رواية انتقام القدر الفصل الثاني عشر 12 بقلم ولاء حامد (الرواية كاملة)

رواية انتقام القدر الفصل الثاني عشر 12 بقلم ولاء حامد

رواية انتقام القدر الفصل الثاني عشر 12 

 البارت الثاني عشر

غزل بصت ليزن بعين بتقدح شرار بغيظ وتوعد وطلعت من المخزن وهي بتستحلفله

دخلت الحمام من الخلفي بهدلت وشها وهدومها ولبست جاكت وطلعت وقفت تاكسي وملته العنوان 

نزلت وهي منهاره وبتعيط وببتشحتف قدر الحقيني يا قدر

قدر وهي بتبص لاختها وهدومها المقطعه وهيئتها بصدمه صوتها طلع مقطع وهي مش قادره تجمع كلمه من نشفان ريقها ف في اااايه ااي ااييه اللي حصل

غزل بدموع تماسيح وتمثيل متقن كان فيه بضاعه ناقصه ولما جه قولت للأستاذ يزن قال في المخزن وطلعت معاه وانا مش مديه خوانه واول ما طلعنا قفل الباب واتجهم عليا وبهدلني وكمل بنحيب شوفي عمل فيا ايه انا عايزه حقي 

قدر عنيها مبرقه اترمت على الكنبه وهي مش مستوعبه اخلاق يزن لا غبار عليها وحاله غزل اللي مالهاش تفسير غير حاجه واحده خصوصا ان شعور وشهور عدت وغزل ملتزمه واثبتت للكل انها اتغيرت قلبا وقالبا كل الحوار كان بيدور جوه قدره وعنيها ثابتها على اختها 

غزل بصراخ انا عايزه حقي يا قدر بهدلني ودمرني يا قدر

قدر فاقت من شرودها طيب اهدي اهدي انا هاتصرف 

بعدت خطوات واتصلت بلينا

قدر وهي بتحاول تجمع أنفاسها لينا انتي فين الحقيني 

لينا في ايه يا قدر انا لسه خارجه من شويه حصل حاجه ولا ايه

قدر مصيبه مصيبه يا لينا وطبلت على نفوخي

لينا مصيبه ايه بعد الشر بصي اديني خمس دقايق وهتلاقيني عندك

قدر قفلت التليفون وفضلت واقفه متسمره مكانها مش قادره تاخد خطوه ولا عارفه تعمل ايه زي التايهه مفاقتش الا ايد بتتحط على كتفها

وصلت لينا ودخلت جري وشافت قدر واقفه حطت ايديها على كتفها في ايه وقفتي قلبي انا جايه سايقه وانا مقفله العداد 

قدر وعنيها على اختها ومبرقه

لينا بصت على اتجاه نظر قدر واتصدمت و قربت بحرص من غزل المنهاره وكأنها بتفحصها ووراها قدر خطوه بخطوه  

سحبت قدر وبعدت كام خطوه عن غزل في ايه اللي حصل وايه عمل في اختك كده

قدر ودموعها نازله وهي عنيها على اختها بتقول يزن 

لينا بعدم تصديق مستحيل 

قدر قصدك ايه

لينا مش قصدي حاجه قوليلي اللي حصل بالظبط علشان افهم 

قدر حكتلها كل اللي حصل واللي قالته غزل 

قوليلي بقى اعمل ايه في النصيبه دي احلها ازاي ومن غير ما الموضوع يوصل لبيجاد 

لينا بعظم اقتناع انتي شايفه كده

قدر انا مش شايفه حاجه ولا عارفه حاجه في حاجه خالص دماغي وقفت من نحيه غزل ماشيه على الصراط المستقيم من شهور وشهور ومن نحيه تانيه يزن انا معشراه بقالي زمن  مش عارفه مين صادق ومين كداب دليني ابوس ايدك

لينا بصراحه فعلا الموضوع مش سهل بالمره ومحير فعلا وبصت لغزل ولقدر بصي أنا هاقطع الشك باليقين  وهسال يزن بطريقه مباشره ملهاش حل تاني غير كده ومن رد فعله هاقدر احدد واكيد هيبان 

قدر لا لا مش هافضح اختي اكيد مش هايقول اه عملت

لينا قدر حبيبتي اهدي مينفعش نسكت الموضوع مبقاش يمسك لوحدك داه يمسنا كلنا 

غزل وهي بتسترق السمع عليهم صرخت بجنون هاتسبيه يا قدر هاتسيبيه بعد ما بهدلني  ودمرني حرام عليكم 

قدر حضنتها جامد ودموعها نازله هوووووش اهدي اهدي خالص واطمني حقك انا هاجيبهولك قدامك حتى لو على رقبتي 

غزل بإتقان للدور محدش هايقف معانا قدامهم كلهم هيحاموله كلهم هاييجوا علينا علشانه كلهم اغنيا زي بعض من وسط واحد احنا اللي غلابه وسطيهم لا لينا سعر ولا تمن ولا حتى ديه عندهم 

