رواية عشق الثأر الفصل الثامن 8 بقلم مينة طلال
مسحت دمعتي النزلت وجاوبت على المبايل..
– ها سليم؟
سليم: وينك صار ساعة واكفين المفاتيح يمك وهاي الشلة التعبانة اذا اضل يمها بعد ساعة اكتلهم
_جايكم تيهت الطريق
سليم : شبيك شصاير وياك؟ انت تهيه مااصدگ!
– مصاير شي ولله جاي اني..
سديتة ومشيت بسرعة مجاهل ذاكرتي التجبرني اذكر ذاك اليوم وصلت للمخزن لكيتهم كاعدين بسيارة مشغلين الضوة بس شافوني طفو ونزلو
عمران : استاذي صاير تتاخر علينا .. مو من عوايدك..
حامد : كافي عمران ! عوفو الرجال اكيد صارلة ضرف
_شحجيت شبيك يمك اني؟ كلشي تحشر روحك ؏َـيب بابا
– سليم: اهو بدو الهتلية
أسحاق : يلا شباب لحكوني
مجاوبتهم من اذكر ذاك اليوم حيلــي ينهد روحـي تضل تلوب واني اشوفهم عمامي عايشين مرتاحين واني واختي كتلنا القهر والظيم..
طبينا للمخزن فتحت القفل وبيدنا نجيك الاسلحة ونحسبهن المفروض ٣٥٠ هذني بس ٣٠٠ جاي اتصل على قاسم ومااحس الة سيارتين سود عالي طبن مشغلات الضوة وطلعو ثنين يرمون صحت عليهم يجون
أسحاق : رجعو يمي يولد لا تصيرون بوجهم تعالو تسلحو
كمت اعبي الاسلحة واشمرلهم وكعنا هذولة الاثنين الرمو وطلعو غيرهم خرة بيهم تارسين السيارات شمرت على تايرات مافشن زرفت الجامات عليهم خابر قاسم ..
قاسم : ها ايوب
أسحاق : ن** امهاتنا هجمو علينا جماعة الحجي.. والسلاح اصلان بي نقص طلع..
قاسم : على جثثكم ما تعوفون البضاعة أيوب كتلوهم حركوهم هسه ادزلكم دعم هم..
– اطمئن مسيطرين بس خلص نص المخزون مال سلاح
– مو مشكلة ديرو بالكم على نفسكم .. واثق بيك
– تم
خلصت السيارة الاولى والسيارة الثانية طفو ونزلو يرمون علينا ونرمي عليهم سليم بظهري وعمران وحامد كدامنا ورا المخازن مال سلاح الهجوم خف ويمكن قل عددهم لان نصهم ماتو تقدمت اشوف الوضع صاح سليم
– وررررراك …
زرف اذني من الطلقات وكع واحد جان وراية حضنتة وتقدمت هوة وراية صار بوجهي واحد رميتة براسة وكع كبل صار المكان هدوء صحتت..
– جبناء طلعو مو اجيتو تواجهون شو ختلتو مثل الجريدية؟..
عمران : أستاذي صدناهم مثل الفار وهاي لعيونك..
ضل يرمي وحامد يصيح بي طلع واحد من فوك كبل وكعو
أسحاق: عوفولي واحد شنو فلمكم
ضحكو دك مبايل رسالة استغربت منو يدزلي عبالي قاسم رفعتة وقريت من رقم مُروج : لازم نحجي
رفعت راسي لسليم واني اذكرت شـَڪد يحبها واني امنعة منها كتبت بسرعة : تم وسديتة حطيتة بسترتي وصحت..
– يولد صفينا المكان الظاهر خل نطلع السلاح وقاسم ينظف
صعدو بشاحنا من برة مبينات مال عصاير وبيها صناديك عصاير بالمقدمة بس الباقي كله اسلاحة هذيت ايدي وقفلتهن حامد وعمران يسوقون واني وسليم بسيارة نلحكم نأمن لحد ما نوصلهن للميناء خابر قاسم
– بشر؟
– صفيناهم بس عفنا المكان نظفو انتو،…
– سهلة وينك هسه ؟
– بطريق ** طالعين من بغداد ..
– أيوب من توصل تحسب الفلوس عدل وتتأكد كلهن حقيقيات يلا أسلم البضاعة تمام ! اي تلاعب تحس اكتل كل الموجودين
– حتى لو الشايب وياهم؟
– انعل ابهاتهم
– تأمر..
