رواية الهجرس الفصل السادس 6 بقلم رواء هادي
صرت أتنفس قوي جسمي كام يصب عرك هي كامت وتقدمت علية وجهها بي نفس البشاعة والقباحة عبالك مو وجه بني آدم عبالك وجه
جن وأعوذ بالله ‘
رفعت أيدي أمنع تقدمها ناحيتي “
اوكفي مكانج
_فرقد شبيك
خليت كف أيدي على اعيوني التعب لصار بي مو طبيعي حسيت شخص يخنك بي رديت
بصوت ناصي تعبان.
_لتتقدمين الخاطر الله
_فرقد احجي شبيك؟… فرقد مو احجي وياك شبيك تعبان وتلهث ؟ فرقد
كمت الهث بقوى عبالك شخص جان يركض ورأي واحس ايد بيها أظافر تخنك بي نزلت للكاع كعدت على اركبي لازم اركبتي بأثنين أيديه
واصيح ”
عوفيني ااااخ اعوفينيييييي جدددي الحكليييييي جددددي عوفيني ولج عوفيني
جددددييي
أسمع صوت بجيها وفتحت الباب بسرعة وصارت تصيح “لحكولي فرقد مدري شبي ؟
سمعت صوت جديتي جوري”
عززة العزاني شبي ؟
حنين _ماعرف لازم اركبته ويصيح تعالوا
شوفوا شبي ؟!
الكل انخبصت بي حسيت دوخة قوية صارت برأسي آخر شي سمعته منهم صوت أبوي ” يابة فرقد شبيك “وراها فقدت وعيي ماحسيت على شي .
رجعلي وعيي من حسيت ايدين تضرب على وجي وقطرات ماي تنزل على وجهي وأصوات بجي وأصوات صياح وعياط مافهمت شي
فتحت اعيوني بثكل …..كلشي ماشوف غير الضباب والتعب لبي مو طبيعي عبالك جنت اشتغل اليل والنهار وشخص نايم على صدري
ثكله بثكل الجبل ”
رجعت فتحت اعيوني وسديتهم اسمع شخص صلى على محمد وآل محمد “اللهم صل على محمد وآل محمد رجعله وعيييه حجي رجع والله
فتحت اعيوني كدرت أشوف أهلي كلها بالغرفة بصفي أبوي لازم أيدي أبتسمت بوجهها بتعب باوعت من الجهة الثانية جدي مخطوف لونه وخايف
بقيت مبتسم نطقت كلمة وحدة من شفت حنين بعدها لابسة البدلةو تبجي بصف جديتي
حلوة “ماريدها
جدي_جدي شبيك تخربطت
أبوي _ولك شجاك وكعت بطولك؟
فرقد_طلعوها بره ماريدها
جديتي حلوة _ولك مني ماتريدها
فرقد_حنين وجهها قبيح ماريدها طلعوووها برررره طلعووووها جدي طلعهااا عليك الله طلعها راح تخبلني طلعها جني هاي مو بشر طلعها جدي
صارت تبجي رفعت جسمي من الفراش بسرعة حيلي كله يرجف رجعوني أبوي وجدي للفراش ولزموا أيديه نهاريت تمامآ بقيت أصيح ودموعي
تصب من اعيوني طلعوا حنين طلعوها ….طلعوا حنين والكل طلع بس جدي وأبوي وجديتي حلوة بقيت جدي صار يقرأ على رأسي أبوي كال
ابوي_راح أتصل بالشيخ هاني خل يكشف له
جديتي حلوة _ماكو غير قسمة سوتله عمل حسبي الله ونعم الوكيل بيها راح تخبل الولد
صارت تبجي جديتي كام أبوي وكال”
هي ماكو غيرها والله إذا صدك طلعت هي محد راح يخلصها من بين أيديه
كمل اقراية جدي وكال “
مايله تتصل
أبوي _جاي يرن …. الوو هلأ شيخنا شلونك.. على الله بخير .. اي والله اليوم جان عرسه … لتريد حالته زفوا على العروس وتخربط بالغرفة وهسه
كعد يصيح ويبجي ماريد العروس طلعوها … فجأة شيخ هيج صار اي والله ياريت تكشفله
كام جدي سحب التلفون من ايد أبوي وكال “
تعال للبيت هسه … اكشفله وتعال للبيت فوراً متأكد ساحراته ماريد يبقى السحر بي للفجر
تعال وطلعه بسرعة … أنتظرك في أمان الله