قدر بدموع وهي عنيها ثابته على لينا  اقسم بالله قسم يحاسبني عليه ربي يوم اللقا العظيم لو ليكي حق لاجيبه ولو كانت التمن عمري وحقك مش هاسيبه ولو على رقبتي حتى لو وصلت لطلاقي منا مش هاسمح لحد يدوس على شرفك وينفد بجلده اللي غلط يتحمل نتيجه غلطه 

ضمت غزل بإنهيار ودموع وسط ابتسامه  شمةته وتشفي شقت وش غزل غابت عن عيون قدر المنهاره من الحزن

لينا انسحبت واستغلت كلامهم مع بعض واتصلت بيزن وهي عنيها عليهم من بعيد لبعيد 

لينا ايوه يا يزن هو سؤال واحد عايزه اجابه عليه ايه اللي حصل بينك وبين غزل

يزن بعصبيه متفكرنيش دي بني ادمه حيوانه وزباله اقسم بالله يا لينا لولا اني عامل اعتبار وتقدير لقدر ومش عايز اعمل مشاكل بينها وبين يزن كن فضحتها وخليتها ما تعرف تمشي في شارع تاني الزباله الواطيه

لينا لا اهدا كده واحكيلي اللي حصل واحده واحده من فضلك لان اللي وصلني انا وقدر غير كده خالص والمنظر اللي فيه غزل خلاف كلامك تماما 

يزن كش حواجبه كلام ايه ومنظر ايه معلش انا مش فاهم حاجه

لينا غزل هنا في الفيلا وهدومها مقطعه ومضروبه ومنهاره وحالتها زي الزفت وبتقول ان انتا اتهجمت عليها في المخزن

يزن وهو بيخبط المكتب بعصبيه بنت ال صحيح مهي شمال هاستني منها ايه تبقى شيخه جامع

لينا بزعيق يزاااااان افتكر انها

يزن بمقطاعه بلا يزن بلا نيله بلا افتكر بلا انسي انتي سامعه انتي بتقولي ايه وبتتهميني بإيه 

لينا انا مش بتهمك يا غبي انا بقولك اللي حصل علشان افهم 

يزن اقفلي يا لينا وانا مسافه الطريق وهاكون عندكم ومعايا دليل برائتي واحمدي ربنا اني مش هاجيب سيره قدام بيجاد 

لينا دليل ايه 

يزن لما اجي كل حاجه هاتبقى على المكشوف 

قفلت معاه وهي حيرتها زادت 

قدر عملتي ايه يا لينا

لينا بغموض شويه وكل حاجه هاتتكشف لوحدها

قدر بعصبيه  مش فاهم عملتي ايه فهميني متسبنيش على عمايا عماله اضبش زي الاعمى في الضلمه  الموضوع مش هين ولا هوين علشان تقوليلي اصبري هنا مينفعش ابوب الصبر اتسكت ضبه ومفتاح

لينا بتهرب لحد ما يوصل يزن يعني متستعجليش الأمور يا قدر ومتكونيش متسرعه

قدر بحده يعني ايه ها هاتطبخوها علشان شريككم واللي هاتتاخد في الرجلين هي اختي تبقى غلطانه لاني مش هاسمح بكده ولو فاكره اني علشان ابقى مرات اخوكي وهو شريككم صاحب المال واني بقى البت الغبانه و هاطرمخ على الموضوع تبقى لسه متعرفنيش انا مش هاسمح لحد يدوس على اختى ما بالك بشرفها واللي حصل انا مش هاعديه مهما ان كان التمن 

لينا بتعقل انا مش هاخد على كلامك لاني مقدره اللي انتي فيه بس هسالك سؤال واحد من أمته وانتي تعرفي عني اني كده ها ثم انا سبق وقولتلك لما طلبتي شغل لاختك ان اكيد اختك في دماغها حاجه وانتي دخلتي من ودن وطلعتي من التانيه وبما ان الموضوع وصل لحد اتهامات فيا انا شخصيا هاجيبهالك دايركت انا اتصلت بيزن وهو قالي بالنص انا جاي وجايب الدليل على برائتي 

قدر بتوهان يعني ايه هاتكون بتتبل عليه مثلا

لينا انا مش هاسبق الأحداث لما ييجي ونشوف الدليل اللي معاه وقتها نتكلم نشوف اختك ظالمه ولا مظلومه ووقتها نتصرف مجابش الدليل زي ما بيقول يبقى ليكي حق تعملي ما بدالك وانا بنفسي اللي هاقول لبيجاد ونتصرف ونجيب حق اختك تالت ومتلت كمان 

قدر بصتلها بقلق من الثقه اللي بتتكلم بيها واصبحت حيرتها اكتر واكبر والخوف أصبح متملك منها 

فضلت واقفه وعنيها على الجنينه وفي اقل من ربع ساعه كان وصل يزن نزل من العربيه وسكع الباب بعنف وعلامات الشر والاجرام مرسومه على وشه وباينه زي عين الشمس 

