رواية اضاءت قلبي بعد ظلمته الفصل الثاني عشر 12 بقلم رباب احمد
الفصل ١٢
دخلت ريتاج بابتسامه بارده الحفله وفضلت تدور لحد ما شفته وراحت عليه
ريتاج بدلع
رعد كنت بدور عليك
رعد بابتسامه بارده
موجود ومستنيكى
عدى عاوز يديقها
امال شريف فين
ريتاج بديق
سافر يومين عند اهله
عدى
اه طب سلميلى عليه بعد اذنكم
ريتاج
اوف عدى ده خنيق
رعد بثقه وبرود
متخديش فى بالك المهم انا هسافر بكره شرم ولما ارجع هنتقابل و نتغدى سوا ونتكلم قبل ما شريف يرجع
ريتاج بفرحه شور بيبى
رعد فى نفسه اخلص من شريف واعرفك مقامك كويس
شويه ودخل سيف والبنات الحفله وكأنهم ملكات جمال لفتوا انظار كل ال فى الحفله برقتهم وبجمالهم الهادى رغم احتشامهم الكل فى الحفله بيسال مين دول
قعدوا البنات فى جمب ل وحدهم
سيف
هروح اجبلكم عصير واجى
بعد شويه جه سيف وعدى ومعاهم العصير للبنات ووقفين جمبهم بس مش اوى
سيف وعدى بيتكلموا
سيف بضق لما شاف ريتاج واقفه مع رعد وبتدلع ايه ال جابك البنى ادمه دى
عدى بثبات
عادى دى حفله ل رجال اعمال واكيد جايه مع حد
سيف
وايه ال موقفها مع رعد وبتدلع كده ليه
عدى
سيبك منها
سيف
انا خايف على رعد منها
عدى
اطمن المهم عوزين نجهز كتب الكتاب على طول
سيف
خلاص تعالى بكره اتغدى معانا ونتكلم مع بابا ونحدد على طول
عدى تمام كده
من ناحيه تانيه جورى وجومانا بيتكلموا وفيروز مش معاهم خالص وعنيها على رعد وعلى البنت ال لبسه فستان فاضح وبتدلع عليه
رعد بيرفع عينه بيبص عليهم لقى فيروز بتبصله حس بحاجه غريبه بس نزل عنيه بسرعه وبص ل ريتاج
عثمان وامينه وحنان وهما بيستقبلوا الضيوف دخل شخص
اسامه
اهلا عثمان بيه
عثمان
اهلا يا اسامه بيه نورت مصر
دى حنان مراتى ودى امينه اختى
اسامه بصدمه مش ممكن ايه المفجأه دى
امينه بابتسامه
اسامه ازيك
حنان
اسامه ازيك وازى جاسر
اسامه
تمام الحمدالله هو معايا بيركن العربيه وجاى متخيلتش ابدا انكم تعرفوا عثمان بيه
عثمان انتم تعرفوا بعض
امينه عز المعرفه كان صاحب احمد ومحمد الله يرحمهم
اسامه بتأثر الله يرحمهم انا لما احمد اتوفى كنت فى ايطاليا انا وجاسر ولما رجعت عرفت ورحت الفيلا ملقتكمش ومكنتش اعرف عنوانكم فى مصر
حنان حصل خير
جاسر بابا
اسامه تعالى سلم
جاسر بفرحه ماما وحشتونى
حنان وامينه اخدوه فى حضنهم وانت كمان عامل ايه
جاسر الحمد الله البنات فين موجودين هنا بس الدنيا زحمه هتلقيهم
امينه جاسر اخوا البنات فى الرضاعه رضعته انا وحنان لان مامته اتوفت وهيا بتولده وفضل قاعد معانا سنه
عثمان ربنا يحميه
جاسر
شكرا يا عموا عن اذنكم اشوف البنات
فى الوقت ده المزيكا اشتغلت وكله بيرقص
ريتاج سحب رعد يرقص معاها ومقدرش يمناعها
فيروز شافت كده حست انها مدايقه خرجت بره القاعه تشم هوا
جورى
راحه فين يا فيروز
فيروز
خارجه اشم هوا وجايه على الرقص ده ما يخلص
شويه وجه شابين عند جومانا وجورى تسمحوا بالرقصه دى
سيف وعدى سمعوهم
سيف بغضب لا مينفعش
الشاب وحضرتك مالك
عدى بغضب اكبر ماله لانها خطبته ودى خاطبتى
الشباب
انا اسف ومشيو
البنات بتكتم ضحكتها
سيف
ده انا خطبها ومش عارف امسك ايديها مش ارقص معاها ويجى واحد عاوز يرقص معاها حاجه تجنن يا جدع
عدى
