رواية اضاءت قلبي بعد ظلمته الفصل الثاني والعشرين 22 بقلم رباب احمد
الفصل ٢٢
تانى يوم الصبح سيف صحى وفضل يبص على جومانا ويمسك خصلات شعرها ويشمها
جومانا فتحت عنيها وبابتسامه
صباح الخير
سيف
صباح النور والهنا والفرح على اجمل عيون شفتها
جومانا
بكسوف كل ده
سيف وهو احنا لسه هنتكسف ولا ايه وشدها لحضنه انا مبسوط اوى انك بقيتى ملكى ومعايا
جومانا
وانا كمان يا حبيبى
سيف
يلهوى على كلمه حبيبى من شفيفك بتجننى عاوز وميل باسها بوسه رقيقه
جومانا بكسوف
طب يلا انا جعانه
سيف
ماشى يا قلبى نفطر ونخرج نقضى اليوم سوا
وقموا يجهزوا وينزلوا تحت
اما عند جورى الشقيه ال مطلعه عين عدى وهو بقا حاسس انو مراهق وانه عاش ال معاشوش وهو صغير
جورى صحيت الاول وبصتله بحب وبسته من خده وجتلها فكره مجنونه زيها وضحكت بمكر وقامت تنفذها جابت عود كبريت وحطتته بين صوابع عدى وولعته ووقفت تتفرج عليه ثانيه واحد وقام عدى مخضوض واتلسع من الكبريت وهيا فضلت ضحك من قلبها وبدلع صباح الخير يا بيبى
عدى تنحلها
انتى بتدلعى عشان ال هعمله فيكى حد يصحى حد كده وكمان يوم صبحيته
جورى
انا لازم يومنا يكون مختلف عن اى عرسان عشان افكرك بيه على طول هههههه
عدى بخبث وغمزلها
تصدقى عندك حق انتى سبتيلى ذكرى لليوم ده انا كمان هسبلك ذكرى تجنن
جورى وبتجرى فى الاوضه هتعمل ايه يا ديدو انا بهزر مبتهزرش يا رمضان
عدى ببصحك من قلبه
مش هسيبك برصوا وجرى وراها لحد ما مسكها وشالها رايح فين
عدى غمزلها بوقاحه هتعرفى
انت قليل الادب
ههههههههه منا عارف ودخل بيها الحمام ووقفوا تحت الدش سوا وفتحه ونزلت الميه عليهم
جورى
كده زعلانه منك
عدى شدها من خصرها لحضنه
بحبك يا مجنونه يا احلى حاجه حصلتلى
جورى
وانا كمان بموت فيك يا قلب جورى
وخلصوا حمامهم ولبسوا ونزلوا على الفطار
أما عند العشق الذى لم يكتمل صحيت فيروز وفتحت عنيها لقت رعد قاعد على الكرسى ال قصادها وبيبصلها صباح الخير
رعد
صباح النور وقام من قدمها دخل الحمام خاف لا يضعف ويخدها فى حضنه ويقولها على عشقه ليها طول اليل بعد ما نامت وهو بيبصلها فضل سهران سرحان فى جمالها وفى رقتها نفسه يحضنها ويضمها ليه ويشم ريحتها
فيروز قاعده على السرير وبعدين معاك يا رعد عنيك بتقول الكلام عكس ال بتقلهولى هتجننى معاك يا ابن خالى
شويه وخرج رعد يلا قومى البسى عشان نفطر معاهم مش عوزين عمتى تحس بحاجه
فيروز اكتفت بهز راسها
ولبست ونزلت معاه ومد ايده مسك ايديها واول ما مسكها حست ان قلبها هيقف رفعت عنيها بصتله وهو بصلها وفضلوا شويه كده وكأن عنيهم بتقول ال جواهم وبعديها نزلوا تحت كان الكل موجودين
رعد وفيروز بابتسامه مزيفه
صباح الخير
الكل صباح
النور مبروك يا عرايس
فيروز اتكسفت لما رعد رد
الله يبارك فيك يا بابا
وقعدت فيروز وهو قعد جمبها
سيف انا هنقضى اليوم انا وجومانا بره
جورى
وانا كمان مليش دعوه
عدى
بس كده انت تؤمر يا قمر
حنان
مافيش خروج ال بعد الغدا انا وامينه مجهزين غدا عشانكم كلوا وتبقوا اطلعوا برحتكم واسهروا بره زى ما انتم عاوزين
حاضر يا ست الكل انتى تؤمرى
عثمان
لابنه سيف انت هتعاكس مراتى قدامى والله زعلان انكم مش هتطلعوا شهر عسل
فيروز
معلش يا بابا انت عارف الامتحانات مش فاضل عليها كتير واحنا كليتنا عملى ولازم نحضر فى الاجازه نبقى نسافر برحتنا
