اذا احجي قصتي لازم ابدي بقصة امي بلاول
ليش قصة امي …….لان بسبب قصة امي انولدت قصتي
سمره سمارها يخبل طويله طولها ١٧٢ عيونها ناعسات
شعرها اسود سرح
رشيقه فاتنه صوتها جميل ابتسامتها كلها بهجه
حضورها طاغي
صديقاتها كان يكولون انت جمالج جمال سومري
فاتنه وملامحج عبالك مرسومه رسم
من عائله متوسطه الدخل
ابوها متوفي وهي عمرها ٢٠ سنه وأركان كان عمره بوقتها ١٥ سنه
امي موضفه بأحد الدوائر الحكومبه
يمكن اغلبكم راح يسئل اذا حلوه ومثقفه ومرتبه
ليش وصلت الهذا العمر بدون زواج
راح اكللكم قسمه ونصيب
هواي ناس اتقدمولها بس ماكان يعجبها اي واحد بيهم
يعني من عمر ١٥ سنه وهي تجي ناس تطلبها للزواج
بلداية كانت ترفض لان تريد تكمل دراستها
وبعد ماكملت دراستها
الناس الي تجي تطلبها مابيهم المواصفات الي
تريدها بشريك العمر
او يمكن بعد قسمتها مااجت