سد الخط كعدت بالفراش ميت من التعب والعرك يخر من جسمي اجت بصفي جديتي حلوة تبجي كتلها
“كوم غسل وجهك
فرقد _أريد أسبح
جدي _ كوم أسبح وبدل راح يجي الشيخ
كمت شوي ارتاحيت من قرأ علية جدي طلعتلي جديتي دشداشة بيضة دخلت للحمام سبحت وطلعت بدلت وكعدت فوك الجرباية طلع جدي وأبوي
دخلت جديتي خديجة “
من سودة بكصصهن خبلن الولد وخطية حنونه جاي تبجي ملخت روحها
كلمة وحدة ماطلعت تمددت على ظهري وسلسبيل صارت بين اعيوني أريدها أريد أشوفها ردت أسأل عنها بس وكفت من اندك الباب ودخلت
عمتي سراب ”
حسبي الله ونعم الوكيل بيها قسيمة ماكو غيرها سوت السحر علمود فرقد يرجع بتها…ولكم هاي
ساقطة مو شريفة أبد
فرقد_رجعولها بتها ماريدها
سراب _ياا شترجع فرقد اليوم عرسك شيكولون العالم البنية بيها شي ورجعوها لأهلها
جديتي حلوة _تخبلت جدة
جديتي خديجة _ مو بوعيه يحجي كله تأثير سحورة حسبي الله ونعم الوكيل بيجن
أمهات السحورة
ساعة زمان هن يمي كاعدات ويحجن قربت رأسي لجديتي حلوة وشاورتها ” جيبيلي سلسبيل
فكت اعيونها بصدمة وحجت من بين اسنونها بصوت ناصي ” صخام بوجهك شلك بيها !؟
رجعت شاورتها “
أريدها جدة
_أرجع بمكانك واكعد راحة لتجيب طاري لأحد ولك
راح تفضحنا مناك الوادم
رجعت رأسي للمخدة اباوعلها وأضحك سراب خافت مني وكال ” اشك رجعله هجرس ؟
جديتي خديجة _ولك الحجاب بركبتك
تلمست اركبتي تأكدت موجود “
اي موجود
أندك الباب وراها انفتح طلع بارق كال “
يله اطلعوا جاء الشيخ
طلعوا دخل بارق ماحجه ولاكلمة دخل الشيخ وجدي وابوي وعمي فواز سلمت وكعدت بالكاع كدامه كدامي الساعة جانت رفعت راسي باوعتلها
جانت بال١٠ونص بالليل وانا مادري ”
قتربت منه وشاورته كدام الكل “
لتجيب طاري ام مرتي هي سوت
السحر ماريد مشاكل
رجعت كعدت يباوعلي مستغربت اشرتله بعيوني لتكول ماريد مشاكل وخطية حنونه ينكسر قلبها لو درت
امها لسوت السحر .
المهم أخذ استخارة وكال “
مسويله عملين واحد راشينه بالغرفة والثاني
ماسحي بملابسه
جدي موسى _عملين ؟
فواز _هاي شلون ماسحي بملابسه
الشيخ _ ولد راش السحر بالغرفة والثاني ابنية مامزوجه ماسحته بظهره
فوك الملابس
أبوي _أعوذ بالله
جدي موسى _يعني مامزوجه ؟
الشيخ _اي الولد أعزب والبنية كذالك عزباء
أبوي _تعرف منو ؟
الشيخ _للأسف صعب أتعرف عليهم
جدي موسى _تعرف بس ماتريد تكول وأصلا لتكول اقرأ على الولد وطلع السحر لبي
الشيخ _ان شاءالله.. تقدم لعندي
تقدمت لعنده صار يقرأ علية من قرأ صابتني رعشة قوية أكثر من مرة ارتعشت وراها سوالي حجاب كمل مني وصار يقرأ بالغرفة وبيده
بطل ماي يصب بكف أيده ويرش بالغرفة بالأخص بالركان الغرفة كمل اقراية دز على حنين اجت ماسحة المكياج ولابسة عباية سودة كعدت بصفي
باوعتلها طبيعي ماخفت منها ولا ….جتني طاقة سلبية بالعكس أبتسمت بوجهها ردت الإبتسامة قرأ علينا وهي هم انطاها حجاب وكال ان شاءالله
للفجر تكدر تقترب المرتك وتصير حلالك بس ديروا بالكم تخلون شخص يدخل للغرفة مهما كان أنتو عرسان جدد والناس حواليكم يكرهونكم
ومايردولكم الخير .