يزن بعصبيه هي فين

لينا اهدا يا يزن خلينا نفهم احنا الموضوع بينا من فضلك متخليش اللي ميعرفش يعرف

قدر بصتله وتنفسها أصبح عالي من القلق

يزن بصلها اقسم بالله يا قدر اختي دي لولاكي لكنت طلعتها ملفوفه بملايه لان داه مقامها

قدر بشخطه احترم نفسك وافتكر ان اللي بتتكلم عليها دي تبقى اختي وانك لحد دلوقتي موضع شك 

يزن اقسم بالله انا لولا محترم نفسي ومحترمك كنت قولت وسمعتها ابشع من كده لأنها فلتانه وانا معملتش حاجه بس لو كان حصل ابقى دوري بره وشوفي هي عملت ايه ومع مين لاني انا بريئ وسحب التابلت من الشنطه وفتحه اتفرجي على اختك المحترمه بتعمل ايه بس للاسف غبائها ساقها لأنها كانت فاكره ان الكاميرات في المحل من تحت وبس متعرفش ان المخازن فيها كاميرات احدث من اللي في المحل نفسه لان البضاعه امتر من المحل بأضعاف مضاعفه 

قدر مسكت التابلت بإيدين بترتعش وشافت الموقف كله من اول ما غزل  قفلت الباب لحد ما يزن طردها وبداء فيديو تاني لغزل وهي داخله الحمام بهدومها سليمه ة طالعه من الحمام بتتلفت حواليها ولبست الجاكت وطلعت من الباب الخلفي 

قدر حست ان رجليها مش قادره تتحملها وقعت على الارض والتابلت لسه في ايديها وبتشوف حقاره ووساخه اختها اللي عدت كل الحدود 

لينا جريت وميلت على الارض يا قدر يا قدر ردي عليا اهدي بالله عليكي متعمليش في نفسك كده مش عايزه اشوفك بالشكل داه

قدر رفعت عنيها بصعوبه وكسره ليه  قوليلي ليه 

لينا اهدي انتي في حاله غير متزنه دلوقتي ارجوكي اهدي 

قدر بهزيان اهدا كلمه سهله اوووي بس تفتكري هاعرف واقدر انفذها 

زقت لينا وقامت منطوره  على جوه ويزن واقف عاجز مش قادر يتدخل 

لينا جريت وراها قبل ما تدخل اقسم بالله ماهسيبك ومش هاسمحلك انك تقربي منها وانتي في الحاله دي ولا هاسيبك تضيعي نفسك علشانها انا من البدايه مكنتش مصدقه وقولتلك ان يزن عشره عمر وسنين وهو معانا يعني انا حكمي عليه مش وليد موقف ولا لحظه داه متربي معانا

قدر بعدم استيعاب انتي واثقه في الغريب وانا اختي اللي متربيه معايا في بيت واحد معرفهاش بقالي سنين وسنين بحاول اني أقرب منها واعرفها وفشلت فشلت اني اعرف اختي يا لينا 

لينا برفض انتي مفشلتيش امتي عملتي اللي عليكي وزياده بس هي اللي بني ادمه غير سويه  طماعها عايزه كل حاجه في الدنيا ليها ومش مهم الطريقه ولا الوسيله 

قدر بإنهيار ودموعها نازله زي الشلال ليه عايزه اعرف ليه انا مقصرتش اقسم بالله ماقصرت كنت ببديهم على روحي كنت بنزل من صباحيه ربنا اللف في الشوارع علشانهم كنت بتبهدل علشان هما يرتاحوا كنت بستخسر في نفسي اللقمه وأفضل طول النهار على لحم بطني علشان اقدر اللبي طلباتهم

لينا ضمتها لحضنها بااااس اهدي بالله عليكي اهدي 

قدر ولما اهدا اعمل ايه اتصرف ازاي اعظي واقول زي اللي عدا للأسف مبقاش ينفع الموضوع بقى أكبر من انه يستخبي داه وصل للعرض والشرف

لينا للأسف والدتك لازم تعرف

قدر سحبت التليفون من ايد لينا وطلبت رقم امها بسرعه وهي منهاره

مريم الو 

قدر بإنهيار ماما تعالي حالا ابوس ايدك تعالي 

مريم في ايه مالك يا ضنايا حصلك ايه بيكي ايه يابت طمنيني

قدر بصراخ ياريت اقدر اطمنك انا بمووووت ومحدش حاسس

مريم الشر بره وبعيد مالك يابت طمني قلبي يا ضنايا

لينا خدت الفون بسرعه معلش يا طنط ممكن حضرتك تيجي الفيلا بسرعه ارجوكي

مريم حاضر حاضر بس سوقت عليكي حبيبك النبي طمنيني قدر مالها

لينا والله يا طنط ما عارفه اقولك ايه 

مريم قولي اللي حصل ايه اللي وصل قدر انها تصرخ كده طمني قلبي يا بنتي الله يطمن قلبك

