رواية عائلة آخر جنان الفصل السادس 6 بقلم مروة طارق
مر اسبوع على ابطالنا من الاحداث الاخيرة ……
احمد رجع يلعب كرة قدم وطبعا دخل يلعب مع فريق النادي ده بجانب مذاكرته ……
سارة مقضية وقتها كله في المذاكرة وقراءة الكتب العلمية والكتب التاريخية على خفيف ….
سهر بتحاول تلاقي بيت ازياء مميز عشان تبتدي معاه ……..
سمر بيشغلها اوي تصرفات المصريين نفسها تلاقي موضوع تعمل بيه خبطة صحفية وبتدور على جريدة او مجلة تشتغل فيها ……
مروة بتحاول تركز في مذاكرتها وواخدة بالها اوي من نظرات هاني بس عاملة مش واخدة بالها …….
منار ابتدت تتشد لاسلام وبقت تحب تروح الدروس عشان تشوفه وهو بيكتفي بنظرات بس ومحاولش يكلمها تاني ……
محمد اتعرف على نهي وهي مش ممانعة لانها عايزة تشده ليها لانه فرصة متتعوضش بس ….
محمود بيحاول يبتدي مشروع هو ومحمد بس مش عارفين ينفذوه ازاي لان الموضوع في مصر صعب ونهي بتضايقه بمحاولاتها انها تقرب منه لانها بتلعب على الونجين واللى تفوز بيه يبقى يكسبها …..
ناهد مشغولة اوي بشركتها لانها بقالها فترة كبيرة اوي مش متابعاها …..
خالد بيتابع المستشفي اللى بيبنيها ومشغول بالحالات اللى بتجيله في العيادة ……
معاذ بيفكر في سهر طول الوقت ومبسوط اوي باحساسه وكأنه اول مرة يعجب بحد ….
**********************************************************
خالد ومعاذ واقفين في المطار مستنين ركاب الطيارة االلى جاية من امريكا ……فجأة يظهر مهند جاي ومعاه شنطه ويقف يدور على باباه يشاوله خالد يشوفه مهند ويتجه ناحيته …يسلم على خالد وخالد يعرفه على معاذ …..
خالد : يلا بينا عشان نروح لينا كلام كتير معاك انت ومامتك
مهند : بابا انا عارف وانا مستعد لأي حاجة بس الاول مروة وميرنا فين ؟ مجوش ليه ؟
معاذ : هما عندهم درس دلوقتي
مهند : بابا ينفع اروحلهم ؟
خالد : بس …..
معاذ : انا اسف اني هقاطعك يا دكتور بس مهند ممكن يلحق ياخد الدرس معاهم بس لو اتحركنا من هنا بسرعة
خالد : بس اكيد هو تعبان من السفر
مهند : لا يا بابا وانا من امتى السفر بيتعبني انت ناسي ان السفر دي شغلتي
خالد: ماشي بس لازم نقعد نتكلم النهاردة
مهند : اكيد يابابا
معاذ : طيب يلا بينا اوصلك يا مهند عندهم
********************************************************
مروة ومنار قاعدين في القاعة مستنين المدرس بلغ الادارة انه هيتأخر نص ساعة ….
منار قاعدة بتقرا في الكتب اللى قدامها …..
مروة كانت اتعرفت على بنت هادية اوي وملهاش كلام كتير مع الطلبة التانين وكان اسمها منة …. مروة قاعدة بترغي مع منه ….. وهبة واقفة على الباب بتبص على مروة ومنار …… هاني جوة القاعة بيظبط ورقه وعينه كل شوية على مروة وهي مطنشة ومش بتبصله …..
معاذ يوصف لمهند انهي دور اللى فيه الدروس يطلع مهند عالقاعة اللى وصفهاله معاذ يلاقي هبة واقفة قدام الباب يسألها ….
