_ دلف محامي العائله ( سعد ) في هذه الأثناء حيث أستمع لكلماتهم الأخيره .. في حين أستقبله زين وسمح له بالجلوس ، جلس علي حافة المقعد ثم أمسك حقيبته الجلديه السوداء اللون ثم شرع بألتقاط بعض الأوراق والمستندات منها ، كما ألتقط مظروفا كبيرا أبيض اللون ، بعد ذلك أغلق الحقيبه وأسندها جوار قدميه ثم نظر لإيهاب نظره ذات مغزي قبيل أن يردف ب ……
سعد بنظرات غير مريحه : أنا هقول لحضراتكوا المعلومه دي وصلت لأستاذ إيهاب أزاي .. واضح أن أستاذ إيهاب ليه علاقه بمدير مكتبي وهو اللي حرضه يفتح خزنتي والوصيه كمان
سمير رامشا بعينيه عدة مرات : أنت بتقول إيه يامتر !!
زين باأبتسامه متهكمه من زاوية فمه : والله كنت حاسس إن الحكايه فيها حاجه غلط زي دي
سعد بنبره ثابته : هو ده اللي حصل ، ولا إيه ياأستاذ إيهاب ؟!
إيهاب بتوتر : …………
نسرين بنبره منفعله : ما ترد ياإيهاب !
إيهاب بتشنج : أه عملت كده ، ماأحنا هنعرف هنعرف فيها إي لما أستعجل شويه
عاطف بحده : فيها غش ، دي أمانه ياأبن سمير
سعد ذافرا أنفاسه بضيق : عموما مدير مكتبي أخد جزاؤه ، ودلوقت هفتح الوصيه قدام الكل وأوضح البند اللي السيد إيهاب فهمه غلط ومستناش يسمعه للأخر .. فعلا أستاذ إبراهيم الله يرحمه كتب لعنان تلتين الثروة المتبقيه لكن …..
إيهاب مقاطعا بنبره مشتعله حانقه : أهو ، شوفتوا أن كلامي صح
سمير ناهضا عن مكانه بأندفاع : تلتين ثروة إيه اللي تاخدهم بنت هدي .. ده علي جثتي
هدي بتوجس : ………..
وليد حاككا فروة رأسه : معقول جدي يعمل معانا الصح ؟!
إيهاب ناظرا لعنان بغضب : بقولك إيه يابنت عمتي ، أنتي تتنازلي بالزوق و ……
زين ناهضا عن مكانه بتشنج ، ثم أردف بنبره متذمجره : بقولك إيه ، أنت مالكش إي علاقه بمراتي نهائي .. عشان متخليناش نقف قصاد بعض
إيهاب ناهضا عن مكانه بأندفاع : اللي عندك أعمله ، وأنا مش هعدي الحكايه دي علي خير
وليد بنبره جهوريه صارمه : ميصحش اللي بتعملوه ده ياجدعان ، أحنا من دم واحد
زين مشيرا صوبه بأنفعال شديد : مش شايف هو بيعمل إيه ؟ قولتله ١٠٠ مره هي مش هتاخد الفلوس دي