_ وقفن في أماكنهن وعلي وجههم علامات الذهول والصدمه مما يحدث معهن ، حتي عنان لم تستطع التفوه فهي تعلم مدي عنده وإصراره علي رآيه.. ظلت ترمش بعينيها عدة مرات لتصديق ناظريها حيث توقفت الكلمات علي لسانها ، في حين نطقت أحداهن بهمس….
شيري بتذمجر : عنان ، أتصرفي يخرب بيتك
ليلان مصره علي أسنانها : ياريتنا ما جينا معاكي
رهف بقهقهه عاليه : ههههههه هههههه عاجبني أوي اللي بيحصل ده ههههههه
زين عاقدا حاجبيه وبنظرات شزره : هو أنا بقول نكت!
رهف بتنحنح : أحم……….
زين بنبره صارمه، ولهجه آمره :أبدأو ، معاكوا 30 دقيقه من دلوقتي
عنان فاغره شفتيها : هااااا
زين مستكملا :وإلا هتبقي ليلتكوا…. مش فايته ياحلوين
_هبط زين للأسفل وعلي ثغره أبتسامه واسعه ، فلقد نجح في تلقينهم درسا لن ينسونه ، في تلك اللحظه وجد وليد وقد حضر مؤخرا وبحوزته العديد من الملفات الورقية عاقدا حاجبيه بعبوس شديد
زين لاويا شفتيه : قالب وشك ليه ، خير
وليد بتأفف :نسيت تمضي علي الملفات دي ولازم تتمضي النهارده عشان تتبعت في فاكس بكره الصبح ، وأضطريت أجي علي هنا طبعا
زين مشيرا بيده : طب أقعد نشرب حاجه سوا
وليد ناظرا حوله : عنان فين، مش معقول نايمه بدري كده
زين حاككا طرف ذقنه ، كابحا أبتسامته : عنان عندها حملة نضافه فوق
وليد قاطبا جبينه : مش فاهم !!
زين : مش مهم ، أقعد أنت