رواية الميراث الفصل الخامس عشر 15بقلم ميادة يوسف الذغندي حصريه في مدونة قصر الروايات
#_الحلقة_الخامسة_عشر
#_رواية_الميراث
#_بقلم_ميادة_يوسف_الذغندى
حسين كان واقف وشا ف سناء ركبت التاكسي واخدت شنطه هدومها ، عيونه وسعت بس ماتحركش شد الستارة بإيدة ، وقال فى نفسه يمكن البعد ارحم ، رجع لجنى لاقها نايمه ايدها على بطنها ، بص لها طويلا ، الميراث مش فلوس ولا بيوت
قرب حسين منها بهدوووء، كأنه خايف النفس العالي يصحي الوجع قبل ما يصحيها.
مد إيده وحطها على بطنها، لمس خفيف لكنه مليان معنى، وهمس بصوت مكسور:
«سامعة يا جنى؟
اللي برا ده كله… مالوش قيمة.
اللي اسمهم ميراث، ولا فلوس، ولا بيوت…
ولا حتى ناس بتبيع القرب علشان ورق.»
سكت لحظة، بلع ريقه، وصوته رعش:
«الميراث الحقيقي هنا…
في النفس اللي بتطلع مننا،
وفي الروح اللي لسه بتقاوم،
وفيكِ… وفي اللي في بطنك.»
اتمد جنبها على السرير، لف دراعه عليها من ورا،
حضن بطنها بإيديه الاتنين،
كأنه بيبني سور،
كأنه بيقول للدنيا كلها:
من هنا ما تعدّيش.
دفن وشه في ضهرها، وصوته بقى واطي أكتر:
«لو الدنيا كلها بعت…