هههههههه عندك حق
فى ال وقت ده رعد شاف فيروز خارجه بره القاعه بس شاف شاب بيجرى واراها حس انو خايف عليها واستأذن من ريتاج
وراح وارها واتصدم
شاف الشاب بيحط ايده على عنيها
وقف يشوف ويسمع ال هيحصل
جاسر
انا مين
فيروز بفرحه وبتبعد ايده
جاسر حبيبى وحشتنى وحضنته
رعد اتصدم جدا وقال فى نفسه كلهم زى بعض رخاص وبتمثل العفعه وانها مش بتسلم على حد وهيا بتحضن شاب شكله حبيبها
جاسر
وانتى كمان يا حبيبتى عامله ايه
رعد خبط الحيطه بأيده ومستحملش ودخل
جاسر
اسف مكنتش جمبكم ساعت موت عمى احمد بس انا وبابا كنا فى ايطاليا ولسه راجعين من اسبوع ورحت الفيلا لقتها مقفوله وعرفت انكم نزلتوا مصر عشان كده صممت انزل معابابا عشان ادور عليكوا واشفكم
فيروز
عارفه المهم طمنى عامل ايه احكيلى
دخل رعد الحفله تانى مدايق جدا
سيف
ما شفتش فيروز يا رعد
رعد بعصبيه
ما شفتش
عدى
مالك فى ايه
رعد
مافيش انا ماشى يلا يا ريتاج
البنات
ماله ده احنا هنخرج نشوف فيروز
سيف وعدى
استنوا هنجى معاكم احسن حد يديقكم
طلعوا لقوا فيروز قاعده مع شاب وماسك ايديها
سيف وعدى استغربوا
بس جومانا وجورى فى نفس واحد جاسر وجريوا عليه
البنات جاسر
جاسر قام بابتسامه وحشتنونى واخدهم فى حضنه
سيف بصوت عالى
جومانا
عدى بصوت كله غضب
جورى
البنات اتخضم
فى ايه مالكم
سيف قرب بعصبيه
لا والله فى حضن واحد عوزانى اتكلم ازاى
فيروز وجومانا وجورى بيضخكوا
عدى بعصبيه
دى حاجه تضحك
جومانا حبت تغيظ سيف وايه يعنى ده حبيبى
سيف مستحملش وشدها من ايدها انتى اتجننتى
فيروز بسرعه اهدى ياسيف هفهمك
جاسر
سبها انت مسكها كده ليه من ده
فيروز ده سيف ابن خالى وخطيب جومانا وده عدى خطيب جورى
جاسر بابتسامه
اه اهلا وسهلا وبعدين بص ل فيروز مفضلش غير البرنسس بتاعنا وغمزلها
سيف بعصبيه
مين ده
فيروز ده جاسر
عدى وبعدين
جورى بضحك اخونا
عدى
نعم ازاى يعنى
فيروز
جاسر اخونا فى الرضاعه مامته اتوفت وهيا بتولده وماما وطنط حنان رضعوه معايا انا و جومانا وفضل عايش معانا سنه يشركنا فى حضن امنا
جورى
سنه ايه ده مقيم فى وشنا على طول
جومانا
اصل بيت اونكل اسامه والد جاسر جمبنا على طول فا احنا على طول مع بعض حتى دخلنا نفس الكليه
سيف بهدوء
اه فهمت بس برضوا ميحضنش
جاسر بضحك
بتغير
سيف طبعا
جاسر
بس انا اخوها
عدى
لا يا حبيبى انسى خالص جو الاحضان ده
جاسر الله يكون فى عنكم يا بنات
الكل ضحك
جورى
جسور ايه رايك تنقل الكليه هنا وتفضل معانا
جاسر
مهو ده ال هيحصل بابا عاوز يصفى شركته هناك وينزل مصر زهق بعد وفات عمى احمد
جورى
الله ايامنا الحلوه هترجع تانى مع جسور وبتشه من خده
عدى من تحت سنانه
طب بطلى احسن انا ممكن اقتلهولك هنا دلوقتى
جاسر
طب وانا مالى
عدى
ما انت وخدهم فى حضنك وانا مش عارف حتى امسك ايديها
الكل هههههههههههه
سيف
طب يلا ندخل عشان الحفله قربت تخلص
وخلصت الحفله
والكل روح وكله طلع اوضته ينام بس فيروز كانت مدايقه ونزلت الجنينه تقعد
فضلت قاعده ومحستش بالوقت
رعد داخل الفيلا الساعه ٢ لقاها قاعده فى الجنينه
ايه سرحانه فى مين
فيروز بطرف عنيها
ميخصكش
رعد
اه صح تلقى سرحانه فى حبيب القلب
فيروز
حبيب القلب مين انت اتجننت
رعد بعصبيه