لينا غزل جات وقالت ان يزن اعتدى عليها 

مريم بشهقه وخوف يالهوووي البت ضاعت

لينا بسرعه لا يا طنط يزن معلمش كده احنا جيبنا يزن وجيبنا تسجيل كاميرات المراقبة وطلعت انها بتتبلا عليه وقدر من ساعتها وهي منهاره 

مريم بصدمه يا مصيبتي يا مصيبتي السوده 

لينا يا طنط ارجوكي اهدي انا مش عارفه اهدي قدر ولا اهدي حضرتك انا ماسكه قدر علشان متدخلش لغزل وتعمل مصيبه ارجوكي تعالي بسرعه

مريم قفلت ولبست عبايه سوده وطرحه ونزلت خدت تاكسي وملته العنوان 

لينا فضلت ماسكه قدر في الجنيه بره وسايبين غزل جوه 

يزن اتنحن لما حس ان الموقف مش تمام  وفضل الانسحاب قبل وصول امها وتجنب للي نايحصل ويبعد تماما عن المواجهه طيب يا جماعه انا هامشي وشوفو انتوا عايزين تعملو ايه وانا معاكم

لينا هزت رأسها ماشي روح انتا دلوقتي وانا هاشوف الموضوع هايرسى على ايه مشي يزن و أقل من تلت ساعه كانت مريم نزلت ودخلت الفيلا كري وهي بتنهج 

مريم بصت لقدر وني في حضن لينا وبصت على لينا بكسره ودموع معلش يا بنتي حقك عليا 

لينا ولا يهمك يا طنط كويس اننا عرفنا نلم الموضوع بينا ويزن مقدور عليه مننا وعلينا متقلقيش منه

مريم بوجع ربنا يكرمه ويسترها معاه وملامحها احتدت بشر هي فين

لينا بخوف ممكن تهدي 

مريم بزعيق هي فين

قدر جوه بنتك جوه ادخلي اتفرجي على منظرها وشوفي وساختها وصلت لايه ومدت ايديها بالتابلت لامها 

مريم خدته منها ومع كل ثانيه صدمتها بتزيد ودموعها مبتوقفش رمته ودخلت جري سحبت غزل من شعرها من غير ولا كلمه وطلعت

لينا يا طنط ارجوكي اهدي

مريم  بزعيق وانهيار محدش ليه دعوه سامعين 

غزل. هي مش فاهمه في ايه ولا تعرف حاجه عن كل اللي حصل ايه طرمختوا الموضوع علشان بنتك وجوز بنتك وشريكه

مريم اكتمي اكتمي يا عادمه الكاسر اسكتي يا فاجره اكتمي ومسمعش حسك 

لينا طيب اصبري هاخلي حد من السواقين يوصلكم مينفعش تطلعي بيها كده ومش هتلاقي مواصلات هنا

ثواني وكانت جات عربيه ولينا ناولت غزل جاكت علشان محدش يشوف منظرها وركبوا ومشيو 

وصول وطول الطريق مريم بتعيط من غير ولا كلمه وغزل مش فاهمه حاجه 

طلعوا الشقه واول ما قفلت الباب مسكت غزل من شعرها وبركتها على الارض ونزلت بالاقلام على وشها 

مريم بجنون وهي مستمره في ضربها انا قولتها من زمان ان انتي زرعه عوجه ومشيك بطال وان انتي  هاتكوني السبب في فضيحتي وتوطيت راسي يا فاجره يا سايبه يا هامله

غزل عملت ايه جايين عليا عشان ابن الاكابر اكمنا غلابه خلاص لقيتو الموضوع عشان بنتك وجوزها 

مريم بس يا هامله رايحه تعرضي روحك على راجل ولما عرفك مقامك يا وسخه جايه تتبلي عليه

غزل بكدب محصلش هو اللي اتهجم عليا

مريم تفت عليها اتفوووو عليكي وسخه وعادمه الربايه كل اللي حصل متسجل يا وسخه والجدع الله يستره جه وفرجنا على وساختك 

غزل بصتلها وبلعت ريقها بصعوبه

وهي مش قادره تنطق

وفي عز ضرب غزل الباب خبط 

مريم وهي باصه على الباب بخوف تلاقيه بلغ يلا خليهم ياخدوكي مع اللي شبهك

وقامت منطوره تفتح الباب

مريم بصدمه وهي بتبص على اخر شخص كانت تتمنى تشوفه تلني في حياتها وتحديدا في الوقت داه 

مريم بصدمه منعم

منعم باسلوب ملاوع ازيك يا مريم وحشتيني

مريم بعصبيه الهي تشوف الوحش كله اللي انا شوفته من يوم ما شوفتك وابتليت بيك روح يا شيخ منك لله العي ينتقم منك ربنا بعدله دانا معملتش حاجه في حياتي ولا اذيت حد وربنا ابتلاني بيك وببنتك من بعدك 