رعد
فيروز معاها حق امتحانتهم اهم
بصتله وابتسمت
عثمان
ماشى ربنا معاكوا
امينه
رعد هو انت مش هتطلع زى خواتك
رعد بتوتر
لا طبعا هنطلع نسهر سوا
سيف
سوا مين يا حبيبى كل واحد ياخد المزه بتاعته ويسهر مع نفسه
عدى
هو ده الكلام صح كده
رعد وفيروز بصوا ل بعض وسكتوا
شويه خلصوا فطار وطلعوا كلهم الجنيه
الشباب بيتمشوا سوا
عدى ل سيف
رفعت رسنا ولا ايه
سيف
عيب عليك ٩ شهور وتلقى نونو موجود فى البيت
عدى
يبقى خلاص يلعب مع ابنى
سيف بضحك رافع راسه الدخليه
وبيصوا ل رعد ال سرحان
عدى
شكل صاحبنا نزل راس الدخليه
سيف مالك
يا رعد
رعد بخنقه
فيروز بتحب واحد غيرى
سيف وعدى بيبصوا لبعض
سيف مستحملش يشوف اخوه كده وغمز ل عدى عشان يقلوله الحقيقه
عدى
بتحبها يا رعد
رعد بصوت مخنوق والدموع فى عنيه
بعشقها بس قلبى موجوع منها انها بتفكر فى غيرى ومستعد اسمحها بس تبقى ليا وتحبنى
سيف
ياه لدرجه دى مع انك مسامحتش ريتاج لما خانتك
رعد
الحاسيته مع ريتاج مكنش حب اكتشفت انه رغبه واحده بتغرينى طول الوقت بتدلع وبتلبس وكل حاجه عندها مباحه وعادى كنت مفكره حب بس لما حبيت فيروز وشفت الفرق كان كبير جدا فيروز عارفه دينها محتشمه عمرها ما حاولت تكلمنى او تشدنى ليها انا ال اتشديت ليها اول ما شفتها فى المطار ورفضت تسلم عليا وانا اعجبت بيها وباخلقها وكنت بكدب نفسى عشان محبهاش بس فعلا انا بموت من غيرها ودموعه نزلت اول مره تحصل
عدى
اول مره اشوفك ضعيف كده
رعد
انا مش ضعيف بس قلبى اول مره يحب وهيا بتحب واحد تانى
عدى
انت غلطان فيروز بتحبك
رعد
لا بتكلم واحد اسمه جاسر سمعتها وبتقله وحشتنى وانا مستنياك وحبيبى
سيف
لا ال متعرفوش جاسر اخوهم
رعد
ايه الكلام ده
عدى
دى الحقيقه جاسر اخو فيروز وجومانا وجورى فى الرضاعه
رعد بصدمه
ايه
سيف
ايوه مامته اتوفت وهيا بتولده وطنط حنان وعمتى امينه رضعوه الاتنين عشان كده اخوهم وعاش معاهم سنه واكتر كمان وفضل معاهم على طول ودخل معاهم الكليه
رعد بفرجه
بجد
سيف
بجد بس هقلك فيروز مردتش تقولك عشان تبطل شك فيها واى حاجه تسألها وتعرف منها متحكمش عليها على طول
رعد
انتم كنتم عارفين
عدى
ايوه وكنا هنعمل عليك خطه بس مستحملناش نشوفك كده
رعد بخبث
بقا كده طب محدش يقلها انى عرفت
سيف بخوف
هتهبب ايه تانى
رعد بابتسامه
هصلحها بس خليها تاخد حقها منى الاول
سيف
خلاص محدش يقلها يلا بينا بقا مراتى وحشتنى وعاوز اقولها كلمتين فى بوقها
عدى
تصدق انا كمان عاوز اقول نفس الكلمتين ل جورى
رعد بضحك
يعنى انا ال مش هقول
عدى
حد قلك متقولش
رعد
لا انا لما اقول هقول كتب بحالها مش كلمتين
سيف
ههههه يا خطير
رعد
هطلع عليها ال عملته فيا الايام ال فاتت بس تصبر عليا
سيف
وريتاج ال كل شويه تكلمها
رعد
ريتاج ايه وكلام فاضى ايه دى حاجه تبع الشغل مفروض متعرفاهش لكن عمرى ما بصلها
عدى
رعد بيقول الحقيقه يا سيف انا عارف كل حاجه بس دى اسرار شغلنا محدش مفروض يعرفها
سيف
طب تمام كده اطمنت يلا بينا
رجعوا تانى وكل واحد قعد جمب مراته وبيضحكوا
رعد من تحت الطربيزه مسك ايد فيروز بين ايده
فيروز بصتله
رعد غمزلها بعنيه بابتسامه
وهيا حست ان قلبها هيقف
وفضلوا قاعدين فى الجنينه يهزروا ويضحكوا
لحد معاد الغدا واتغدوا وطلع كل واحد اوضته يغير عشان يخرجوا و٠٠٠٠٠
يتبع