مهند : لو سمحتي يا انسة
هبة : نعم
مهند : هي مروة ومنار خالد في القاعة
هبة : انت تعرفهم
مهند : اه اعرفهم هما فين ؟
هبة : طب هو انت عايزهم في ايه ؟
مهند باستغراب : وانتي مالك ؟ بصي انا غلطان اني سألت اصلا وسعي بقى عشان ادخل
ويدخل مهند من المسافة الصغيرة اللى بين هبة وبين الباب ويزقها بكتفه وهو داخل ….
مهند ينادي : مروة , منار
مروة ومنار يبصوا يلاقوا مهند يجروا عليه مروة تاخده بالحضن وتقعد تبوس فيه ….
هاني يشوفها كده يضايق ويقول لنفسه : ايه ده ايه اللى هي بتعمله ده تلاقيه واحد من امريكا هي تعرفه انا نسيت فعلا ان تربية امريكا غيرنا ويخرج من القاعة وهو مضايق
منار تفضل تضرب مروة على ضهرها عشان تسيب مهند وتوسلعها مروة فعلا وتحضن منار اخوها وكأنهم غايبين عن بعض سنين مش اسبوعين بس …..
في نفس الوقت اللى منار بتحضن فيه مهند دخل اسلام شافها فضل مذهول مش مصدق نفسه ومش مصدق اللى شافه مضايق اوي جت هبة من وراه…..
هبة : مالك يا اسلام ايه اللى مضايقك
اسلام : ……
هبة : اوعي تكون اتضايقت من المنظر ده اومال انت منتظر ايه منهم يعني ؟ يسيبها اسلام ويتجاهل منار ويدخل يقعد وميعبرهاش حتى بنظرة …..
منار تسيب مهند وياخدوا بعض ويروحوا بعيد شوية عن اللى قاعدين عشان يتكلموا براحتهم ….
هبة تفكر شوية وتجري على باباها في المكتب …..
هبة : الحقني يا بابا الحقني
حسن : في ايه يا هبة حد ضايقك ؟
هبة : ياريت يا بابا
حسن : اومال في ايه احكي
هبة : من شوية يابابا جه ولد سألأ عن مروة ومنار ولاد انكل خالد وبعدين قلتله انت عاوزهم في ايه قالى ملكيش دعوة
حسن : وبعدين
هبة : وبعدين زقني ودخلهم يا بابا نده عليهم قاموا طلعوا يجروا عليه وقاموا …. قاموا ….
حسن : مالك ما تكملي
هبة بتتصنع كسوف : اصلي مكسوفة اوي يا بابا
حسن : مكسوفة ليه ما تنطقي يا هبة ايه اللى حصل انا مش ناقصك
هبة وهي عاملة نفسها مكسوفة وبتدير وشها : قعد يحضن ويبوس فيهم يا بابا قدامنا وهما مش مكسوفين كده
حسن وشه يحمر من الغضب وبصوت عالى : ازاي يعملوا كده هما فاكرين نفسهم فين ؟
ويطلع بخطوات سريعة يجري على القاعة وهبة وراه مبسوطة اوي وعايزة تشوف ايه اللى هيحصل وانها اخيرا مسكت عليهم حاجة …..
هاني يشوف حسن مضايق وغضبان وماشي بخطوات غاضبة ناحية القاعة ….
يقول لنفسه : ربنا يستر وهي بصراحة تستاهل بس انا مش حابب طريقتك برضه يا هبة
ويرجع لمكتبه ….
حسن يفتح الباب بعنف ويدور على مروة ومنار يلاقيهم قاعدين مع ولد اول مرة يشوفه ….