منعم بملاوعه الله الله ولزمته ايه الكلام داه يا مريومه دانا جاي وعايز نلم الشمل

مريم الهي يلموك بمعلقه من على الاسفلت يا بعيد جاي تلم الشمل يا راجل يا نطع ولا جاي تقلبنا من تاني اوعي تكون فاكر يا راجل يا عره اني مريم الغلبانه بتاع زمان تبقى غلطان وهبل داه كان زمان كان فيه منه وخلص

غزل اول ما سمعت صوت ابوها اتحاملت على وجعها وطلعت بابا الحقني شوف عملو فيا ايه

منعم بزعيق مين اداكي الحق تمدي ايدك على بنتي

مريم بشرشحه اللي اداني الحق اللي رماهم زمان لحمه حمرا ومسالش فينا بصت لغزل بإستحقار بقى بتتحامي فيه صحيح منتي شبهه اللي خلف مماتش وانتي زرعه وسخه طلعاله غوري بيه بليه واشربيه واطفحيه زقتها عليه بغل خدها مهي عينتك 

منعم فتح درعاته وحضنها وهو بيطبط عليها تعالي تعالي يا حبيبه بابا تعالي يا قلب بابا مهما بيكرهوكي زي ما كانوا بيكرهوني 

مريم بحرقه انتا كدبت الكدبه وصدقتها دانتا طوب الارض بيكرهك مش انا بس داه حتى اهلك اتبرو منك من وساختك وعمايلك اللي سودت وشهم 

منعم سيلك منهم تعالي تعالي

مريم زقتهم وسكعت الباب وقعدت على الأرض بإنهيار

منعم وهو نازل مع غزل في الاسانسير في ايه يا بت عملتي ايه عشان امك تعجن لحمك في عضمك كده

غزل معملتش يا بابا بيكرهوني زي ما كانو بيكرهوك

منعم بتريقه بت الشويتين دول متعملهوش عليا اصلي عاملهم قبل منك رسيني على الفوله عشان افطمك على الدنيا ومتخافيش يابت ابوكي في ضهرك وانا معاكي مش ضدك

غزل ظهرت وشها الحقيقي مفيش كنت عايزه اوقع واحد متريش زي بنتك بس وقعت على جدور رقبتي

منعم بفخر براو عليكي يابت بنت ابوكي بصحيح بس مصابتش ليه يا خايبه

غزل اتفقست وخدت على دماغي

منعم ولا يهمك خليكي معايا وانا واحده واحده وانا هاوقعك على جوازه سقع تجيبهم كلهم تحت رجليكي وتشفي غليلك منهم براحتك 

غزل طيب احنا هانروح فين دلوقتي

منعم هاتيجي معايا شقتي

ركبت عربيه ابوها ووصلت منطقه الي حد ما كويسه ولكن مش زي منطقتهم وطلعت الشقه اتلفتت حواليها الشقه مش كبيره زي شقه الزمالك بس تقضي الغرض الفرش متوسط لفت نظرها ركن فيه ازايز كتير وحاجات معرفتهاش غزل 

منعم وهو بيقعدها قوليلي بقى يابت اختك مين فيهم اللي اتجوزت

غزل الست قدر بس ايه وقعت واقفه 

منعم بطمع متريش يابت

غزل الا متريش داه ساكن في فيلا وشركات ايه وفلوس ايه 

منعم داه كده احلوت اوووي 

غزل قصدك ايه فهمني ما احنا في مركب واحده

منعم هشوف اختك وجوزها ميتهم ايه وبعدين اقولك

مرت الايام وغزل عايشه مع ابوها اللي عملها البحر طحينه وبدئت ترسم احلام ورديه لحياه فخمه وبتخطط تنتقم من قدر ومريم ويزن ولينا ازاي  

مر اليوم وسط أجواء مختلفه ما بين حزن مريم اللي قدرة تتغلب عليه وتخطيط غزل ووجع قدر تاني يوم قدر فاقت وجهزت نفسها ونزلت من غير ما تقول لحد واتحركت وهي مقرره تغير مودها بأي شكل خدت قرار انها تعيش لنفيها وبس محستش بالوقتو كانت وصلت الشركه عند بيجاد 

دخلت بهدوء وهي عارفه طريقها كويس وابتسمت بإستغراب ياااه يا قدر كل اللي يشوفك يبتسم ويشرف الله يرحم ايام ما كنتي بتيجي تتلفتي زي الحرميه من الخوف 

وصلت المكتب عند بيجاد 

بيجاد وهو مركز مع يزن احنا كده لازم نظبط بضاعه جديده  لان كده مش ملاحقين ع الشغل والطلبيات كتير غير المطلوب للمحلات بتاعتنا كمان

يزن فعلا معاك حق البضاعه اللهم بارك مش بتلحق تقعد وعلي فكرة فرع دبي كمان محتاج شغل جديد  وبالاخص المكرميات والشنط القش اه وكمان السجاد اليدوي مطلوب منه كميات كبيره اوووي المهم انت كده هتقول لقدر  ولا هتجيب من الموجود في المخازن ولا هاتعمل ايه بالظبط رسيني 