قبل لا يطلع جريته على صفحة بالغرفة وحجيت بهمس ‘منو هالبنية ؟
_ماعرف منو شكلها مجان واضح ِ
_شلون عرفت لعد مامتزوجه ؟
_أترجاك فرقد لتلح تدري بي ماكدر اكول منو هذا الشخص ولا انطي مواصفاته بس اكول ولد او ابنية غير هيج ماكدر أخاف من المشاكل
ترخص وطلع والكل طلع وراها حنونه نزعت العباية وكعدت فوك الجرباية تباوعلي وعيونها كلها دموع حجت بصوت ناصي ”
_حسبي الله ونعم الوكيل بلي سووا السحر
ان شاءالله بحظهم وبختهم
_ان شاءالله ارتاحي انا طالع
_وين طالع
_ماعليج ارتاحي أنتي
عفتها وطلعت اباوع بالبيت أريد أشوف وجه سلسبيل ماكو طلعت بره شفت الولد ماكو أهلها
سألت عباس عليهم
هجرس_وين بيت عمي أبو محمد
عباس_راحوا من زمان
هجرس_وين راحوا
عباس_لبيت محمد
هجرس_ شبسرعة راحوا حتى ماسلموا
عباس_ اي مو مرت محمد جاي تطلك وهسه راحولها
هجرس_هاا الله يكومها بالسلامة
عباس_انت شلون صرت ؟
هجرس_الحمدالله أحسن
عباس_الحمدالله دير بالك على نفسك يله انا رايح تصبح على خير
هجرس_انت من أهل الخير
باوعت كل ولد عمامي راحوا الاهلهم هواي بقيت بره وراها رجعت للبيت حجيت ويه جديتي حلوة عن اهل سلسبيل وكالت راحوا لبيت ابنهم
خطية مرته جايبه ابنية هسه اتصلت بي سلي وكالتلي طايرة من الفرحة بيها أبتسمت ورحت دخلت للغرفة لكيت حنونه نايمة طفيت الضوء
ورحت نمت بصفها فوك الجرباية بس بعيد عنها ماقترب الها أبد انطيتها ظهري بقيت أفكر منو مسح على ظهري هناك وين طخت بالي سلسبيل
من اخذت صور وياي خلت ايدها وراه ظهري وكالت بالغلط هنا تأكدت هي انتقمت مني ومن حنين لأن جنه نعاملها بقسوة أيام زمان
بس شلون طاوعها قبلها تسويلي سحر كراهية بيني وبين مرتي حنونه ؟ وهي بعدها طفلة شمعرفها بهاي السوالف عبالي بريئة طلعت
ملعونة حرامات فلتتت من أيدي وراحت لبيت اخوها بالمدينة لو كارصها محد جان خلصها
من بين ايديني .
كعدت الفجر كعدت حنين كعدت تبجي وتعاتب بي “
أنت ماتريدني أنت ماتحبني
رجعني لأمي
حضنتها كل قوتي وأبوس برأسها “
يابنت العالم لو ماحبج جان تزوجتج ..ولج بالقرأن أحبج واموت عليج بس العالم الخبيثه ماتكعد راحة وشفتي بعينج وسمعتي باذانج شكال الشيخ
_منو هذولة ؟
_ماعرف منو ومكال الشيخ بعد منو هذولة ؟
_انا عبالي أمي
_لامو امج و امج مستحيل تسويها وتخرب فرحتج
_الحمدلله طلعت مو هي
بعدت عني شوي مسحت دموعها بصابيعي وبستها بخدودها الأثنين”كافي دموع حنونتي
_خربوا الحنة وخربوا العرس هم
_خربوا الحفلات بس مايكدرون يخربون القلوب قلبي ماينبض غير باسمج حنونه
_وانا هم قلبي ينبض بأسمك فرقد أحبك
رجعت حضنتني بادلتها الحضن شوي وكتلها “
كومي خل نصلي
_ماشي
رحنا اثنينه للحمام توضينه وطلعنا فرشلتي سجادة الصلاة ورجعت فرشت الها وراي صلينا اثنينه وراها علكد قرأن سورة الكرسي
مثل ماوصاني الشيخ قبل لا اقترب الها وهي راحت تخلي مكياج وتعدل بروحها بقيت كاعد فوك الجرباية اباوعلها وأضحك مامصدكت البارحة
باليل تخبلت عليها وماريدها ؟” هي أمنيتي بالحياة وعاندت جدي واهلي علمود تصير لي من صارت لي صرت ماريدها الله يلعن كل شخص
يعمل أعمال الشعوذة والسحر للعالم .