سديت وضلينا نتبادل اني وسليم بسياقة بداية البصرة خابرني حامد
حامد : خدينة تراب وعلي مااكدر اكمل أسحاق انكلب ولله كساع تغمض عيوني
– مانكدر نوكف حامد تتعرف شنو عدك مو؟
– دبرني مااكدر
– لحظة
سديتة ودغيت سليم من ايدة
– كوم تنبل لزمونة
فز سحب سلاحة حطة براسي
– اي كرة عيني ناقصني بس انت تكتلني!
سليم : منو شـَڪو منو انت؟
– خالتك !
سليم : وصلنا!
– بعد شوية حامد قفل روح اخذ مكانة انت ترست نوم
– يمعود بعدني نعسان ولله
– دمشي خل نفض هل شغلة ورجعو شبعو نوم
طلع من سيارة خابرت عمران
– ها حبيبي بشر نعست؟
عمران : افا انة اخوك بس راح ادعم كم واحد
– يلا يلا بعد اخوك وصلنا قاوم
– تم
سديتة اجة صعد حامد مشينا بسرعة وصلنا للجولة الي دلاني عليها قاسم الدنيا هستوها الفجر والكاع صحرة لو نموت هنا محد يلكانة خابرت قاسم..
– دزلي جماعتك الي بالبصرة مابينا واحد يرجع متنا تعب
– اصلان جايك دعم بطريق ممرتاح للشايب ، مثل مكلتلك جيك الفلوس الي يلعب وياك اتصرف منگ ..
– ادلل
سديت ونزلت من السيارة الولد طفو ونامو طلعت جكايري ادخن وارقب بيهم عيوني تكللب بصحراء واذني هدئت من صوت هدوء المكان شوية واجتي السيارت خمسة وحدة وكفت كدامي شعرة وتدعمني ماتحركت طفو ونزل واحد يركض يفتح السيارة الكدامي
نزل رجال خمسيني شعرة ولحيتة بيضة لابس رسمي وسلاحة بخصرة تقرب يمي وراة ثنين
الشايب : انت الساحق
– الشايب!
– اني بشحمي ولحمي
– الظاهر انت مو دقيق بمواعيدك..
– نص ساعة تحسبها تأخير؟
– الدقيقة محسوبة عليك!
– احنا هنا من ليل بس أمنا المكان وطلعنا وين البضاعة ؟
صوفرت فزو الولد يصيحون من شافو المنضر نزلو يمي
سليم : خير ؟ شعدكم ويا؟
أسحاق : خالد هذا الشايب اجة ياخذ بضاعتة
سليم : على راسي بس مو بهل اسلوب شنو يخوفك واكف هوة وجماعتة؟
– شتعرف اخوك يخاف؟
الشايب : سمعت عنك هواي واشرفت اشتغل وياكم اليوم بس نشوف البضاعة..
– حتى لا تكول غشني السلاح ناقص ٥٠ والطلق نصه راح!
صفن بوجهي ورجالة كامو يتبسبسون باوعلي وضحك..
الشايب: يممَكن قاسم محاجيلكم عني ! اني اليشتعل وياي لو يشتغل عدل لو اصفي ..
– بس اني كلتلك اكو نقص ، والمشكلة مو من عدي الموزع ماجايب العدد المطلوب..
الشايب : مراح اسلمكم الفلوس تعريض عن الأستهتار هذا
ابتسمت تك خد والولد سحبو سلاحهم جماعة الشايب كلهم طلعو اسلاحتهم صرنا واحد متواجهه كدام الثاني ، سخبت سلاحي خليتة براس الشايب ، أثناء ما بدو يرمون صوت الشرطة ترس الصحراء …
______
دموع…
كعدت الصبح لبست الملابس الشتريناهن اني واسحاق ميتة فرح اول مرة اروح للجامعة مرتبة
نزلت البيت هدوء استغربت هدوء عمتي مو من عادتها بس الظاهر سواية عمامي ضوجها..
دكيت على بابها مجاوبت فتحت على كيف مطفية الاضوية ونايمة رجعت سديت الباب وطلعت من الغرفة قفلت البيت وشمرت المفاتيح من جوة الباب ورحت لايان
طول الطريق الفرحة مشايلتني من روحــي بعد لااشتغل ولااتعب وعمة الله هداها وسكتت بس راحت ابتسامتي اني واذكر أسحاق! وأسحاق شلون بي
وصلت لبيت اديان دكيت الباب طلعتلي مبتسمة كالعادة..
أديان : ها دُموع صباح الخير شلونج
شلونكم خما بعدكم خايفين؟
– من شنو نخاف؟
– غير البارحة طبولكم حرامية ورمو عليكم يا ..