بيجاد طبيعي طبعا لازم اقول لقدر مش هي مسؤله التوريد ولا ايه

يزن بهزار ايوا بقا ياعم ما هي بقت المدام ضمنتها في ايدك ولو طلبت اي كميه في اي وقت عارف انها هتقدر تجمعها في اقل وقت مين قدك يا عم 

بيجاد بفخر ممزوج بالغرور طبعا ضمنتها اماال انا كنت بخطط وبرسم كل ده عشان اي معلش ها  مش علشان لما اكون محتاجها في اي وقت اضمن وجودها معايا واضمن ان شغلي ميقعش ولا حد يوصلها

 يزن باستغراب يعني انت عايز تقنعني ان  برغم حياتكم مع بعض انت ما حبيتهاش ولا مشاعرك اتحركت لسه

بيجاد الحب مش كل حاجه  يعني مش من اولوياتي ولا في قاموس حياتي 

يزن يعني ولا حتي حب عشرة يا اخي اي مشاعر حتى بينكم

بيجاد انا راجل عملي بحت جوازي منها مصلحه يعني من الاخر زي ما قولتلك عشان اضمنها في ايدي واضمن انها متخونش واضمن ان محدش غيري يوصلها ولا شغلي اللي بنيته في سنين يقع ويتهد تاني  وانا وصلت وبقيت مالك السوق وماسكه بإيد من حديد 

طيب وبالنسبه لمراتك مش متأثره ولا انتا حاسس بالتقصير 

بيجاد مقصر في ايه عايشه احسن عيشه فيلا وخدم فلوس ومركز اجتماعي مرموق عايشه وسط الطبقه المخملية مظنش ناقصها حاجه 

 قدر  كانت واقفه عند الباب وسمعت كل كلام بيجاد عنها 

وفهمت في اللحظه دي ايه سبب اصراره واستعجاله في الجواز منها همست لنفسها بوجع يااااه كل داه علشان مصلحته يا شيخ ملعون ابو الشغل على الفلوس اللي تخلي الناس تتسعر على بعض

 في اللحظه دي حست ان قلبها اتقسم نصين من كميه الالم والخذلان اللي صدموها في كل اللي حوليها  من كتر الالم حست ان روحها بتتسحب منها بالبطيئ ونفسها مش قادره تاخده سندت  على الحيطه وهي بتمشي علشان متقعش من كتر الوجع حست ان رجليها مش شيلاها مشيت من غير ما تتكلم مع حد او تواجه حد

 الشك اصبح مسطير عليها في كل اللي حوليها 

قدر بينها وبين نفسها انا كان عندي حق من الاول اني ما اثقش في حد ولا في جنس راجل كلهم خاينين كلهم بتاع مصلحتهم مبقاش فيه حد ليه امان  وكملت بتهكم يا ترى لينا كانت متفقه معاهم ولا لا بس اكيد طبعا كانت عارفه ومش بعيد تكون مخططه كمان نعاهم ما هو في الاول وفي الاخر اخوها وزي ما بيقولو انا واخويا على ابن عمي وانا وابن عمي على الغريب وانا الغريب وسطيهم مهو في وسطهم وطبقتهم كله بيقول ياا نفسي مش مهم يدوس على اي حد ولا مهم الناس المهم هما وبس والباقي يولع بجاز

دموعها نزلت بحرقه علي وجع قلبها وكسرته وحست في اللحظه دي ان الناس دي ميفرقش معها مشاعر حد ولا كسرت قلبه ميعرفوش غير لغه الفلوس وبس 

غمضت عنيها ودموعها راسمه خطوط على وشها انتي ايش تكوني جنب ولاد الاكابر انت صفر بالنسبالهم على الشمال كنت فاكره ان الدنيا ضحكتلك بس أهي ضحكت عليكي وسففتك ترابها بعد ما ذوقتك عسلها شكلك كده مش هينوبك من اسمك غير القدر الاسود انا مش عارفه هم دخلوا حياتي ليه انا كنت كافيه خيري شري وعايشه بعيد عنهم 

كنت بشتغل معاهم بما يرضي الله عمري لا طمعت ولا فكرت اغدر واخون عشان دي تبقى اخرتي واخد ضربه في مقتل زي دي طب ليه معقول جشع البني ادم يوصل لكده معقول طمعهم يوصلهم ان هما يلعبوا بمشاعر الناس وبحياتهم هي شكلها الطيبه بقت في الزمن المهبب ده عيبه فتحت عنيها بشر وهي بتمسح دموعها بحده لا بس وحياه امي لاوريهم القسوه وزي ما هم كانوا اوساخ انا هبقى اوسخ منهم هم كده كده  اللي بدائو والجدع اللي يستحمل في الاخر وانا الغلط عندي بغلطين ويبقوا ويوروني بقى هيعرفوا يصدوا عليا ازاي يلا قابل واقعد واتفرج على اللي جاي انتا ضربت وانا ضربتي في مقتل 