أخذت سيت نوم أبيض ودخلت للحمام أبتسمت وصحت عليها “ليش مابدلتي
كدامي حنونتي
_استحي
_هههه شلون لعد من تطلعين
_هاا
_ههههه كملي بسرعة تره ماعندي صبر هههه
_دومك مستعجل فرقد
_بس عليج مستعجل
_تمام انطيني شوي واكمل
_ماشي
خلصت الآية وصارت تنعاد كمت طفيت التلفون وكمت كدام المراية أعدل بشكلي رشيت عطر وابتسمت قلبي يدك بالدكة ألف دكة أول مرة اقترب
المره بحياتي كلها مامقترب وحنونه أول مره بحياتي جانت وراح تبقي المرأة الأولى والأخيرة’ أنتبهت على فتحه الباب طلعت لابسة
سيت نوم أبيض قصير صلوخ فوك الركبة وفاتحة الشعر جازي خصرها ميشته باشقر وهي قصيرونة وسمينة طالعة تخبل جنها لعابة سمينة
صرت اباوعلهامن فوك ليجوه وابتسم بخباثة خجلت وصارت تجر بالسيت ضحكت وكتلها”شجرين رب الكعبة راح ينكطع ويوكع ههههه
_فرقد استحي
_اروح فدوة لليستحي انا تعاي ياقلب فرقد تعاي ياعمر فرقد ولج صارلي سنوات متاني هاللحظة واليوم صارت تعالي من خرر.. بشيب امج وابوج تعاي هههه
رادت تفلت لزمتها بسرعةمن ورة ظهرها قوي “
وين شارده بت قسيمة هههه
_اااه عوفني فرقد
_وين اعوفج بت جدوع هههه اموت عليج
حنونتي هههه
دفنت رأسي بركبتها وصرت اشم بيها وهي تخاف وتصيح بست اركبتها أكثر من مرة
وراها وبعدت عنها ”
_ مو تكولين ماريدج “من اقتربلج تصيرين
ماتردين شسالفة حنونتي ؟
لزكت خدي ويه خدها وحجيت بصوت ناصي “
مو أخاف
_وتخافين من عندي؟
_اي
_اكو واحد يخاف من روحة ؟
_لا
_لعد عليش ياقلبي تخافين دخليني اقتربلج ونكسر عين كل شخص مايريدلنه الخير
_اي بس أخاف والله
_لتخافين انا موجود
_هو أنت تخوف
_ههههه خررر. بروح أهلج من تخافين عليش تزوجين
_مو احبك
_وعبالج الحب بس كلمة احبك وحضن وكلمة غزل ؟
_هاا
_يابة الحب كله رومنسية
_اي مو احجي وياك واكلك أحبك
_هاي مجرد كلمات مكان الحب هناك باعي
فريتها بحضني بتجاه الجرباية “
باعي مكان الحب وطقوسه
هناك تودي
بلعت ريجها ودفعت رأسي من أعلى جتفها وكالت “
راح تأذيني فرقد مو ؟
_لاا
_اي راح تأذيني
_وج لا مااذيج
_والله تأذيني
_شلون اذيج حنونتي ؟
_أنت ضخم وانا …
قبل لتكمل كلامها طكيتها بضحكة عالية وبعدت عنها “
هههههههه خررر. بروح اهلج على هذا
التفكير حنونتي هههههه
_شبيك تضحك .. والله امي كالتلي راح يأذيج بس تأخذينه أنتي وين هو وين
_هههههه هاي امج تضحك عليج
يالعوبة هههههه
_شلون ؟
_هههه اي والله تضحك عليج الضخامة شعليها بالزواج هاي جدي شكبره وشكده وماخذ جديتي خديجة خوب اقصر منج وخلفتله عشيرة مال
جهال ماكالت اذاني الحجي هههههههه
برطمت شفايفها والدمعة نحصرت بعيونها وانا خربان من الضحك على تفكيرها الطفولي ”
_كافي فرقد استحي
_من تستحين شلون تفتحين هيج موضوع تافه هههه
_موهي كالتلي
_وأنتي صدكتي اااخ بطني هههه
_اي شمدريني غير هي متزوجه قبلي وتعرف بالزواج
_هاا امج خبرة لازم
غمزت الها عين زعلت وانطاني ظهرها “
بعد زعلت
رحت وراها حضنتها وخليت رأسي على جتفها اضحك “
لتزعلين حنونتي والله اشاقه وياج .. امممح يله أضحكي وخلي هالليلة تمر على سلامة
لو تردين العالم تشمت بينه ؟
_ماشي بس لتضحك علية
_وغلاتج عندي ماضحك اممممح … يله انداري علية خل اشوف جمالج هو انا شفت
منج البارحة
بعدت عنها انداري عليه مبتسمة بخجل تباوع بوجي وانا صافن بيها قربت وجي على وجهها رأسن سدت عيونها بخجل استغليت الفرصة
وجبتها بوسة عميقة كلش بقيت ابوس بيها وهي تبادلني
المشكلة تقيدت لان قصيرونة عاد شلتها بحضني وصرت ابوس بيها وهي هم تبادلني .