شبيج دموع بس لا نصدمتي وكمتي ماتذكرين تذكريني اني منو؟
غميت كصتي من الجفصة السويتها : يا شبيج أديان غير متناسية بالكوة وانتي ذكرتيني شلون ماخفت متنا خوف بالكوة عمتي نامت البارحة..
أديان: أسفة أسفة ولله حبيبيتي ، بس ردت اطمن عليكم أسحاق شلونة؟
– زين حبيبيتي نروح؟
– اي بس اكول لماما
طبت تودع امها وطلعنا نتمشا لابوها اخذنا وصلنا وراح ..
فتنا للجامعة نمشي للقسم طلع بوجهي يـٰس استغفرت بمللل توجهه الي مكشر
يـٰس : شلونج دُموع
– اهلا يـٰس حمدلله وانت؟
– مو زين ، شفتي شصار ويانة ؟ نسبينا سباية عمامي كلهم بالمستشفى وابوية مو زين
– الله يشافي من رخصتك..
ردت اتقدم انصدمت من لزم ايدي وأديان صاحت : ايدك شسالفة منو انت وتلزمها؟ وخر لا الم عليك الناس
دموع : يـٰس تخبلت شبيك؟
يـٰس : اختي روحــي مني وخري عدي حجي وياها
رفضت أديان وتوخر هوه مجلب بية جرني على صفحة وصرنا نهاية الحديقة هدني وهوه يباوع بوجهي بعصبية..
يـٰس : شعدة أسحاق ويانة؟ ليش راحو يمشون رجعو كلهم بأسعاف شصاير؟ كولي دموع شعدكم ويانة ! عبالج صدكنا سالفة الحرامية بس اني لازم اهلي عنكم
دموع: هدهم عيني شنو تخوفنا؟ انتو كلكم ماتخوفون جلبة لأسحاق افتهمت اعلى ما بخياكم اركبو واذا تعرضتلي مرة ثانية اخلي أسحاق يتصرف وياك..
– انتي ليش ماتفهميني ولج؟ كل ولد عمج حادين اسنانهم عليكم واني بالكوة مهدي الوضع اني لو مخايف عليكم مااجيج بهل طريقة افهميني ولج خايف عليج اني ماتعرفين هذول شنو ممكن يسون.. من الصبح واكفلج باب الكلية انتضرج تجين..
– اني لأعرفكم ڪُلـش زين .. عبالك نسيت سواية عمامي ويا اهلي وحق محمد الة نبجيكم دم..
وخر مني لازم راسة سكت وكال : معلية بالماضي وما يخصني الي يخصني هسه جاي اخذررج خل أسحاق يدير بالة ترة ناويلة نية..
– الله يسلمك وصلت رسالتك رجاءاً بعد لا تشوفني وجهك..
مشيت لزم ايدي وكام يحجي بعصبية ، اجت تركض اديان قاطعتة..
يـٰس : انتي ليش ماتفهميني اني..
اديان : خوية الناس تتفرج عرضك هاي راح تصير علينا سمعة من وراك
هد ايدي ودنك مقهور وراح من ورا الجامعة وطلع فد مرة ضليت اباوع علية كالت : دموع حاجي اسحاق ميصير هيج يلزمج ويجرج بالكلية باعي البنات يباوعن
باوعت اكو كم وحدة تباوع كتلها : بس ارجع اعرف شحجي ويا اسحاق لاتخافين
طبينا للمحاضرة بالكوة خلصتها وطلعنا نمشي اني وياها اجة ابوها وصلوني للبيت وراحو طبيت فتحت الباب عبالي عمة فاتحة القفل ميفتح احرك اليدة ماكو دكيت الباب هواي ماكو صوت
كمت اباوع من الشباك اصيح عمة هم ماكو كلبي لعب
طلعت من بيتنا رجعت لبيت اديان لكيتهم هستوهم واصلين نصدمو من شافوني الهث حجيت بسرعة
– عمو الحكني بيتنا قفلتة وشمرت المفتاح جوه عبالي من تكعد عمة تفتحة وهسه الباب مقفول وعمة ماتجاوبني كسرت الباب ماكو فدوة عمو تعال نكسر الباب خايفة على عمتي لا صارلها شي
احجي بسرعة وابجي اديان اجت تحضني صعدنا بسيارتهم رجعنا للبيت طبينا بسرعة عمو طلع صاح شباب ثنين طبو ضلو يدفعون بالباب لحد ما نكسر ركضت لغرفة عمة بعدها مثل ماعفتها الصبح الكلوبات مطفية وهيه نايمة صفح
