي ، أقولك إني دبحت الإنسانه إللى داوت جراح قلبي وكسرتها ؟! أقولك إيه ولا إيه بس
هاله : قولي مين #داليا ؟!
أول ما نطقت إسم داليا إرتجف #علي حاسس إن قلبه إللى كان ملصمه بدأ ينزف من تاني ،بص لـ هاله بدهشه : إنتي عرفتي منين ؟!
هاله : عرفت إيه ؟؟!! نفسي أفهم منك بقي هفضل عايشه على عمايا لحد إمته أرجوك ريحني وقولي مين داليا إللي طلبت منها تسامحك وإنت نايم وأظن هي إللى بتتكلم عنها دلوقتي أرجوك فهمني يا علي ؟!
رجع بضهره لورا ، سند راسه ع الكرسي وبص للسقف ، شرد لدقايق ورد :
داليا !!!! أقولك إيه عنها ؟! مش هلاقي كلام يوصفها !
داليا بنت خالتي خديجه ، مش فاكر حبيتها إمته لإني حاسس إني إتولدت بحبها فـ قلبي !
كل ما أفتكر ذكري وأنا طفل ألاقي داليا فيها ، كل فرحه فـ حياتها داليا فيها
بص لهاله وإبتسم رغم الدموع إللي بتصرخ فـ عنيه :’)) : فاكر أول مره خطبت فيها داليا ،، كنت فـ أولي ثانوي وهي كانت فـ أولي إعدادي ، قلت لأبويا وأمي عاوز أخطب داليا بنت خالتي فضلوا يضحكوا عليا ويتريقوا وده إللي خلاني عاندت وروحت لوحدي بيت خالتي ، لبست بدله وأخدت معايا بوكيه ورد زي أي واحد رايح يتقدم لواحده :’)) وخالتي وعم عمران هم كمان ضحكوا عليا بس عم عمران يومها قالي أنا مش هلاقي أحسن منك لبنتي يا علي بس أما تكبروا إن شاء الله يا حبيبي ركزوا دلوقتي فـ مذاكرتكم وبس والدنيا مش هتطير،، فاكر كويس أوي إبتسامة داليا الخجوله وهي واقفه ورا الستاره وخدودها لون الورد :’))
ومارتحتش غير لما روحت مدرسة داليا تاني يوم وإستنتها لما خرجت ، إدتلها ورده ولبستها خاتم كنت مشتريه من مصروفي ولبست دبله عشان نعتبر نفسنا مخطوبين لحد ما نكبر وعم عمران يوفي بوعده ويقبل يجوزني داليا :’))
بص للدبله إللي فـ إيديه وإبتسم : ومن يومها ما قلعتش الدبله دي من إيدي حتي لما إتخطبنا كنت لابسها جنب دبلة الخطوبه :’))
أنا كنت مخلّص كل مصروفي عند بتاع الورد أصلها كانت بتعشق الورد :'((
قام من ع الكرسي وقف عند باب البلكونه وبص للسما :
تعرفي إنها كانت دايماً تقولي لما تشتاقلي بص للسما وهتلاقيني بعتالك مع النجوم والقمر رساله :’))
كنت فعلاً كل ما أشتاقلها أبص للسما وأكلمها وقلبي يسمع رسالتها ، هو ليه قلبي لما بص للسما دلوقتي مش سامع حاجه ؟؟!!!
إلتفت وبص لهاله :
داليا كانت أغلي عندي من نفسي يا هاله أنا وعدتها هحميها بس أنا دلوقتي أثبتلها إني مش أد وعدي ، أنا طلعت عيّل
قربت هاله منه والدموع فـ عيونها المصدومه : ولما إنت بتحبها بالشكل ده،، ليه أنا إللى دلوقتي معاك مش هي ؟! ما إتجوزتهاش هي ليه ؟!!!
صرخ علي : عشان أنا ندل وجبان إتخليت عنها فـ أكتر وقت كانت محتاجاني فيه أنا لحد دلوقتي مش قادر أستوعب إني عملت كده !!!!!!!
هاله : طيب فهمني حصل إييييه ؟؟!!!!!!
علي : داليا إتعرضت لحادثة إغتصاب
>Sadإتصدمت هاله
: مش ممكن إنت بتقول إيييه !!!!!!!!!!!!!!!!!!علي : قبل ما أسافر وأنا بودعها قلبي كان جواه إحساس إن ده الوداع الأخير ومعرفش ليه !!!
