رواية حب صدفه الفصل الأول 1بقلم أمل عثمان (الرواية كاملة)

رواية حب صدفه الفصل الأول 1بقلم أمل عثمان

رواية حب صدفه الفصل الأول 1

 ـــــــــــــــــــــــــــــــــــ((1))ـــــــــــــــــــــــــــــــــ

-بابا بابا مش هنروح نجيب هدية عيد ميلادي بقا

-يا مريم لسه فاضل علي عيد ميلادك اسبوعين يوم عيد ميلادك هتلقيني جايبلك حاجه احسن من العروسه الي انتي عايزاها

-لا انا عايزه العروسه عشان خاطري

وبعد محيلات كتير وافق 

الاب و الام و مريم نزلوا يجيبوا الهديه

-ماما هاتي موبايلك ثانيه اشوف حاجه 

فاطمه:

خدي بس متلعبيش فيه كتير

-حاضر

حطت الموبيل قدام عين الاب و هيا بتقول بمرح:

-بص يا بابا دي العروسه الي انا عايزاها 

حسبي يا مريم انا بسو…

مكملش الكلمة و العربيه اتقلبت

الاسعاف جت خدتهم و حاولوا يتواصلوا ب أهلهم و فعلا نحجوا في دي

جت نوال اخت فاطمه مامت مريم و معاها مراد اخو مريم التؤام 

نوال و هيا بتنهج من الخوف و الجري:

الممرضه: ثانيه واحده، ايوا في الدور التالت 

جريت نوال للدور التالت و اول ما وصلت لقت ممرض خارج من اوضة العمليات 

جريت عليه و هيا بتسالوا

-لو سمحت بعد اذنك في حالة سالم الجرحي و فاطمة محمود

الممرض:

-اه دول الي في العمليات 

نوال بخوف:

-طب بعد اذنك طمني عليهم

الممرض:

-صراحتاً الحاله مش مستقره لحد دلوقتي بس أن شاء الله خير

نوال و هيا دموعها بتنزل:

-طب و البنت الصغيره الي كانت معاهم فين 

الممرض:

معرفش بصراحه بس ممكن تسالي عليها تحت

نوال: 

-تمام شكرا

الممرض: 

-العفو

و مشي

نوال سابت مراد قدام اوضة العمليات و قالتلوا ميتحركش من مكانو

نوال لنفس الممرضة:

-بعد اذنك معلش في طفله اسمها مريم سالم الجرحي موجوده هنا؟؟

الممرضة:

-ايوا اهي قاعدة هناك اهي

نوال بصت علي المكان لقت مريم قاعدة و بتعيط جامد

جريت عليها و هيا بتحضنها و تهديها

نوال بخوف:

-مريم حبيبتي انتي كويسه متخفيش مفيش حاجه متخفيش

قالت كده وهيا بتحضنها و بتضمها جامد عشان تطمنها بس بردو مريم مهديتش

خدتها نوال و طلعوا علي فوق 

فضلوا قاعدين و اخو نوال و باباهم جم و اخوات سالم الاتنين 

لحد ما الدكتور خرج

جريوا عليه كلهم بخوف 

عماد اخو سالم الكبير:

-طمنا يا دكتور الله يخليك

الدكتور:

-للاسف حاولنا ننقذ الحالتين بس ملحقناش

انا اسف، البقاء لله

وقعت نوال علي الارض و هيا بتعيط و تصرخ 

و محمد اخوها بيحاول يهديها و الباقي بيوحد ربنا 

و مراد و مريم منهارين من المشهد الي بيشفوه قدامهم و علي امهم و ابوهم

بعد مرور 12 سنه

مريم و مراد كانوا عايشين مع خالتهم نوال و هيا الي ربتهم لأن نوال مطلقة بسبب العقم الي عندها

دخلت مريم الجامعه بمجموع عالي و كذالك مراد 

مرضت نوال بدون سبب قاعدة اسبوعين في المستشفى ثم توفاها الله

حزنوا مراد و مريم جدا عليها لأنها تعتبر امهم التانيه

لكن رغم صغر سن مريم إلا أنها كانت ذكيه جدا و يعتمد عليها 

كتير جدا من أهلها عرض عليها انها تيجي هيا و اخوها يعيشوا معاهم لكنها رفضت 

اشترت ب ميراث ابوها شقة صغيره تعيش فيها هيا و اخويا

و رفض عمها انها تشتغل أو مراد يشتغل لانه كان عايز هوا الي يصرف عليهم

مريم بعد الحادثه أصبحت شخصيه تانيه خالص

بقت شخصيه جديه جدا مش زي زمان و هيا صغيره كانت لطيفه جدا و كل الناس بتحبها

مكنش عندها صحاب بسبب كده إلا أن في واحده بس هيا الي تقبلت ده و حاولت و لازالت تحاول أن تغير شخصية مريم الجديده هي “يارا”