تقربت ارجف واديان وراية تلمست جتفها بيدي اهزها
– عمة نايمة
عمة
هزيتها بقوة ماتجوب عليت صوتي ابجي وخايفة
– عمة تسمعيني شبيج مريضة عمة
كمت اهز بيها وابجي اديان ركضت تصيح ابوها مقبل يفوت رغم همة مسيح بس يدرون احنا ماعدنا رجال يدخل على مرة ممحجبة صاح علية
لوريـٰس : عمي شبيها عمتج اجيب نسوان نشيلها غطيها عمي
– اي عمي فدوة مجاي تجاوبني فدوة
ركض خطية الرجال جاب جيرانة شالنها وياي صعدنها بسيارتة ورحنا للمستشفى وصلنا اخذوها منا كبل سوالها انعاش اكثر من مرة عمو واديان وياي وجيرانة نسوان ولدهن اجو وياي وكفو الانعاش وباوع علينا الممرض
– البقاء لله المريضة ميتة من ساعات…
_____
يـٰس…
اني يـٰس الابن الاكبر لقادر عدي اخ واخوات ثنين
عشت بعائلة مفككة كل نفر عايش بصفحة طفولتي عشتها برعب واني اسمع جدي وعمي ماتو وهجمو عليهم ضليت خايف عبالي اصير مثل اسحاق ودموع واضل بدون اهل خاصتا بعد ما امهم ازوجت عمي غايب وطلكها واختفت..
كبرنا بخوف لحد ما كمت افهم وعرفت ڪُلـشي سوة عمامي واهلي بس ما بيدي شي
بيوم راجع من القسم واسمع اسم دموع زيد وين رجعني هل اسم لاسوء ايام حياتي
ضليت ارقبها تجي بملابس تعبانة وتشتغل بس بنية مؤدبة تروح وتجي بطريقها لا تضحك لا خفيفة حلوة رغم تعبها ووضعها التعبان..
صليت ارقبها من بعيد لحد ما اجرءت وحجيت وياها شفتها خايفة ومترددة ابتعدت وبيوم راجع من الجامعة وتتلكاني امي بالباب
حوراء : الحكني يـٰس ابوك مصاوب جان بيت اسحاق وتصاوب هسه بالمستشفى امشي نروح..
اخذتها ورحنة وانصدم كل عمامي مصاوبين من سألت على عمتي والولد محد بي شي شكيت بالموضوع لحد ما كعد ابوية وكال ..
قادر : هذا اسحاق الخايس كلة من ورا بعد ابوك اريدك انت ولد عمك تأدبو
– مو وكتها هل حجي يابة خل نطلع من المستشفى والله كريم..
اجو الشرطة كالو حرامية مااشتكو سجلوها ضد مجهول وراحو طلعناهم ويوميا ننجمع بيت عمي غايب وكلها تخطط شلون يوكعون اسحاق واني بالي كلة يم دموع لحد ما سمعت عمامي يكولون..
غايب : كلتلكم اكتلو هوة وعائلتة اغبياء
ولكم حان موتنا كلنا بلحظة
جاسم: سمعت هادي حاي هل ايام بس يلكة اسحاق هيج يتفقون علينا ويصفونا ولله خاصتا اسحاق يعرف احنا كتلنا اهلنا واهلة
فتحت عيني مصدوم من الي اسمعة وهمة مكملين..
قادر: نفكر نخلص منة مثل مخلصنا من ابو ونكول حادث شوف نكطع علية طريق نفوت عليهم بليل اذا اطر الامر حتى كفاح نكتلها احنا فتنا لهل طريق فتنا..
غايب : صبرولي لعد بس احسبها عدل ، ميصير نستعجل بلكي نقنع الولد يساعدونا
جاسم : بس لازم ندير بالنا هذا مخبل واذا اجة هادي وانجمعو بعد نقرة السلام على روحنا خاصتا اذا فضحونا كدام جهالنا..
قادر: لا تضل جبان يول..
ضليت مصدوم باابوية معقولة لهل درجة ماعدة ضمير شنو من بشر هذا..
جاسم : ديلا عساس ما شفت شسوة هاي ايدك بعدها ملفوفة ترة المرة الجاية براسك يممَڪن…
سكتو كلهم كاللهم عمي غايب بصوت يشبه الفحيح مال حياية : ندمر اختة ونكسر ظهرة..
___
فصول الرواية: 1 2