رواية سر تحت الجلباب الفصل الثامن عشر 18 بقلم سلوي عوض (الرواية كاملة)

ناعسه: أيوه، هو والله… شوفت الوشم اللي على دراعه.

موسى: طاب متعمليش حاجه لغيت ما أجيلك… أو انتي تيجي.

ناعسه: لا، تعالي انته وهات العيال معاك.

وهنا يدخل نعيم على ناعسه.

نعيم: مالك فيكي إيه؟

ناعسه: مافيش… بس راسي مصدّعه، أصلي اندليت البندر ولسه راجعه، والعريس زعّجلي.

نعيم: أنهو عريس فيهم؟

ناعسه: جوز جليله.

نعيم: جطعه… ده شكله بيوضّب لنصيبه.

ناعسه: إزاي؟

نعيم: نازل سِلَف لأهل البلد، وبيمضيهم على ورق.

ناعسه بصدمة: معجوله؟

نعيم: آه والله… ناس كتير جوي خدو منيه فلوس كبيره.

ناعسه: طاب تفتكر هيعمل إيه؟

نعيم: معرفش… بس ربنا يسترها.

ناعسه: كده شغلتني وخليتني نسيت ولدي على التليفون…

صوت موسى من الهاتف:

معلش يا أمي، حجك عليّا. بس كده شكله هو والعمده ناوين على كارثه… ربنا يستر.

أنا هجيب الولاد وأجي الصبح إن شاء الله.

ناعسه: لا، تعالوا جَرْب الفجر… عشان البلد كلها تكون نامت.

موسى: حاضر… سلام.

ناعسه: سلام يا ولدي.