رغم إن طول عمري بسافر وأودعها بس دي كانت أول مره أحس الإحساس ده !!! ورجعت وأخدت صدمة عمري
لما خالتي حكتلي كنت حاسس فـ اللحظه دي إني هنفجر من شدة الغضب
داليا كانت محتاجه حاجه واحده بس ، حضني ، طبطبتي علي قلبها ، كانت محتاجه تسمع مني أنا جنبك مش هتخلي عنك
وبدل ما أعمل كده لقتني بلومها ومشيت وسبتها رغم إني كنت سامع قلبها بيصرخ مشيت بالعربيه طول الطريق مش شايف قصادي كنت هعمل أكتر من حادثه ، ما قدرتش أروّح البيت
فضلت ألف فـ الشوارع من غير هدف وأنا ببكي بحرقه
لحد ما طلع الصبح وأنا نايم فى عربيتي فى الشارع ، رجعت البيت وقفلت علي نفسي الأوضه لا باكل ولا بكلم حد وأبويا وأمي مش فاهمين مالي ؟!طول الليل الكوابيس مخليه النوم يهرب من عيوني بتخيل داليا وهي بتصرخ فى الليل والكلاب دولـ…
جز علي سنانه وضرب الحيط بقبضة إيديه : آآآآآآآآآه
قعد فـ الأرض ، مرر إيديه علي شعره وكمل : أبويا ما صدق ، هو من الاول ماكنش عاوزني أتجوز داليا ، كان عاوزني أتجوزك إنتي
معرفش ليه لأول مره فـ حياتي بسمعله !!! بقيت حاسس إن حادثة داليا جنت عليا ، كسرت جوايا حاجات كتيير و أصبحت مشوه من جوايا >Sad ،، بقيت حاسس إن داليا خلاص ما تنفعليش كنت حاسس إني أضعف من إني أبص فـ عنيها ، كل ما أبصلها أحس بالعجز إني ما قدرتش أحميها
يومها ماردتش علي أبويا لقيته راح لوحده بيت خالتي ونهى كل حاجه ، ماقدرتش أروح خايف من عيونها إللى أسرتني فى يوم من الأيام ودلوقتي أصبحت مقبره ليا
~إحنا كنا مجهزين كل حاجه للفرح ، حتي فستانها كان جاهز
، عمري ما تخيلت لحظه إن أنا وداليا يتكتب علينا الفراق هاله بصاله بتسمع وهي مصدومه
مش قادره تستوعب كلامهعلي : أظن دلوقتي عرفتي مين داليا وعرفتي ليه قولتلك كل ده وليه مش قادر أتعايش مع حياتنا سوا
ضحكت هاله بسخريه ورمقته بنظرة غضب : بعد إيه ؟؟!! إنت لسه جاي دلوقتي تقولي كل ده ؟؟!!!
طلعت كل لحظه حلوه عشتها معايا كنت شايفني داليا هههههههههههههههههآآآآآآآه
ياااااه يا علي ، طاب أنا كان ذنبي إيه تحول حياتي لجحيم بالشكل ده
؟!! أنا آذيتك فـ إيه حرام عليك ، ليه تعمل فيا كده ؟؟!! ده أنا حبيتك بإخلاص وربي وحده إللي يعلم بإللي فـ قلبي ، إنت أول حب فـ حياتي وعاهدت نفسي من يوم ما لبست دبلتك أعمل المستحيل عشان أسعدك ليه تكسر قلبي وتدبحني بالشكل ده
إنت ليه أناني أوي كده !! ماتخيلتش إنك بالبشاعه دي قرب منها وعيونه بتعتذرلها ، صرخت فـ وشه : إبعد عني ما تقربش
سابته وجريت ع الأوضه رزعت الباب فـ وشه وإنهارت
، مش قادره تستوعب إللى سمعته دلوقتي منه !أما عن علي فراح ورا هاله رفع إيديه يخبّط ع الباب وعدل عن الفكره >Sad ، وقف فـ البلكونه بص للسما بعيون مليانه دموع وصرخ قلبه : يــــــــا رب
••••••••●••••••••●••••••••••●•••••••••●••••••••●•••••••
نِهال قاعده فـ مكتبها هي وخديجه بتتناقش معاها فـ حالة داليا وإيه العلاج إللي ممكن تتبعه معاها وفجأه دخلت عليهم ممرضه : إلحقي يا دكتوره
نِهال : خير فيه إيه ؟؟؟!!!
الممرضه : الحاله إللي حضرتك لسه جيباها ياريت حضرتك تيجي تشوفيها حالاً مش قادرين نسيطر عليها !
