قالت: . انا مقتلتش ابويا اللي قتلته امينه وده مقدرتش اثبته خصوصا ان امينه اثبتت انها كانت مسافره وقتها … الشيخ محمد الوحيد اللي يعرف الحقيقه بس للاسف اختفي من وقتها ….
تيم: . الشيخ محمد مين ؟
غفران: . ده الراجل اللي وقف جنبي وساعدني ورجعني لاهلي تقريبا سافر بره لابوه خصوصا ان ابوه امير خليجي …
سرح تيم في الفراغ ثم قال : . لا احكيلي الحكايه من اولها وقف جنبك ازاي ويقربلك ايه؟
غفران: . بعد موت امي واخويا الحياه في بيت بابا بقت مستحيله كل يرم ضرب وشتيمه واهانه في يوم مرات ابويا صحيتني من النوم بالضرب واديتني فلوس عشان اشتري طلبات للبيت كان الوقت بدري جدا نزلت وانا بقول في عقل بالي. اني مش هرجع تاني وفضلت ماشيه في الشوارع .. لحد ما تعبت والوقت كان قرب المغربيه وكنت مشيت كتير لاني هربانه من الصبح بدري … قابلت راجل كنت فاكراه راجل طيب اخدني البيت عنده … بس اكتشفت انه مش كده … سمعته بيكلم مراته وبيقولها انه هيبيعني علي موقع اسمه ديب ويب وانهم هيموتوني وياخده من اعضاء جسمي …حاولت الاقي مهرب لحد ما لقيت شباك في الصاله وفعلا هربت ….وروحت لجامع. كان وقت صلاه العشا ومدريتش بنفسي غير وانا نايمه وحد بيصحيني.