حسن : مروة , منار ازاي تسمحوا لنفسكم تعملوا كده في السنتر بتاعي ده احسن سنتر على مستوى اسكندرية مسمحش لحد يبوظلي سمعته ومش هتيجي عيلتين مفعوصتين زيكم يدمروا اللى انا عملته في سنين ؟
مروة مش مهتمة بكلام حسن وبتميل تبص على حاجة ورا ضهره …. شافت هبة وابتسمت
مروة ببرود : هي هبة قالتلك ايه بالظبط ؟
حسن : هبة قالت اللى لازم يتقال قالتلي على قلة ادبكم
مهند : قلة ادب ايه ؟ هما عملوا ايه لكل ده
حسن : انت تخرس خالص اوعي تفتكر نفسك هتخرج من هنا غير وولي امرك يجي
مروة : اكيد طبعا
حسن : انتى كمان ليكي عين تتكلمي بتحضني وتبوسي ولاد كده عادي لا وكمان بجحة فوقى انتى هنا في مصر مش في امريكا
مهند : اااااااااااااااااااه
مروة بزعيق : تمام اوي ومحدش هيخرج فينا من هنا غير لما ولى امره يجي
حسن : انتى فعلا قليلة الادب وانا هكلم خالد يجي هنا واما نشوف هيرضيه اللى حصل ولا وانت يا بني اديني رقم ولي امرك واسمه
مهند بتحدي : ابويا اسمه خالد المنشاوي , دكتور خالد المنشاوي اكبر جراح مخ واعصاب في مصر والعالم
حسن وهو مش مستوعب : خـ خالد المنشاوي انا مش فاهم حاجة
مروة بتحدي اكبر : احب اعرفك مهند خالد المنشاوي توأمي انا ومنار
حسن واقف محرج مش عارف يقول ايه …… هبة مذهولة وحاسة ان الدنيا بتلف بيها …. اسلام فرحان اوي …..
حسن متلجلج …… منار بتعيط وبتشاور لمروة بلغة الاشارات انها عايزة تروح …..
حسن يشوف منار بتشاور …..
حسن بصوت مخنوق : هي منار …. هي … مبتتكلمش
مروة : ايوة بس بتسمع على فكرة وبعد اذنك احنا هنروح ومش راجعين المكان ده تاني
هبة بدأت تستوعب قامت مزعقة …..
هبة : واحنا ايش ضمنا انو اخوكم ما يمكن انتوا عاملينها مسلسل
مروة : احنا مش بتوع حوارات زيك يا هبة احنا احسن منك كتير
هبة : بابا انت لازم تتأكد انه اخوهم
مهند : انتوا اكيد عالم مجانين
حسن : اسكتي ياهبة انا هقابل خالد واعتذرله
هبة : ما يمكن مش اخوهم
حسن : ملكيش دعوة ياهبة دي حاجة تخصني اوي
حسن يبص لمروة ومنار ومهند : روحوا انتوا النهاردة وانا هكلم بابا اعتذرله
مهند ياخد مروة ومنار وهما خارجين من بابا القاعة … مهند يلتفت لحسن
مهند : على فكرة زي ما انت غلطت في تربية بابا لينا بنتك غلطت وعلى فكرة بنتك هي اللى بتبوظ سمعة المكان بتاعك مش الطلبة اللى بيجوا
ويمشي مهند ورا اخواته ………
*******************************************
خالد داخل من بابا الفيلا ناهد تجري عليه ….
ناهد : فين مهند ؟
خالد : راح لاخواته البنات
ناهد : مجبتهوش ليه معاك ومش لازم يروحلهم ما هم كده كده جايين بدري
خالد : انتى عارفة مكنش هيركز معاكي من غير ما يشوفهم
ناهد : طيب احضرلك تاكل
خالد : لا مش جعان هستني اتعشي مع الاولاد
في نفس الوقت يدخل مهند ومروة ومنار من بابا الفيلا تجري منار على اوضتها وهي منهارة …..
ناهد : في ايه يا ولاد ؟ ايه اللى جابكم دلوقتي اختكوا مالها ؟
مروة ومهند : ……
خالد : في ايه ؟ ما تردوا قلقتونا
مهند : مروة اطلعي انتى لمنار وانا هحكي كل اللى حصل
تطلع مروة ورا منار ويقعد مهند يحكي كل حاجة حصلت بالتفصيل الممل مسابش حاجة غير وحكاها …..