مسحت دموعها بقوه ورجعت الفيلا تاني  قابلتها لينا اللي بصتلها بإستغراب ايه ده قدر انتي كنتي فين يا بنتي من الصبح مختفيه

قدر بجمود كنت بتفسح وبشم هوا وبشوف الدنيا في حاجه يعني ولا ايه

لينا ايه ده يا بنتي مالك في ايه انتي كويسه حصل معاكي حاجه ليه حاسه ان انت متغيره كده وشكلك عايط 

قدر لا ما فيش حاجه سلامتك انا كويسه وزي الفل اهو ما تقلقيش انا تمام ومش عايطه ولا حاجه شكل عنيا ملتهبه تقريبا

في حاجه ولا ايه 

 لينا لا يا بنتي ما فيش حاجه الموضوع كله بس ان انا قلقت عليكي مش اكتر

 قدر تمام ماشي انا لازم اطلع دلوقتي لاني تعبانه وحابه ان انا ارتاح شويه 

وما استنتش رد لينا عليها بسرعه لينا متابعاها باستغراب وحست ان في حاجه حصلت معاها وهي بتحاول انها تخبي

دخلت قدر اوضتها وكانت بتبص على الجناح بوجع وملامح السخريه مرسومه على وشها اتلفتت في كل حته فيه يةاااه قد ايه انا  كنت مغفله مفيش ولا حاجه عشتها معاه كانت حقيقيه كله كان كدب في كذب وخداع وغش مبني على كدب عشان الغدر

قدر بتعب يا رب انا هفضل لحد امتى عايشه في مؤامرات وكذب ايام الفقر كانت الخبطات بتيجي بسيطه من غزل بس مع الاسف دلوقتي الضربه جت في مقتل الضربه قسمت قلبي نصين طب ليه كل ده من الاول ايه اللي خلاك كدبت عليا ما انا كنت من الاول راضيه وكنت حامده ربنا استكترت عليا حتى اني اعيش بني ادمه سويه بس والله يا بيجاد ما بقاش اسمي قدر لما عرفتك ان الله حق وخليتك تبكي بدل الدموع دم وتجيلي راكع بس عشان اسامحك ولو انت اديتني الضربه قسمت روحي بس انا هديك الضربه اللي تخليك رماد قابل واقعد بقى واستلم اللي جاي والايام حكم بينا يا ابن الكيلاني

وصل بيجاد وكانت قدر قاعده بهدوء شديد 

بيجاد بقولك ايه يا قدر انا كنت محتاج طلبيه جديده عشان الشغل لان اللي في المخازن خلاص بيفنش والمحلات والفروع كمان بخلاف المحلات اللي بنتعامل معاها كمان

قدر ببرود ايوه وبعدين برده مش فاهمه عايز مني ايه

بيجاد برفعت حاجب هو ايه اللي انت مش فاهمه بالظبط المطلوب منك ان انت تبدئي تجهزي للطلبيه الجديده وشوفي محتاجه سيوله قد ايه

قدر اه  اوكي تمام ماشي لما هاشوف المطلوب واقولك

بيجاد باستغراب هو انت بتتكلمي كده ليه هو في حاجه حصلت

قدر لا ابدا ما فيش حاجه يمكن ارهاق او يمكن دور برد مش عارفه شكلي مش متظبطه شوف محتاج قد إيه واعملي كشف بيه علشان اقدر احدد الأماكن وكمان الفلوس معلش اصل الشغل شغل ملهوش دعوه بالجواز ولا انتا رائيك ايه

بيجاد اه طبعا عندك حق شوفي يا ستي عايزه قد إيه ومعاكي كارت بلانش 

وبدات الايام تعدي وبيجاد كل يوم بيكرر طلبه وبيلح على  قدر علشان الطلبيه وهتسافر امتى 

وهي رد فعلها متغيرش   ان شاء الله هسافر قريب

بيجاد اخر ما زهق اتكلم معاها بحده وعصبيه

بيجاد بعصبيه هو ايه بالظبط  في موضوعك يا قدر كل ما اجي اكلمك على الشغل تقولي تمام تمام وما بتعمليش حاجه انتي عماله تاجلي كل يوم والتاني 

قدر هو انت بتزعقلي ليه 

بيجاد هو ايه اللي بزعقلك ليه انا بقالي طويل وقت طويل عمال بقولك ان انا عندي شغل ومحتاج الطلبيه وانتي مكبره دماغك وكل اللي عندي في المخازن خلاص بيفنش

قدر بتنهيده خلاص يا بيجاد حاضر هسافر بكره باذن الله

بيجاد تمام تحبي ابعت معاكي عربيه

قدر لا مش محتاجه انا معايا عربيتي وبعدين مش معنى ان احنا اتجوزنا يعني اسلمك شغلي مش قولنا الشغل حاجه وحياتنا حاجه تانيه