والحمدالله والشكر …. كدرت اقترب منها وأخذها بدون مشاكل أو لعبان نفس وكمنا سبحنا سوية وره نص ساعة اندك الباب طلعت جديتي
حلوة وجديتي خديجة انطيتهن النيشان علامة قترابي لها صاروا يهلهلون طلع جدي وأبوي وبارق ومنى والاقارب لبايتين عدنا كلها باركت
وصارت تهلهل جنت طاير من الفرحة حنونتي صارت مرتي وام بيتي وان شاء الله ام جهالي .ثاني يوم الصبح تصلوا بي ربعي
كلها تبارك ياسر كال “
ألف ألف مبروك برفاه والبنين تستاهل كل
خير هجرس ههههه
_منو كالك لقبي هجرس ؟
_سمعت جدك ولد عمامك كلها تصيحك هجرس ستغربت اسمك فرقد شلون يكولون هجرس سألت كالوا هجرس من صغيرون نكوله ونادرن مانكول فرقد
_دير بالك تكول لأحد عن اسمي هجرس
_بس جواد يدري
_عادي أنتو ربعي بس غيركم لاماريد يعرف
_طمن ماراح نكول
_مطمن وين أنتم؟
_بالدوام وهسه راح نطلع دورية مكانك خالي
_أيام وارجع اكابل وجهك هههه
_ياريت والله مشتاقين
_وانا هم
_صدك أمي وخالتي راح يجون لعدكم بعد يومين تلاث
_كل الهلا بيهم
_وبيك أكثر
وراها ترخص باوعت بحضني حنونه نايمة دنكت عليها بستها براسها “كاعدة حبيبتي ؟
_اممم
_راح يجينه خطار
_منو ؟
_ام صديقي ياسر وخالته هاليومين
فتحت عيونها وكالت بضحكة”
هذا صديقك الصاك هههه
_حنونه ؟
_والله هو حلو وبس يضحك مثل بارق عصفور مهلس
_اي هو
_شعجب ماجوي يوم العرس ؟
_مادري والله
_ المهم يجون ونتعرف عليهم .. صدك اكولك اشو بيت اهل سلسبيل طفروا بسرعة
حتى ماباركوا
ضجت كلش وبعدت عنها كعدت وكتلها “
مو مرت محمد كايمة تطلك
ورايحيلها
_اي مو اكول .. وجايبة؟
_اي ابنية
_ألف مبروك تتربى بعزهم
_ يله كومي خل نطلع بره مليت من الغرفة
_ماشي ابدل وأجي
طلعت قبلها كعدت بنص … جداتي شوي ودخلت حنونه كعدت بصفى منى دخل بارق كال ” يله هجرس امشي يريدك جدي جايين عالم تبارك
كمت_جاي
حنونه_ اكلج شكالتلج ماكالتلج سلسبيل؟
منى_مكالت شي
حنونه_مكبله مخطوبة ؟
منى_لا بس كالت ولد اسمه دلشاد يحبها وياها بالمعهد
حنونه_ايي شفتي أنتي؟
منى_اي شفته
حنونه_هو احلى لو فرقدي
منى_ كمزة طفرة يجي الفرقد
حنونه_هههه اجكم لعد
منى_لا والله صاك ومعدل واهله طاكين كله خارج العراق سفرات
حنونه_شلون تكولين مايجي الفرقد
ونوب تكولين صاك ؟
منى_مو فرقد طويل وضخم وملامح وجه حادة وسمر وهذاك جسمه عادي بس مرتب وشكله
حلو مابي شي والله
حنونه_مثل اخوج بارق ؟
منى_لا أحلى من بارق كلتلج شكله حلو الولد
حنونه_هاا عندج صورته ؟
منى _لا والله بس انطتني حسابها خل أدور بلكت لكه حسابه وشوفجياه
حنونه_اي بسرعة كتلني الفضول
طلعت تلفوني دخلت على حسابي طلعت حساب سلسبيل على فيس بوك دورت بقائمة الأصدقاء طلع الولد شوفته لحنونه أخذت تلفون
حنونه_حلو ومعدل
منى_اي مو كلتلج
حنونه_هلاوو هاي بألمانيا رايح قبل أسبوع
منى_هي هم كالت بين فترة وفترة يطلعون
خارج العراق
حنونه _اي وهي شنو رأيها بي
منى_ماتريده والله
حنونه_شتريد لعد
منى_شمدريني شتريد
حنونه_امده حظي ولد حلو وزنكين وكله خارج العراق يطلع سفرات ماتريده هاي تريد واحد عندج هوش وجمس ويسرحها من وجه الصبح
منى_بعدها صغيرة
حنونه_مو اكبر مني بثلاث أيام هي وهاي انا تزوجت شنو صغيرة جذابه هاي تلكينها مكبله
منى_وعيب وإذا كبلت