جريت نِهال ووراها خديجه لأوضة داليا ، ولقوها قاعده فـ حمام الأوضه فاتحه الدوش وواقفه تحته بهدومها وممرضه بتحاول تخرّجها ،، أمرتها نِهال تسيب داليا و بصت للممرضه التانيه : إيه إللى حصل ؟
الممرضه : أول ما فاقت يا دكتوره قامت من سريرها وراحت ناحية الحمام قلت عادي يعني حاولت اسندها مارضيتش ، دخلت وإستنتها بره وبعدين سمعت صوت الدوش بيتفتح ، خبّطت ع الباب ماردتش سبتها وشويه ولقيتها بتعيط ففتحت الباب بقي ولقتها واقفه بهدومها كده تحت الدوش ، لما قربت منها عشان اطلعها زقتني وهاجت ، جبت ممرضه تانيه تساعدني نخرجها مارضيتش وفضلت تصرّخ فجيت أنده لحضرتك !!!
طيب خلاص روحوا إنتوا ،، بصت خديجه لداليا وهي واقفه تحت الدوش وبتتلفت زي المجانين حوليها بعيون مذعوره
، بصتلها نِهال وقالت : حضرتك فاكره الأغنيه إللي كنتي بتغنيها لداليا وهي صغيره ؟بصتلها خديجه وهزت راسها بأيوه ، ناولتها نِهال منشفه ففهمت دورها ، مسكت المنشفه ودخلت لداليا وقفت قصادها وبصتلها وهي بتبتسم :’))
قربت من الدوش بهدوء وقفلته ، مسكت داليا من إيديها ، حطت المنشفه علي راسها وبدأت تنشف راسها و جسمها وهي بتغنيلها ، بصت داليا لأمها وجسمها بيرتجف غمضت عيونها ورجعت بالزمن لطفله بريئه أمها بتحمّيها وتغنيلها أغنية عمرها ما نسيتها لحظه :’)) ، أهه شايفه قصادها داليا وأمها بتنشف شعرها ، سامعه صوت أمها وهي بتردد الأغنيه :
يا عصفوره يا كتكوته يا دولّي يا سكر النبات
هاتي بوسه عشان ماما يا بسبوسه وحلويات
الله يا سلام علي طعامتك يا دولّي يا زينة البنات
فتحت عيونها وبصت لأمها إللي بتبكي ولسه بتغنيلها بصوت متهدج
،و لأول مره من يوم إللى حصل لداليا تبتسم :’)) ، إبتسمتلها أمها وضمتها لحضنها وفجأه بعدت داليا عن حضن أمها وجريت تاني تفتح الدوش وتقف تحته ، قربت منها :كفايه يا نور عيني ، قوليلي طيب إنتي عاوزه إيه وأنا أعملهولك ، تعالي فـ حضني بقي كفايه
حضنك وحشني أووي يا دولّي وأخييراً داليا نطقت ، بصت لأمها وردت : لأ أنا مش دولّي الإسم ده مش إسمي ، أنا خلاص مابقتش ببراءة الإسم ده ، ماينفعش أحضنك أصلي مش طاهره مش نضيفه يا ماما
بدأت تشاور علي جسمها: بصي بصي عليا أنا مش نضيفه شايفه فـ كل حته فـ جسمي فيه قذاره
شامه ريحتي ، ريحة الخمره وريحة أنفاسهم القذره لسه فـ جسمي يا أمي أنا إستحميت كتير بس الريحه مش عاوزه تروح مني ولا جسمي عاوز ينضف أنا أنا لازم أستحمّى تاني أكيد المره دي الريحه هتروح هتروحفتحت الدوش وبدأت تدلك جسمها بقوه وهي بتبكي وتتلفت حوليها زي المجانيين ، جريت أمها عليها وضمتها ، بعدتها داليا : لأ قولتلك لأ ماينفعش تحضنيني هوسّخ حضنك ، سيبيني بقي سيبوني كلكم محدش يقرب مني
سحبتها أمها من إيديها غصب عنها وخرجتها من الحمام : كفايه بقي فوقي يا داليا إنتي أطهر وأنقي بنت فـ الدنيا ما تقوليش علي نفسك كده وريحتك مفيش أطيب منها يا قلب أمك
داليا : هو أنا ليه يجرالي كده ليه أناااااا ، هو أنا عملتلهم إيه
؟! مارحموش ضعفي ده أنا أنا قولت إسم المنتقم الجبار قصادهم وماخافوووووش ، إنتوا ليه أنقذتوني أنا كان لازم أموت ماكنش ينفع أعييش تاني ، أنا بكره نفسي أنا بكره كل الناس إطلعوا بره وسيبوني سيبوووونيييي سكتت فجأه وبصت برعب : سامعه صوتهم ، سامعه ، دول جايين عليا سمعاااهم
حطت إيديها علي ودنها وجريت فـ ركن من الأوضه كورت نفسها وقعدت فيه
وخديجه واقفه بتتأملها وقلبها المحروق علي بنتها بيردد حسبي الله ونعم الوكيل
، ربتت نِهال علي كتفها وطلبت منها تسيبها مع داليا شويه ، خرجت خديجه وسابت نِهال مع داليا ،داليا هديت ورجعت تبص للسقف من تاني >Sad ، قربت منها نِهال وقعدت جنبها فـ الأرض ،،،،
نِهال :
لما حكولي عنك ماتوقعتش ألاقيكي كده ! ماكنتش متخيلاكي بالضعف ده !!!!
