__اى بنت يا باشا ؟ الشارع مليان بنات وستات !!
إلبنت إلى هناك إلى ماسكه فى ايدها كيس عيش
_تقصد البنت الصغيره يا فارس بيه ؟
صغيره ؟دى صغيرة يا فخرى ؟
ركز فخرى بعينه على البنت ،عمرها يدوبك ١٥ ستاشر سنه يا فارس بيه
ابتسم فارس الناطورى، لكن مش باين عليها خالص يا فخرى إلى يبص عليها يقول شابه
سحب فخرى من السيجاره ونفخ دخان ازرق يتلوى مثل الحيه، البنات يا بيه الزمن ده بتكبر ذى الفريرة،لكن معقول يا بيه مش عارفها بنت مين ؟
رفع فارس الناطورى ايده وعلى وشه لمحة انزعاج جعلت فخرى يرتعش ،هعرفها ازاى يا فخرى؟ انا بوصل الحاره هنا كل فين وفين ابص على الشركة وامشى.
يعرف فخرى ان فارس الناطورى لا يحب أن يسأل السؤال مرتين، وانه حتى لو كان فى حالة مزاجيه جيده فأن إى غلطه كفيله ان تمنحة التعاسة مدى الحياة فهمس بسرعه
دى فريدة بنت سيد عبد الهادى…. يا فارس باشا
رفع الباشا حاجبة ولاحت على وجهه نظرة شرود صارمة
تقصد سيد عبد الهادى بتاع المنشيه ؟
همس فخرى محاولآ اختيار كلماتة بعنايه هو بعينه يا باشا
ياة تنهد فارس الناطورى متعجبآ كيف ان الآيام تمر مسرعه كقطار لا يقف على محطات
هو اتجوز وخلف ؟،رفع فخرى كتفه وضيق عينيه وهو يرمق الباشا بجلاء ،حاسبآ حساب كل كلمة تخرج من فمة