حنونه_لا وين العيب انا مو كبلت ويه فرقد وأخذته خوب كل العالم تدري بي احب فرقد وماهتميت مو مثلها جبانه وأخاف أكشف فارس
أحلامي
منى_شعلينه بيها
حنونه_عساها لاجت لهنا
منى_هم راح يرجعون لهنا
حنونه_صدك تحجين ؟
منى_اي والله ابوها كايل لجديتي حلوة بس يطلع تقاعد يرجع وراح يرمم البيت
بهاي الفترة
حنونه _عساهم لارجعوا
منى_ليش ولج ؟
حنونه_ادري بيها بربوك ومخليه عينها على فرقدي
منى _غلطانه ماتحب فرقد ولا مخليته بالها أصلا تدري بي يحبج من جنتوا جهال وهي مستحيل
تأخذ رجال متزوج
حنونه_عمت أبوها اخذت جدي مزوج ثنين
نسوان شتحجين أنتي
منى_ شعليها بعمت أبوها
حنونه _ورثه الها دور
منى _مو بارق كاللها بالشقه اريدج ماقبلت بي وكالتله مستحيل احرم حبيبتك منك شنو ماخاف من الله وهاي عمتي وخالتي طلبوا أيدها مارضت
كالت ماكو رجال هنا يعجبني “وانا ماخذ بالعرب أريد بالمدينة ..واريد واحد مثل أهلي مايكلي لبسي حجاب ولبسي عباية لو لبسي طويل
حنونه_تريد رجال مثل المطي تكله دي يمشي .. هاي بطرانة وين اكو هيج رجال يخليها تتعرى وتمشي بنص الشارع والزلم تباوعلها بنظرات قذرة
منى_شعلينا بيها هاي حريتها وان شاءالله
تلكه شخص لبالها
حنونه_ان شاء الله تزوج قبل لا يرجعون أهلها
منى_شنو تخافين حنونه؟
حنونه_اي والله أخاف منها تسرق فرقدي وإذا سرقته اذبحها بالسجين هي وأهلها
منى_تعوذي الشيطان حنونه فرقد يحبج الج ولو يريدها جان قبل يأخذها من…
حنونه_ليش رادوها له ؟!
منى_مو جدي كاله اخذلك سلي هو ماقبل وكال لجدي لو حنين لو ماتزوج طول عمري
شنو ماتدرين ؟
حنونه _والله أول مرة اسمعها منج
منى_ هو مايريدها يريدج الج ويحبج حب موشلون مجان وأتمنى تحبي وتهتمين بي وماتنطين بي كدام كائن مايكون حتلوه امج
وشيصير وياكم لا تطلعي خارج الغرفة دفني بيناتكم تعرفين بفرقد يكره الشخص ليطلع
أسراره ويكسر بي
حنونه_لا مستحيل أسوي هيج وانا أحبه وعاندت أهلي وأخذته شلون انطي بي انطي
بنفسي وماانطي بي
منى_اي عفيه
حنونه _وهسه أنتي وياها صديقات ؟
منى_اي
حنونه_ وتثقين بيها
منى_البنية كلش طيبة وقلبها ماكو اطيب منه وشايله براءة الاطفال وانا حبيتها
حنونه_شايله مكر الذئاب مو براءة الأطفال
منى_غلطانة أنتي وماتعرفينها زين
حنونه_ماكو احد يعرفها بكدي
منى_هاي وجهة نظرج بيها اما انا لا وجهه
نظري بيها غير
بيدي التلفون وصلتني رسالة منها على مسنجر فتحتها صورتها ويه طفله بت أخوها وكاتبة ” نورة تسلم
عليكم ههههه
شافتها حنونه وكالت “
كولي عمت نورة تسلم عليكم مو نورة وجه
الساحرة المشعوذة
منى_حنين شبيج
حنونه_ابد ماحبها حقيرة لابسة فستان مال عرس ومخليه تاج الأميرات وتفتر كدام فرقدي ليش مادري بيها جانت تسوي غرائات لفرقدي
منى _بطلي غيرة يابت الناس بطلي
حنونه_ رجلي ومن حقي أغار عليه
منى_رجلج لنفسج بس لا تتهمين بت الناس
بشي هي مو يمه أصلا
رجعت دزتلي صورة ابنية سمينة وياها نفس الولد دلشاد مسوين تمثال حيوان كلب وكاتبة ”
باعي شمسوين هههههه
رديت _يخبل عاشت الأيادي
سلسبيل _هذولة دا يتحدوني عود ههههه
منى_وليش يتحدونج ؟
سلسبيل _مو كتلهم رسمت هجرس وبعدها مكاملة الرسمة سوو تمثال جلب هههههه
جرت تلفون من ايدي حنونه وصافنه بي “
قريتي شكاتبة هالساقطة ترسم فرقدي تريد بالقرأن إلا اشركها بالنص اليوووم
جريت تلفون من ايدها “
جاي تكول هجرس ماتكول فرقد شبيج