اتلمى وحفظى لسانك احسن ليكى
فيروز بعصبيه اكبر
انا محترمه وحافظه لسانى غصب عنك
رعد بتريقه
محترمه اشك
فيروز بغصب
شكلك اتجننت من كتر الاشكال الزباله ال بتعرفهم
رعد
اشكال زباله ما هما زيك بظبط زباله
فيروز
احترم نفسك انت زوتها
رعد
انتى ال تحترمى نفسك وبلاش دور الشريفه ال مش بتسلم على رجاله قدمنا ده
فيروز
تصدق انت تستاهل ان خطبتك تسيبك انت انسان مريض ومعقد وزباله
رعد وقد فقد سيطرته وشدها من ايدها وضغط عليها الزباله دى تبقى انتى يا رخيصه ولولا عمتى كنت وريتك الرخص بس شكلك عوزه تتربى وانا هعلمك الادب وزقها ومشى من قدمها
فيروز قعدت تعيط ومش فاهمه حاجه وهو بيقلها كده ليه
تانى يوم الصبح والكل على الفطار
رعد نزل صباح الخير
الكل صباح النور
رعد بابا انا مسافر شرم دلوقتى وهرجع بعد يومين مؤموريه فى السريع وجاى وبعديها عدى هيجى معايا على الغدا عشان يحددوا معاد كتب الكتاب
عثمان ربنا معاك يابنى وتروح وترجع بسلامه
وسافر رعد وعدى شرم وأمن المؤتمر كويس جدا وقضوا اليومين فى شرم الشيخ ورجعوا القاهره تانى
فى الصعيد
فاضل
امل يا امل
امل
ايوه يا عمى
فاضل
جوزك فين
امل
بيلبس ونازل
فاضل
اول ما ينزل خليه يجيلى المكتب
امل حاضر
مصطفى
نعم يا حاج امل قلتلى انك عوزنى
فاضل
اقعد واسمع كلامى كويس
مصطفى
طيب خير
فاضل
دلوقتى ولاد عمك احمد ابن عمى عايشين فى مصر وكبروا وممكن يتجوزوا وجوازهم تجى تطالب بورث ابوهم هنا احمد كان سايب نصيبه هو واخته اديره لانه مكنش محتاجه بس دلوقتى ممكن اى حد يجى يطالب بيه وده خير كتير ومش هسيبه يخرج بره
مصطفى
طب هتعمل ايه
فاضل
انت واخوك تخدوا البنات تجوزوهم
مصطفى
ازاى احنا متجوزين وبعدين احنا اكبر منهم
فاضل
وايه يعنى الراجل ميعبوش حاجه وبعدين انت مقتدر وتقدر تفتح بتين
مصطفى بس هما هيوفقوا
فاضل
غصب عنهم دول لسه مكملوش ٢١ سنه وانا هتصرف معاهم كويس اوى
مصطفى
خلاص ال تشوفه يا بوى
كل ده ومش وخدين بالهم من ال وقفت وبتسمع الكلام
فاضل
خلاص انا هكلم حنان دلوقتى واخد العنوان ونرحلهم يوم الخميس
مصطفى ماشى يا بوى اسيبك عشان اروح اشوف اشغالى
فاضل
مسك التلفون
الو ازيك يا ام جومانا
حنان
اهلا يا حاج فاضل عامل ايه
فاضل
الحمدالله تمام انتم عاملين ايه والبنات
حنان
الحمد الله كويسين بخير
فاضل
يارب دايما بقلك عازك تبعتلى العنوان فى رساله عشان ان شاء الله هنجلكم يوم الخميس
حنان والخوف بدخلها
تنور حاضر هبعته ليك حالا
فاضل
ماشى سلام مؤقت لحد ما شفكم
قفلت معاه حنان وبعتتله العنوان
امل
انا لازم اكلم عمتى حنان وافهما اكيد مش هتقبل ب ال عوزه عمى بس هجيب رقمها ازاى
اه عمى بيسب الموبيل على الشحن فى المكتب وبيخرج اول ما يخرج ادخل واجيب الرقم
حنان قاعده سرحانه
امينه
مالك يا حنان
حنان
فاضل جاى يوم الخميس وانا مش مرتحاله
امينه
عاوز ايه احمد طول عمره بيقول عليه جشع وكان بيغير من احمد جامد
حنان
منا عارفه ابنى عمى وانا ادرى بيه ربنا يستر
امينه
يارب يلا بينا نجهز الغدا عشان عدى هيجى مع رعد لسه رعد مكلمنى وجاين من شرم فى الطريق
حنان يلا
امل استغلت عمها ساب الموبيل فى المكتب وجريت فتحته واخدت رقم حنان وطلعت اوطتها تكلمها و٠٠٠٠٠٠٠
يتبع