يارا شخصية مرحه جدا و عفويه و اجتماعيه 

رغم الفرق الكبير بينها و بين مريم في شخصيتهم و طبعهم 

إلا أنها بتحبها جدا و مريم كذالك 

أما مراد

رغم كل الحزن الي في حياته و الي في قلبه إلا أنه مبيحبش يبين ده قدام حد

ولا حتى أخته

مراد كان عندوا صحاب كتير منهم اقرب واحد ليه هوا “كريم الرفاعي”

كريم عدا ب مواقف صعبه في حياته كتير جدا بس هوا ماشي بمبدأ “I don’t care”

او كان بيحاول يغلوش علي تفكيره السلبي الي ديما بيقعد يفكره ب حياته و وحدته

مع انو عايش مع أهله عادي

لكنه ديما حاسس انو لوحدوا

نرجع لقصتنا

مراد و مريم كانوا قاعدين علي السفره بيفطروا

مراد:

-انا مش هروح الكلية النهارده

مريم:

-و ده ليه

مراد:

-مش عارف مليش نفس اروح بصراحه 

حركة مريم رأسها بماشي

مراد كان بيبصلها كل شويه مش عارف يفتح معاها موضوع انها تحاول تتغير و ترجع زي الاول ازاي 

كل يوم في نفس القعدة يقعد يفكر و في الاخر ميقولش حاجه 

لحد ما قرر خلاص انو يقولها اتحركت مريم و هيا بتاخد شنطتها من علي الكرسي و بتقوله:

انا ماشيه

ابقى شيل الاكل بعد ما تخلص

قالت اخر جملة و هيا بتقفل الباب

قام مراد من علي الاكل و قال و هوا بيشيلوا:

-كل يوم انا الي اشيله ذنبي ايه انا اني بنزل متأخر

خلص و عمل كوباية ايس كوفي شربها بعديها دخل نام

 

عند مريم

دخلت مريم الجامعه ب وش الجديه كالعاده

اول ما شفتها يارا صحبتها

جريت عليها و حضنتها

بادلتها مريم الحضن بملل 

يارا:

-وحشتيني اوي بقالك يومين مبتجيش ليه و ولا بتردي علي الموبيل حتى

مريم ب ملل:

-معلش كنت تعبانه شويه عندي دور برد

يارا منغير تعليق علي البرود و الكدب ده لأنها خلاص اتعودت: 

-طب يلا ياختي ورانا محاضرات قد كده النهارده

مشيوا للكافتيريا لأن مريم كانت عايزه تجيب قهوتها الصباحيه

عند مراد

مراد وهوا بيكلم كريم صاحبه في التليفون:

-ايه يابني انت لسه نايم انت مروحتش النهارده ولا ايه

كريم بنوم:

-لا مقدرتش اروح نايم بليل ساعتين بس والله يابني

انت مروحتش ليه؟

مراد:

-لا عادي مليش نفس اروح

كريم بضحك:

-و هيا دي بالمزاج ياخويا ولا ايه

مراد بضحك:

-ايوا ياعم ماهو بمزاجي اروح ولا مروحش احضر ولا محضرش افهم ولا مفهم…..

قاطعه كريم بسخريه:

-لا دي مش بالمزاج انت كده كده مبتفهمش

مراد بغيظ:

-بس يا حيوان

كريم ضحك و فضلوا يضحكوا شويه مع بعض

بعد ما مريم خلصت محضراتها كلها مشيت 

وصلت البيت و دخلت علي اوضتها بصمت وهدوء تام

كل يوم علي نفس الحال ده لحد 3 سنين قدام

بعد 3 سنين 

في يوم  حفلة تخرج مريم

كان بالنسبلها كان اوحش يوم في حياتها علي عكس كل زمايلها

لانه كان منغير أهلها 

مع أن خالها و ولاد خالها و اخويا كان معاها بس كل ده ميسدش مكان امها و ابوها

الحفلة خلصت و كالعاده مكنش في أي لحظة فرحه أو ضحكه حقيقيه طلعت منها 

كل الابتسامات كانت مزيفه

حتى رفضت انها تتصور 

عدا اليوم و طبعا أهلها و خصوصا مراد كان زعلان عليها جدا و على حالتها دي

طول عمروا هوا و خالتهم كانوا بيحولوا يخرجواها عن الي هيا فيه بس كل حاجه مكنتش بتيجي ب فايده 

و في يوم

اتصل بيها عمها و قالها أنه عايزها ضروري هيا و اخويا في مكتبه

قفلت معاه مريم و هيا مستغربه و قلقانه في نفس الوقت 

ركبوا العربيه و راحوا علي شركة ابوهم والي عمهم مسكها من بعده

طلعوا علي مكتب عمهم و خبطت و دخلت……

يتبع

قولولي رايكم في القصه و اكمل ولا لا؟♥️

#حــب صــدفــة