تخبلتي أنتي
دزت صورة نفتحت جانت رسمه لأبن الثعلب وكاتبة “باعي ماكاملة بس تكمل ادزها
الهم حلوة مو ؟
منى_شفتي
كامت من يمي متعصبه دخلت لغرفتها ….رجعت أراسل سلي وأضحك وياها وره الغدا كاعدة بغرفة جديتي جوري دخل فرقد وسد الباب
ردت اكوم من فوك الجرباية منعني بيده وكال “
أرجعي بمكانج أريد احجي
وياج مناوي
_اي تفضل اكعد
كعد بصفي من ملامح وجه عنده هواي كلام أخذ نفس وراها زفر وكال ”
_سلسبيل هم جابت طاري السحر ؟
_سحريش ؟
_يعني هم تحجي بالسحر والسادة والشيوخ ؟
_لا أبد
_مجابت طاري ؟
_نهائيا… لحظة تذكرت
_اي كولي شتذكرتي
_بس كالت انا أخاف من حنونه لأن أخوي سولف عن امها واختها صبوحة شلون جانن يسوون سحورة وأنت كاشفهن وهي تخاف من السحر كلش
وجانت خايفة منهن لأن تعاركن وياها
_هاا
_اي والله هذا الكالته بس ليش تسأل ؟
_لا هيج … زين هذا الولد منو لشوفتج صوره ؟
_هذا دلشاد ولد وياها بالمعهد
_هاا سمعت كالت يحبها ؟
_اي ومتقدم لخطبتها أكثر من مرة وهي رافضه ولكد الآن يحاول وياها على أمل تقبل
_شكل الولد زين مابي شي شعجب ماتقبل بي
_تكول مايعجبني
_لعد شيعجبها ؟
_مادري بس تكول لحد الأن مالكيت شخص لمناسب لي
_اي صح
_اي شلونك
_زين
_هم كالك الشيخ منو هذولة ؟
_اكو غيرها قسيمة
_هااا
_اي والله قسيمة وانا كلتله لتجيب طاريها ماريد مشاكل تصير وحنونه تنقهر
_ولعد البنية منو ؟
_هو هذا لشاغل بالي البنية منو ؟
_ تتوقع منو ؟
_والله مادري وعقلي متخربط ماعرف أفكر صح
_هو عرس وجان هوسة وهواي عالم بي بس كلها أقارب ماكو شخص غريب بيناتنه ولازم تطلع وحدة من الأقارب لو تكرهك لو تكره حنونه
_اي محتمل
_أنت حاول ويه الشيخ بلكت يكلك
_لو تكصين اركبته مايكول منو ولا ينطي مواصفاتها
_لعد شلون عرفت قسمة
_قسمة هي كالت ماخليكم تتهنون وماكو غيرها هي سوته علمود أرجع حنونه الها اما الثاني مجهول الهوية محد يعرف منو لسواه لأن
لسواه ماعنده علاقة ويه صاحب العمل الأول
_هاا
_اي يله ارتاحي أنتي انا طالع
طلع بقيت أفكر بكلامه منو… طخت بالي عدوية لا هاي دهن ودبس ويه قسيمة وتصير بت أخوها هواي بنات اجت بالي ولاوحدة منهن تطلع
تشتغل بسحر والشعوذة ؟!
والله يومين . وكال فرقد راح يجونه خطار أهل صديقه ياسر عرفت ياسر هذا الولد لشافني أكثر من مرة بعرس فرقد وبقى صافن بي
أمي اجت وعمتي خيرية اجت حنونه تخاف منهن بقت كاعدة بصف جديتي خديجة شوي واجوي نسوان أثنين وحدة متوسطة بالعمر وتطلع بعمر أمي
والثانية تطلع ثلاثينية وشكلها حلو وصاك ومكياج ولابسة نفنوف طويل للكاع بلون الجوزي
تكوللها كش تطير
طلعت سلمت عليهم وأقدم الظيافة وراها كعدت بصف جديتي حلوة أبتسم أختها مشالت اعيونها عني وصاحتلي اجي اكعد يمها
_تعالي حبيبتي اكعدي بصفي
خجلت كلش خدودي صاروا نار من الحرارة أذاني كامت تطلع دخان بي عادة بسرعة اخجل من شخص الغريب بقيت كاعدة خجلانة نبزتني
جديتي حلوة وهمست “
ولج كومي لتفضحينا
مناك العالم
كمت بسرعة كعدت بصفها أبتسمت بوجهي وخيرية صاحت من مكانها ” هاي منى اخت
فرقد بالرضاعة
ام ياسر_هاا اي ماشاءالله عليها تخبل جنها كيكة
أختها _عين الباردة عليها تخبل وخجولة كلش وأني أحب البنوتات الخحولات
خيرية_الله يسلمجن عيني ماعرفتينه على
اختج ام منو ؟
ام ياسر_والله هاي أختي مامزوجة بعدها