بيجاد هز راسه وسكت المهم عنده شغله يمشي

تاني يوم قدر جهزت نفسها وسافرت وبدئت تجمع الطلبيه  زي كل مره 

بيجاد وهو بيراجع الحسابات اتصدم اتصل بيزن وجاله 

يزن في ايه يا بيجاد 

بيجاد عايز اعرف المبيعات الكام يوم اللي فاتو في تراجع مستمر كده ليه

يزن بصراحه في شركه ظهرت من العدم في السوق وان كل المعلومات اللي الناس تعرفها عن الشركه دي ان صاحبها عايش بره وبيجيب نفس البضاعه اللي عندنا ويمكن تصميمات أحدث كمان من اللي بتجيبها قدر كمان وانتا عارف ان السوق بيحب التجديد 

بيجاد في الشركه كان متعصب ومش طايق نفسه وكان معاه يزن بيحاول يهديه 

بيجاد يعني ايه انتوا مش عارفين توصلوا لصاحب الشركه دي انا عايز اعرف ازاي تكون البضاعه  بتاعته احسن من البضاعه بتاعتنا هو ازاي اصلا عرف يوصل للبضاعه بتاعتنا عشان يجيب زيها مش يجيب احسن منها كمان

يزن اهدى يا بجاد عشان نعرف نفكر بس صدقني ما فيش حد عارف يوصل لاي معلومه عنه لانه عايش بره مصر لا والاغرب كمان الكواليتي بتاعته اعلى من بتاعتنا  وبيعمل تخفيضات رهيبه بتوصل للنص واكتر من النص كمان يعني احنا مش عارفين نحلها من انهي نحيه من نحيه التصميمات ولا الموالي ولا الأسعار كل حاجه تفوق اللي بنعرضها يا بيجاد

بيجاد بجنون بس انا لازم اوصل لصاحبها باي طريقه انت فاهم يا يزن مش هاسيب تعب الشهور اللي فاتت دي يروح هدر ولا الشركه ترجع تقع تاني

يزن يا ابني ما انا قلتلك ان ما فيش حد عارف يوصله اصلا

مر شهر كامل وبيجاد كل يوم خسايره بتزيد عن اليوم اللي قبله  بيجاد أصبح على شفا الجنون وحالته العصبيه بقت بتكول الكل 

قدر ببرود ايه يا بيجاد انت مش محتاج بضاعه جديده ولا ايه بقالك شهر مطلبتش 

بيجاد بعصبيه مش لما ابقى اصرف اللي عندي الاول ابقى اطلب بضاعه جديده

قدر هو انت مالك بالظبط بتزعق لي كده ليه انا بسألك مش اكتر

بيجاد عشان انتي شكلك بقيتي مهمله في شغلك ده في بضاعه احسن واجدد من اللي انت بتجيبيها ظهرت في السوق ومكتسحه كمان 

قدر هو حد قالك ان انا مغسل وضامن جنه وبعدين البضاعه اللي انا بجيبهالك احسن بضاعه في السوق هو انت كنت بتجوزني عشان خاطر الشغل ولا ايه يا بيجاد

بيجاد لا طبعا انت بتقولي ايه قدر اكيد مش عشان كده طبعا

بس انا مشغول بسبب وضع الشركه مش اكتر

قدر تمام ماشي فين بقى المشكله انا مش فاهمه بالظبط انت رايح جاي عمال تزعق فيا وانا مش فاهمه انا قصرت في ايه بصراحه انا بجيبلك شغل بيرفكت

بيجاد المشكله ان الشركه الثانيه عماله تخفض في الاسعار بشكل رهيب وانا مش عارف اعمل ايه لو فضلنا على كده الخساره كل يوم بتزيد عن اللي قبله

قدر ايه المشكله خفض انت كمان وهي خساره قريبه احسن من المكسب بعيد وكده او كده بردوا انتا هاتبقى كسبان

بيجاد تفتكري

قدر اللا افتكر السوق بيحب من وقت للتاني يتنعنش بشوفه تخفيضات وخصومات

بيجاد تصدقي فعلا فكره 

وبداء بيجاد حملت خصومات كبيره 

في الوقت نفسه نزل تخفيضات أعلى 

بيجاد بزعيق لاء اكيد في حد خاين ممكن يكون الورش اللي بتتعاملي معاها

قدر مهو اكيد المصانع والورش اللي انا بتعامل معاها مش حكر عليا 

بيجاد بصلها وسكت

طلع من الفيلا وهو مخنوق

طلع تليفونه ايوه يا يزن بص شوفلي اي حك بأي تمن المهم اعرف مين صاحب الشركه دي بأي طريقه يا يزن فاهمني

يزن ماشي هاشوف مع اني والله ما قصرت 

قدر سابت بيجاد في تخبيطه وخسايره واهتمت اكتر بالمحل بتاعها