إلتفتتلها داليا وماردتش ،كملت نِهال : ضعفك دلوقتي عار يا داليا ، أول ضعف ليكي ماكنش بإيديكي كنت بتقاومي بس ماقدرتيش مش إنتي إللى إختارتي الضعف بنفسك لكن دلوقتي إنتي إللى بتختاريه ، بتختاري الخوف !!!!!
داليا مابتردش فبدأت نِهال تستفزها بكلامها
صرخت داليا : وعوزاني أعمل إيه ؟؟!! هه !! أنا إخترت الحل إني أقتل نفسي بس إنتوا لحقتوني ، إنتوا إللي مصرين تعيشوني عذاب أنا مش أده
نِهال : وتموتي كافره !!!!! إللي أعرفه إنك إنسانه تعرف ربنا وقويه و
قاطعتها داليا : بس هم سلبوني قوتي ، سلبوا روحي ، أخدوا مني كل شئ أملكه
دبحوني وأنا كنت صاحيه وشيفاهم وهم بيدبحوني واحد ورا التاني ودلوقتي جايه تقوليلي قوتك وهتفيدني بإيه القوه هه قوليلي هتفدني بإييييييييييييييييييه نِهال : هتفيدك بإنك تجيبي حقك يا داليا
ضحكت داليا : هههههههههههه حقي !!! حقي مش من حقي ، ثم إن أنا واحده ميته ومفيش ميت بيطالب بحقه
نِهال : طيب ممكن أخدك جوله فـ المصحه ، عاوزه أعرفك علي بنات هنا لازم تشوفيهم :’))
••••••••●••••••••●••••••••••●•••••••••●••••••••●•••••••
قامت هاله ولقت نفسها نايمه فـ الأرض بقالها كتير ، أول ما فتحت عيونها حست كإن حد ضاربها علي راسها ، مسكت دماغها وإفتكرت كلام علي وبدأت تبكي من تاني
سمعت خبطه خفيفه ع الباب ماردتش وقفلت الباب بالمفتاح ، إتناولت شنطة وبدأت تحط فيها هدومها ، مش عارفه قرارها إيه بس إللي تعرفه دلوقتي إنها مش هتقدر تعيش لحظه واحده زياده مع مخادع زى علي
علي واقف قدام باب الأوضه مش عارف يعمل إيه ؟! خبّط ع الباب مره تانيه وأخيراً الباب إتفتح ، واقفه هاله وماسكه شنطة هدومها رمقته بنظرة غضب ومشيت للباب
نده علي و ماردتش عليه قفلت الباب وراها ونزلت ، شاورت لتاكسي قالتله على عنوان بيت أهلها وطول الطريق دموعها ماوقفتش
، وصلت لبيتهم وحمدت ربنا إن أهلها مسافرين من يوم صباحيتها يعني هترتاح من سين وجيم ، حطت الشنطه ورمت نفسها علي كنبة الأنتريه ، فضلت باصه للسقفحاسه إنها فـ كابوس مش قادره تستوعب إللي سمعته من علي مش قادره تتخيل إن كل الحب إللي كانت حساه منه مجرد تهيؤات !!! وفوق كل ده قلبها مش قادر يكرهه
! ~••••••••●••••••••●••••••••••●•••••••••●••••••••●•••••••
مسكت نِهال داليا من إيديها وخدتها جوله فـ المصحه وداليا ماشيه معاها فـ إستسلام ،، وقفت نِهال عند عنبر وقالتلها : هو ده المكان المنشود وإللي عوزاكي تشوفيه ، إدخلي خدي جوله وبعدين هحكيلك حكاية إللي فيه :’))
دخلت داليا ولقته عنبر فيه 4 بنات ، مناظرهم تقطّع القلب ، بصتلهم بذعر وبصت لـ نِهال وسألت : مين دول ؟! وليه عوزاني أشوفهم ؟؟!!
نِهال : عاوزاكي تشوفي نفسك
داليا : بس أنا مش مجنونه !!!
نِهال : إنتي مش مجنونه بس إنتي لو فضلتي ع الحال ده هتبقي زيهم وألعن !!!
داليا : وإيه علاقتهم بيا عشان أبقي زيهم ؟؟!!
نِهال : أنا أقولك علاقة بيهم إي
فصول الرواية: 1 2