سراب_وشكد عمرها ؟
ام ياسر_ ٣٧سنة
خيرية_جبيرة شعجب ماماخذه ليهساها وهي ماشاءالله عليها حلوة وتخبل وألف وحدة يتمناها
ام ياسر_والله جانت مخطوبة لأبن عمي اشو من راح لجامعة حب هناك وفسخ الخطوبة وهي من هذاك اليوم ياهو ليجي ماتقبل بي
خيرية _الله يكسر اظهره ان شاءالله
سراب_الله حبج وخلصج من هيج إنسان قذر
أختها _الحمدلله على كل حال
حسيت بيها انهضمت …. كلش واعيونها نترسوا دموع تلهت وياي وعافت الكل صارت تسأل اسأله عادية وحبت تشوف صور العرس
كمت جبت تلفون وكعدت أشوفها شافت بالصدفة ياسر انا ماجنت منتبهه مصورته “هذا ياسر ابن
اختي هههه
مارديت رجعت كالت “
أني ويا أربعة وعشرون ساعة معارك
من الروس هههه
_أنتي عايشة وياهم ؟
_اي ويه أختي
_شعجب مو ويه أهلج؟
_عائلتي بالسقوط كلها توفوا اخواتي وأخواني وأختي جانت متزوجه بديالى عاد من ماتوا طريت أعيش وياها لان مالي أحد غيرها
_الله يرحمهم برحمته الواسعة
_ويرحم موتاج عزيزتي … عمرج ٢٣ سنة مو صح
_اي
_ياسر أكبر منج ٣ سنوات
_هاا
_اي هو جبير اخوانه
_شكم ولد وابنية عدها اختج ؟
_ثلاث اولاد واثنين بنات
_ربي يحفظهم
_ويحفظج عزيزتي
_أنتي مدرسة ؟
_لامعلمة ابتدائية وادرس صف اول هههه
_هاا حلو
_ايي واحبهم كلش وهم هم يحبوني ويموتون عليه
_حقهم يحبونج أنتي حلوة من الخارج ومن
الداخل كلج على بعضج تجننين
شوي ودخل جدي وعمي وائل مجانوا يدرون عدنا خطار سلموا عليهم وجدي كعد يم النسوان وعمي وائل دخل لغرفته جدي ضرب ميانه وياهم
من سأل على أختها مامتزوجه نبز جديتي جوري بجتفه هي ضحكت وانا فهمتها على الطاير قصده على عمي وائل دخل فرقد يضحك كعد بصف جدي
جدي صار يحجي ويا بهمس رفع رأسه باوعلها فرقد ابتسم ورجع يحجي ويه جدي شوي وجاها إتصال لام ياسر ردت وراها نتهت الأتصال
وكالت ” احنا نترخص ياسر
بالباب ينتنظرنا
جدي موسى _ وين كايمين والله ماتكومون هاي أول مرة تدخلون بيتنا شلون تطلعون بدون ما تتعشون كوم فرقد جيب ياسر لهنا كوم
كام فرقد يضحك _هسه اشحطه ههههه
ام ياسر_ ان شاءالله غير مرة حجي
جديتي حلوة _لاعيني ماتطلعون تبقون على العشة
ام ياسر_ والله البيت تايه عفت البنات والولد بي والرجال طالع للشغل والبنات مايعرفون يطبخون ان شاءالله بالمرة الجاي اجيب
العائلة كلها ونبقى عدكم .
جدي موسى _ مادام هيج معذورين بس بالمرة الجاي ماكو طلعة تبقون لو على العشة لو الغدا
ام ياسر_الله كريم حجي ولمتكم كلش حلوة
ولاينشبع منها
جدي_ أهلا وسهلا بيكم
أخذني الواهس وياهم وأضحك وهم يسولفون وجان يدخل الولد ياسر لابس بنطرون أسود وتيشيرت نصردان أبيض اول مادخل صار بوجي
متت بدمي قطرة دم مابقت بقيت كاعدة وساكته بمكاني بصف خالته رفل سلم على جدي
وجداتي وعلى حنين
وبقى واكف بقيت مدنكة رأسي كلمة وحدة ماطلعت دنكت علية رفل وكالت بهمس_ شبيج منى
مدنكة راسج
_استحي
_ماراح ياكلج
_حتلوه استحي والله
_ياسر خوش ولد وعينه مو ناعمة على البنات
رفعي راسج
_ماا استحي
_ههههه براحتج عزيزتي
بقيت مدنكة رأسي فزيت على ضحكه هو وفرقد رفعت راسي جان واكف ويضحك بصف فرقد شوي وكامن كمت وياهن وبسرعة طفرت للمطبخ
ماصدكت صرت بالمطبخ خليت ايدي على صدري مكان قلبي يدك سريع بقيت أتنفس قوي أول مرة بحياتي
انحط بيهج موقف محرج
فصول الرواية: 1 2